Zekaria 8:21 - An Bibel Kernewek 20234 (Kernewek Kemmyn)

²¹ ha trigoryon unn sita a wra mos dhe'n arall ow leverel, ‘Deun ni devri dhe bysi war an Arloedh ha dhe hwilas Arloedh an luyow. My ow honan a wra mos ynwedh.’

Zekaria 8:21 ပူးပေါင်းရင်းမြစ်များ

2 Kroniklys 11:16

An re dhiworth pub loeth a Ysrael, re settsa aga holonn dhe hwilas an Arloedh, Duw Ysrael, a dheuth war aga lergh dhe Yerusalem, rag sakrifia dhe'n Arloedh, Duw aga thasow.

Salmow 103:22

Bennigewgh an Arloedh, oll y oberow, yn pub tyller a'y vaystri. Ow enev, bennik an Arloedh.

Ysay 2:3

Poblow pals a dheu ha leverel, ‘Dewgh, ha deun ni yn-bann dhe venydh an Arloedh, dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Yeremia 31:6

Rag y fydh dydh pan elow an woelyadoryon war vro venydhyek Efraym: ‘Sevewgh, ha deun yn-bann dhe Sion, dhe'n Arloedh agan Duw.’

Hosea 6:3

Ytho re aswonnyn ni, re hwillyn dhe aswonn an Arloedh. Y dhevedhyans yw mar sur avel an bora; ev a dheu dhyn avel an glaw, avel an glaw diwedhes a dhowrha an tir.

Zekaria 7:2

An dus a Bethel re dhannvonsa Shareser ha Regem-melek, gans aga thus, dhe bysi war an Arloedh,

Zekaria 8:22

Ha meur a boblow ha kenedhlow krev a dheu dhe hwilas Arloedh an luyow yn Yerusalem ha dhe bysi war an Arloedh.

Yowann 1:37

Ha'n dhew dhyskybel a'n klewas ow kewsel, hag i a holyas Yesu.