Zekaria 8:3 - An Bibel Kernewek 20234 (Kernewek Kemmyn)

³ Yndellma y lever An Arloedh: My re dhehwelis dhe Sion ha my a vydh trigys yn mysk Yerusalem. Ena Yerusalem a vydh henwys ‘Sita an gwir’, ha menydh Arloedh an luyow ‘An menydh sans.’

Zekaria 8:3 ပူးပေါင်းရင်းမြစ်များ

Salmow 2:6

‘My re worras ow myghtern war Sion, ow menydh sans.’

Salmow 48:1

Meur yw an Arloedh, ha gwiw dhe vos gormelys yn feur yn sita agan Duw, yn y venydh sans.

Eksodus 29:45

Ha my a drig yn mysk mebyon Ysrael, ha my a vydh aga Duw.

Ysay 1:21

Assa wrug an sita len dos ha bos hora! Hi neb a veu leun a wirvreus, ewnder a ostya ynni, mes lemmyn denledhysi.

Ysay 1:26

My a wra restorya dha vreusysi kepar ha kyns, ha dha gonseloryon kepar hag y'n dalleth. Wosa hemma ty a vydh henwys sita an ewnder, an sita len.

Ysay 11:9

Ny wrons dregynn na ny dhistruons yn oll ow menydh sans; rag an norvys a vydh leun a wodhvos an Arloedh dell wra an dowrow kudha an mor.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ysay 32:16

Ena gwirvreus a drig y'n gwylvos, hag ewnder a annedh an tir feyth.

Ysay 60:14

Mebyon an re a'th arwaskas a gerdh dhis ow plegya dhe'n dor, hag oll myns a'th tespityas a ombleg dhe'n dor orth godhnow dha dreys; hag i a'th elow Sita an Arloedh, Sion a Sans Ysrael.

Ysay 65:25

Bleydh hag oen a beur war-barth, ha lew avel ojyon a dheber kala', mes doust a vydh boes rag sarf. Ny wrons dregynn na distrui yn oll ow menydh sans, yn-medh an Arloedh.

Ysay 66:20

I a dhre oll agas breder dhiworth oll an kenedhlow avel offrynn dhe'n Arloedh, war vergh, hag yn charettow, hag yn gravathow, ha war vulyon, ha war gowrvergh, dhe'm menydh sans, Yerusalem, yn-medh an Arloedh, kepar dell dhre mebyon Ysrael offrynn yn lester glan dhe ji an Arloedh.

Ysay 8:18

Awotta, my ha'n fleghes a wrug an Arloedh aga ri dhymm yw toknys ha marthusyon yn Ysrael dhiworth Arloedh an luyow usi trigys yn menydh Sion.

Yeremia 14:9

Prag y fydhydh avel gour penndegys, avel gour galloesek na yll sawya? Mes yth esos yn agan mysk, A Arloedh, ha dha hanow re beu gelwys warnan; na wra agan gasa.

Yeremia 26:18

‘Mika a Moreseth a brofoesas yn dydhyow Hezekia myghtern Yuda, ha kewsel orth oll pobel Yuda, ow leverel, “Yndellma y lever Arloedh an luyow, Sion a vydh erys avel park, ha Yerusalem a vydh bern a vagoryow, ha menydh an chi avel tylleryow ughel a goeswik.”

Yeremia 31:23

Yndellma y lever Arloedh an luyow, Duw Ysrael: I a wra devnydh a'n geryow ma arta yn pow Yuda ha'y threvow, pan y's trov arta dhiworth kethneth: ‘Re'th vennikko an Arloedh, A drigva ewnder, menydh gwiryonedh!’

Yeremia 33:16

Y'n dydhyow na Yuda a vydh selwys ha Yerusalem a drig yn sawder. Ha hemm yw an hanow may fydh henwys: ‘An Arloedh agan gwiryonedh.’

Ezekiel 48:35

An kompas yw etek mil. Ha hanow an sita a-dhia'n jydh na a vydh: Yma an Arloedh Ena.

