Zekaria 8:14 - An Bibel Kernewek 20234 (Kernewek Kemmyn)

¹⁴ Yndellma y lever Arloedh an luyow: Par dell erviris dri drog warnowgh hwi pan wrug agas tasow ow serri, ha ny'm beu piteth, yn-medh Arloedh an luyow,

Zekaria 8:14 ပူးပေါင်းရင်းမြစ်များ

2 Kroniklys 36:16

mes i a wre ges a gannasow Duw, ow tispresya y eryow, hag ow skornya y brofoesi, bys pan o gyllys konnar an Arloedh orth y bobel mar vras, ma nag esa remedi.

Salmow 33:11

Kusul an Arloedh a sev bynitha, prederow y golonn a unn henedh dhe'n nessa.

Ysay 14:24

Arloedh an luyow re dos, ow leverel: Kepar dell vynnis vy, yndella y hwer; ha kepar dell erviris, yndella y sev:

Yeremia 20:16

Gas an gour na dhe vos avel an sitys a dhomhwelas an Arloedh, yn tibita; gas ev dhe glewes kri myttinweyth, ha garm yn hanter-dydh,

Yeremia 29:11

Rag my a woer an tybyansow a dybav ragowgh, yn-medh an Arloedh, tybyansow kres, a-der drogedh, dhe ri dhywgh diwedh gans govenek.

Yeremia 31:28

Ha kepar dell withis warnedha dhe dhiwreydhya, ha dhe dewlel dhe'n dor, yndella y hwithav warnedha, dhe dhrehevel, ha dhe blansa, yn-medh an Arloedh.

Yeremia 32:42

Rag yndellma y lever an Arloedh: Par dell dhres oll an drogedh meur ma war an bobel ma, yn kettellma my a dhre warnedha oll an da a ambosis dhedha.

Yeremia 4:28

Drefenn henna an nor a wra kyni, ha'n nevow a-ugh a vydh du: rag my re'n leveris, my re'n mynnas, ha ny'm bydh edrek, na ny gildennav a-dhiworto.

Ezekiel 24:14

My an Arloedh re gewsis. An termyn re dheuth, ha my a'n gwrav. Ny vydhav owth omwitha, na sparya, na diserri. War-lergh dha fordhow ha'th wriansow my a'th vreus, yn-medh an Arloedh Duw.

Zekaria 1:2

An Arloedh o serrys fest orth agas tasow.

Zekaria 1:6

Yn hwir, ow geryow ha'm ordenansow, a erghis dhe'm gwesyon an brofoesi, a ny dhrehedhsons dh'agas tasow? Ena i a gavas edrek ha leverel, ‘Par dell vynnas Arloedh an luyow gul dhyn rag agan fordhow ha'gan oberow, yndella y hwrug ev dhyn.’