Zekaria 3:4 - An Bibel Kernewek 20234 (Kernewek Kemmyn)

⁴ An el a leveris dhe'n re esa ow sevel a-ragdho, ‘Kemmerewgh dhiworto an dillas plos.’ Ena ev a leveris dhe Yoshua, ‘Mir, my re dhug dhiworthis dha gammhynseth, ha my a wra dha wiska yn dillas teg.’

Zekaria 3:4 ပူးပေါင်းရင်းမြစ်များ

Luk 15:22

Mes y das a erghis dh'y gethwesyon, “Drewgh uskis an gwella pows ha'y gorra warnodho, ha rewgh bysow war y leuv hag eskisyow war y dreys.

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Diskwedhyans 7:14

Ha my a leveris dhodho, ‘Ow arloedh, ty a woer.’ Hag yn-medh ev dhymm, ‘An re ma yw neb a dheuth yn-mes a anken meur, ha re wolghas aga fowsyow ha'ga gwynnhe yn goes an Oen.

Ezekiel 36:25

Skoellya a wrav warnowgh dowr glan, ha hwi a vydh glanhes dhiworth oll agas avlander, ha dhiworth oll agas idolys.

Ysay 43:25

My, my yw ev neb a dhefend dhe-ves dha dreuspassow a'm govis ow honan, ha ny borthav kov a'th peghosow.

1 Korinthianys 6:11

Hag yndella y fedha re ahanowgh hwi; mes golghys vewgh, sanshes vewgh, akwitys vewgh yn hanow an Arloedh Yesu Krist ha gans Spyrys agan Duw.

Zekaria 3:7

‘Yndellma y lever Arloedh an luyow: Mar kerdhydh y'm fordhow ha gwitha ow charj, ena ty a wra governa ow chi ha gwitha ow klosyow, ha my a re dhis awtorita dhe dhos ha mos yn mysk an re usi ow sevel omma.

Mika 7:18

Py Duw yw haval dhis, ow kava droktra hag owth ankevi kammwrians an remenant a'y eretons? Ny with ev y sorr bynnari, drefenn bos mall ganso a dregeredh.

Ysay 61:3

dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Ebrowyon 8:12

Rag my a vydh tregeredhus a'ga drogoberow, ha ny wrav perthi kov namoy a'ga feghosow.’

2 Korinthianys 5:21

A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.

Zekaria 3:9

Awotta'n men a worris a-rag Yoshua! Yma seyth lagas war unn men, ha my a wra gravya skrifa warnodho, yn-medh Arloedh an luyow, ha my a wra remova pegh an tir ma yn unn jydh.

Salmow 51:9

Kudh dha fas rag ow feghosow, ha defend dhe-ves oll ow hammweythresow.

Kolossianys 3:10

ha wosa gwiska an den nowydh, daswrys yn godhvos war-lergh an imaj a neb a'n gwrug.

Romanyon 6:23

Rag gobrow pegh yw mernans, mes ro Duw yw bewnans heb diwedh yn Krist Yesu agan Arloedh.

Romanyon 3:22

ewnder Duw dre fydh yn Yesu Krist rag oll hag a grys. Rag nyns eus dibarth;

Yowann 1:29

Ternos ev a welas Yesu ow tos dhodho hag yn-medh ev, ‘Awotta Oen Duw neb a gemmer dhe-ves peghadow an bys.

Luk 1:19

Ha'n el a worthybis dhodho, ‘Gabriel ov vy, neb a sev a-rag Duw, ha dannvenys veuv dhe gewsel orthis, ha dhe dhri dhis an nowodhow da a hemma.

Zekaria 3:1

Ena ev a dhiskwedhas dhymm Yoshua an arghoferyas ow sevel a-rag el an Arloedh, ha Satnas ow sevel a-dhyghow dhodho dh'y guhudha.

Ysay 52:1

Difun, difun, gwisk dha nerth, A Sion! Gwisk dha dhillas teg, A Yerusalem, an sita sans; rag ny enter ynnos na fella den antrodreghys nag avlan.

1 Myghternedh 22:19

Ena Mikaya a leveris, ‘Ytho klew ger an Arloedh: My a welas an Arloedh esedhys war y dron, gans oll an lu nevek a'ga sav rybdho dhe'n dyghow ha dhe'n kledh.

2 Samuel 12:13

Hag yn-medh Davydh dhe Nathan, ‘My re beghas erbynn an Arloedh.’ Ha Nathan a leveris dhe Davydh, ‘Lemmyn an Arloedh re worras dhe-ves dha begh; ny verwydh.

Diskwedhyans 5:11

Ha my a viras, ha klewes lev lies el a-dro dhe'n tron, ha'n kreaturs bew ha'n henavogyon; ha'n niver anedha o deg milweyth deg mil, ha milyow a vilyow,

Matthew 22:11

‘Ha'n myghtern pan dheuth a-ji dhe vires orth an westoryon, a welas unn den ena nag esa warnodho gwisk demmedhyans,

Ezekiel 42:14

Pan dheu an oferysi a-ji, nyns ons yn-mes dhiworth an tyller sans bys y'n klos a-ves, mes ena i a sett aga dillas may fenystrons ynna, rag sans yns; i a wisk dillas arall kyns mos dhe dyller an bobel.’

Mika 7:19

Ev a gemmer truedh ahanan arta, ha trettya agan drogoberow yn-dann y dreys. Ty a dewl agan peghosow oll yn downder an mor.

Ysay 44:22

My re skubas dhe-ves dha dreuspassow avel kommolenn, ha'th peghosow avel niwl; dehwel dhymm, rag my re'th tasprenas.

Yeremia 52:33

Ytho Yekoyakin a worras a-denewen y dhillas prison, ha pub dydh a'y vewnans ev a dhybri bara a-ragdho.