Daniel 9:16

A Arloedh, herwydh oll dha weythyow gwiryon, re bo treylys, my a'th pys, dha sorr ha'th konnar dhiworth dha sita Yerusalem, dha venydh sans; rag a-barth agan peghosow, hag a-barth kammweyth agan tasow, Yerusalem ha'th pobel re dheuth bismer dh'agan kentrevogyon.

Yoel 3:17

Yndellma hwi a wodhvydh my dhe vos an Arloedh agas Duw, trigys yn Sion, ow menydh sans. Ha Yerusalem a vydh sans, ha nevra ny wra estrenyon tremena dredhi namoy.

Yoel 3:21

My a gemmer dial a'ga goes, ha ny asav denvyth dhe vos heb kessydhyans, rag an Arloedh a drig yn Sion.

Mika 4:1

Y'n dydhyow diwettha, menydh chi an Arloedh a vydh fastys avel penn an menydhyow, hag y fydh drehevys yn-bann dres an breow, ha poblow a dheu dhodho yn fros.

Sefania 3:13

Ny wra remenant Ysrael sherewneth, na leverel gowyow; na ny vydh taves fekyl kevys yn aga ganow; rag i a beur ha growedha, ha denvyth ny wra dhedha perthi own.

Zekaria 1:16

Ytho yndellma y lever an Arloedh: My a wra dehweles dhe Yerusalem gans truedh, hag ena ow chi a vydh dastrehevys, yn-medh Arloedh an luyow, ha'n gordenn-vusura a vydh ystynnys dres Yerusalem.

Zekaria 12:6

Y'n jydh na, my a wra kordhow Yuda avel pott tanek yn mysk prennyer, avel faglenn tan yn mysk manalow. I a wra devorya dhe'n dyghow ha dhe'n kledh oll an poblow y'n kyrghynn, mes Yerusalem a vydh annedhys arta yn hy thyller hi, yn Yerusalem.

Zekaria 14:10

Oll an tir a dheu ha bos avel Araba dhiworth Geba dhe Rimmon, a'n dyghow dhe Yerusalem. Mes hi a vydh drehevys hag annedhys yn hy le, dhiworth Yet Benyamin dhe dyller an kynsa yet, dhe Yet an Gornell, ha dhiworth Tour Hananel dhe winwaskow an myghtern.

Zekaria 8:16

Hwi a wra an taklow ma: kewsewgh an gwir an eyl orth y gila; rewgh breus a wirder ha kres yn agas porthow;

Zekaria 8:19

Yndellma y lever Arloedh an luyow: Penys an peswora mis, ha penys an seythves, ha penys an degves a vydh lowender ha heudhder ha kuntellesow hweg dhe ji Yuda. Ytho kerewgh gwiryonedh ha kres.

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 14:23

Yesu a worthybis ha leverel dhodho, ‘Piwpynag a'm karro a with ow geryow, ha'm Tas a'n karvydh, ha ni a dheu dhodho ha gul agan trigva ynno.

2 Korinthianys 6:16

Ha py akord eus dhe dempel Duw gans idolys? Rag ni yw tempel an Duw bew, dell leveris Duw, ‘My a wra triga yn aga mysk, ha my a wra kerdhes yn aga mysk; aga Duw vydhav vy, hag ow fobel vydhons i.

Kolossianys 2:9

rag ynno ev y trig pub leunder a'n Duwsys, yn korfek.

Diskwedhyans 21:10

Hag ev a'm dug dhe-ves y'n spyrys dhe venydh bras hag ughel, ha diskwedhes dhymm an sita sans, Yerusalem, ow tiyskynna yn-mes a nev dhiworth Duw,

Diskwedhyans 21:27

Ha ny wra entra ynni travyth y'n bys a vo avlan, na neb a wra tra gasadow, po gowleverel, marnas seul yw skrifys yn lyver bewnans an Oen.

Diskwedhyans 21:3

Ha my a glewas lev bras yn-mes a'n tron ow leverel, ‘Otta, yma tabernakel Duw gans mab-den, hag ev a drig gansa, hag i a vydh y bobel, ha Duw y honan a vydh gansa.