Zekaria 7:14 - An Bibel Kernewek 20234 (Kernewek Kemmyn)

¹⁴ My a wrug aga skattra gans korwyns yn mysk oll an kenedhlow na's aswonnsons. An tir a veu ynyal war aga lergh, ma na wrug denvyth tremena dredho na dehweles. Y hwrussons an tir hweg dhe vos ynyal.

Zekaria 7:14 ပူးပေါင်းရင်းမြစ်များ

2 Kroniklys 36:21

may fo kewerys ger an Arloedh dre anow Yeremia, bys pan wrussa an tir resek termyn leun y sabotys. Oll an dydhyow may feu anannedhys, an tir a witha sabot, rag kollenwel deg blydhen ha tri ugens.

Salmow 58:9

Kyns agas kalteryow dhe synsi toemmder an spern, gwres ev aga hemmeres dhe-ves hwath yn few, dell ve gans korwyns.

Ysay 17:13

Kenedhlow a darenn avel tarennans dowrow pals, mes ev a's keredh hag y fions pell, helghys avel us war an menydhyow a-rag an gwyns, hag avel has askall a-rag an awel.

Ysay 21:1

Profoesans a-dro dhe wylvos an mor. Kepar dell dremen hwaffys awelyow y'n Negeb, ev a dheu dhiworth an gwylvos, dhiworth tir euthyk.

Ysay 60:15

Kyn feus forsakys ha kesys, heb denvyth ow tremena, my a'th kwra meuredh bys vykken, lowena a henedh dhe henedh.

Ysay 66:15

Rag otta, an Arloedh a dheu gans tan, ha'y jarettow avel korwyns, dhe attyli y sorr gans konnar, ha'y geredh gans flammow tan.

Yeremia 12:10

Lies bugel re dhistruis ow gwinlann, i re drettyas ow rann yn-dann droes, i re wrug ow rann blegadow yn gwylvos ynyal.

Yeremia 23:19

Otta, korwyns an Arloedh! konnar res eth yn-mes, hag annawel ow troyllya: troyllya a wra war benn an debeles.

Yeremia 30:23

Otta, korwyns an Arloedh! konnar ow mos yn-mes, korwyns ow rosella: troyllya a wra war benn an debeles.

Yeremia 36:19

Ena an bennsevigyon a leveris dhe Baruk, ‘Ke hag omgeles, ty ha Yeremia, ha na as denvyth dhe wodhvos le mayth esowgh.’

Yeremia 44:6

Ytho ow sorr hag ow honnar a veu dinewys hag enowys yn trevow Yuda ha stretow Yerusalem; hag i yw gwastys hag ynyal kepar hag y'n jydh hedhyw.

Yeremia 5:15

Otta, my a dhre warnowgh kenedhel a bellder, A ji Ysrael, yn-medh an Arloedh: kenedhel yw neb a dhur, kenedhel goth, kenedhel anedhi na wodhes hy yeth, na konvedhes an pyth a leverons.

Yeremia 52:30

Y'n tressa blydhen warn ugens a Nebukadnessar, Nebuzaradan kapten an withysi a gemmeras yn divroedh seyth kans den pymp ha dew-ugens; oll an dus o peswar mil hwegh kans.

Ezekiel 12:19

Lavar dhe bobel an tir, Yndellma y lever an Arloedh Duw a-dro dhe drigoryon Yerusalem ha pow Ysrael: I a dheber aga bara yn fienasow, hag eva aga dowr yn euth, rag hy thir a vydh lommhes a bup-tra eus ynno, drefenn freudh oll an re usi trigys ynni.

Ezekiel 22:15

My a wra dha lesa yn kenedhlow ha'th skattra y'n powyow, ha kartha dhiworthis dha vostedhes.

Ezekiel 5:10

Rakhenna tasow a dheber mebyon a-berth ynnos, ha mebyon a dheber aga thasow; ha my a wra breusow ynnos, ha skattra oll an remenant ahanas dhe oll an gwynsow.

Daniel 8:9

Ha dhiworth onan anedha y teuth yn-mes korn byghan, a devis dres eghenn war-tu ha'n dhyghowbarth, war-tu ha'n howldrehevel, ha war-tu ha'n tir splann.

Hosea 9:17

Ow Duw a wra aga denagha, drefenn na woslowsons orto; i a vydh gwandrysi yn mysk an kenedhlow.

Yoel 2:3

Tan a dhevor a-dheragdha, hag a-dryv dhedha flamm a lesk. An tir yw avel lowarth Eden a-dheragdha, hag a-dryv dhedha gwylvos difeyth; vri, ny vydh diank anedha.

Levitikus 26:22

Ha my a dhannvon bestes gwyls yn agas mysk a gemmer dhe-ves agas fleghes, ha diswul agas chatel, ha lehe agas niver, ha gwag vydh agas fordhow.

Levitikus 26:33

Ha my a wra agas skattra yn mysk an kenedhlow, ha tenna yn-mes an kledha war agas lergh; dha dir a vydh ynyal, ha'gas sitys a vydh magoryow.

Amos 1:14

Ytho my a worr tan yn fos Rabba, dhe dhevorya hy falesyow gans garm yn dydh an gas, gans annawel yn dydh an korwyns;

Nahum 1:3

An Arloedh yw lent ow serri, ha meur y nerth, ha'n Arloedh ny gas mann an debeles heb kessydhyans. Yma y fordh y'n korwyns hag y'n annawel, ha'n kommol yw doust y dreys.

Habakkuk 3:14

Gans y shaftys y honan ty a wanas pennow y gasoryon; i a dheuth avel korwyns dh'agan skattra; I a lowenhas kepar hag ow lenki an den truan yn-dann gel.

Sefania 3:6

My re droghas an kenedhlow yn-mes: forsakys yw aga thouryow; my a dhifeythyas aga stretow ma na dremen denvyth: distruys yw aga sitys, heb denvyth, heb annedhyas.

Zekaria 2:6

Yn-sol! Yn-sol! Fiewgh a dir an kledh, yn-medh an Arloedh, rag my re'gas lesas avel an peswar gwyns a nev, yn-medh an Arloedh.

Zekaria 8:1

Ger Arloedh an luyow a dheuth, ow leverel,

Zekaria 9:14

Ena an Arloedh a omdhiskwedh a-ughta; y seth a yn-mes avel lughes. An Arloedh Duw a hwyth an hirgorn, ha mos yn-rag yn korwynsow an dyghow,

Dewteronomi 28:33

Pobel na aswonnsys a dheber frut dha dir hag oll askorr dha lavur, ha ny vydhydh saw arweskys ha tebeldhyghtys oll dha dhydhyow.

Dewteronomi 28:49

An Arloedh a dhrehav er dha bynn kenedhel a bellder, dhiworth penn an norvys, mar skav dell nij an er yn-nans, kenedhel ma na gonvedhydh hy thaves,

Dewteronomi 28:64

Ena an Arloedh a wra dha skattra yn mysk oll an poblow dhiworth unn penn a'n norvys bys y'n penn arall, hag ena ty a serv duwow erell neb na aswonnsys, naneyl ty na'th tasow, prenn ha men.

Dewteronomi 4:27

An Arloedh a wra agas skattra ynter an poblow, boghes vydh agas niver gesys yn mysk an kenedhlow may hwra an Arloedh agas ledya di.