Zekaria 8:19 - An Bibel Kernewek 20234 (Kernewek Kemmyn)

¹⁹ Yndellma y lever Arloedh an luyow: Penys an peswora mis, ha penys an seythves, ha penys an degves a vydh lowender ha heudhder ha kuntellesow hweg dhe ji Yuda. Ytho kerewgh gwiryonedh ha kres.

Zekaria 8:19 ပူးပေါင်းရင်းမြစ်များ

2 Myghternedh 25:1

1 Rakhenna yn nawves blydhen y reyn, y'n degves mis, yn degves dydh an mis, Nebukadnessar, myghtern Babylon a dheuth, ev hag oll y lu, erbynn Yerusalem, hag omsettya orti; hag i a dhrehevis gweyth esedhva er hy fynn war bub tu.

2 Myghternedh 25:25

Mes y'n seythves mis, Yshmael mab Nethania mab Elishama, a'n teylu ryel, a dheuth gans deg den; i a weskis Gedalia may ferwis, war-barth gans an Yedhewon ha'n Kaldeanys esa ganso yn Mispa.

Ester 8:17

hag yn pub rannvro, hag yn pub sita, plepynag y teffa gorhemmynn an myghtern ha'y arghadow, dhe'n Yedhewon yth esa heudhder ha lowender, kevewi ha dydh da. Ha lies huni dhiworth poblow an tir eth ha bos Yedhewon rag own a'n Yedhewon.

Ester 9:22

avel an dydhyow may feu dhe'n Yedhewon powes dhiworth aga eskerens, ha'n mis hag a veu treylys ragdha dhiworth ahwer dhe heudhder, ha dhiworth kynvann dhe dhydh da: ma's gwrellens dydhyow a gevewya hag a heudhder, hag a dhannvon rohow a voes an eyl dh'y gila, hag a dhannvon rohow dhe'n voghosogyon.

Salmow 30:11

Ty re dreylyas ow hynvann dhe dhons; ty re dhiwiskas ow yskar ha'm grogysa gans lowender.

Salmow 34:15

Yma dewlagas an Arloedh war an re wiryon, ha'y dhiwskovarn troha'ga kri.

Ysay 12:1

Y'n jydh na ty a lever: My a'th wormel, A Arloedh, rag kyn feus serrys orthiv, dha sorr re dreylyas dhe-ves, ha ty a'm konfortyas.

Ysay 35:10

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy, ha tristyns ha hanasa a fi dhe'n fo.

Ysay 51:11

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy; tristyns ha hanasa a fi dhe'n fo.

Yeremia 36:6

Ytho ke dha honan, ha lenn geryow an Arloedh y'n rol re skrifsys a'm ganow, yn klewans an bobel yn chi an Arloedh war dhydh penys; ha g ynwedh ty a's lenn yn klewans oll pobel Yuda a dheu yn-mes a'ga sitys.

Yeremia 39:2

y'n unnegves blydhen a Sedekia, y'n peswora mis, yn nawves dydh an mis, aswa a veu terrys yn fos y'n sita.

Yeremia 52:4

Hag yn nawves blydhen y reyn, y'n degves mis, yn degves dydh an mis, Nebukadnessar myghtern Babylon a dheuth gans oll y lu erbynn Yerusalem, hag i a gampyas a-dro dhedhi; i a dhrehevis touryow-esedhva er y bynn oll a-dro.

Ezekiel 18:8

mar ny wra presta rag oker, na kemmeres goroker, mar ny dreyl y leuv dhiworth kammhynseth, mes ev a wra gwirvreus yntra gour ha gour,

Ezekiel 24:1

Ger an Arloedh a dheuth dhymm y'n nawves blydhen, y'n degves mis, yn degves dydh an mis, ow leverel:

Zekaria 7:3

ow leverel dhe'n oferysi yn chi Arloedh an luyow ha dhe'n brofoesi, ‘A dalav galari ha gul penys y'n pympes mis, dell wren vy nans yw lies blydhen?’

Zekaria 7:5

Govynn oll pobel an tir ha'n oferysi: Pan wrussowgh penys ha galari y'n pympes ha seythves mis dres an deg blydhen ha tri-ugens eus passys, a veu ragov vy y hwrussowgh penys?

Zekaria 8:16

Hwi a wra an taklow ma: kewsewgh an gwir an eyl orth y gila; rewgh breus a wirder ha kres yn agas porthow;

Zekaria 8:18

Ger Arloedh an luyow a dheuth dhymm, ow leverel,

Zekaria 8:3

Yndellma y lever An Arloedh: My re dhehwelis dhe Sion ha my a vydh trigys yn mysk Yerusalem. Ena Yerusalem a vydh henwys ‘Sita an gwir’, ha menydh Arloedh an luyow ‘An menydh sans.’

Diskwedhyans 22:15

A-ves yma an keun, ha'n bystrioryon, ha'n re a wra fornikasyon ha denladh, ha'n re a wordh idolys, ha pubonan a gar ha gul falsuri.