Zekaria 14:6 - An Bibel Kernewek 20234 (Kernewek Kemmyn)

⁶ Y'n jydh na ny vydh golow, na yeynder na rew.

Zekaria 14:6 ပူးပေါင်းရင်းမြစ်များ

Salmow 112:4

Dhe'n re ewnhynsek y sev golow y'n tewlder; ev yw grassyes ha truedhek ha gwiryon.

Ysay 13:10

Rag ster an nevow ha'ga Orionow ny rons aga golow. An howl a vydh tewl pan dhrehav, ha'n loer ny wra dh'y loergann splanna.

Ysay 24:23

An loer a's tevydh meth ha'n howl a vydh shamys; rag Arloedh an luyow a reyn yn menydh Sion hag yn Yerusalem, ha glorifiys vydh a-rag y henavogyon.

Ysay 50:10

Piw yn aga mysk a berth own a'n Arloedh hag yw gostydh dhe lev y was? Ev neb a gerdh yn tewlder, neb na'n jeves golow, byttegyns ev a drest yn hanow an Arloedh, ha poesa war y Dhuw.

Yeremia 4:23

My a viras war an nor, hag, otta heb furv o, ha gwag; ha war an nevow ha ny's tevo golow.

Ezekiel 32:7

Pan y'th tifeudhav, my a gudh an nevow ha tewlhe aga ster; my a gudh an howl gans kommolenn, ha ny re an loer hy golow.

Ezekiel 32:8

My a dewlha warnas oll golowys splann an nevow, ha dri tewolgow war dha dir, yn-medh an Arloedh Duw.

Hosea 6:3

Ytho re aswonnyn ni, re hwillyn dhe aswonn an Arloedh. Y dhevedhyans yw mar sur avel an bora; ev a dheu dhyn avel an glaw, avel an glaw diwedhes a dhowrha an tir.

Yoel 2:2

dydh tewlder ha tewlyjyon, dydh kommol ha tewolgow tew. Dell les an bora war an menydhyow y teu pobel vras ha krev; nyns esa bythkweth aga far, na ny vydh namoy a'y wosa, bys vlydhynyow henedhow ha henedhow.

Yoel 2:30

My a dhiskwa marthusyon y'n nevow hag y'n norvys, goes ha tan ha kolovenyow a vog.

Yoel 2:31

An howl a vydh treylys dhe dewlder, ha'n loer dhe woes, kyns dos dydh an Arloedh, bras hag euthyk.

Yowann 1:5

ha'n golow a splann y'n tewlder, ha ny wrug an tewlder y fetha.

Yowann 12:46

Devedhys ov y'n bys kepar ha golow, rag na wrello piwpynag a grysso ynnov vy triga yn tewlder.

Oberow 2:16

mes hemm yw an pyth a veu kewsys der an profoes Yoel,

Oberow 2:19

Ha my a dhiskwedh marthusyon y'n nev a-vann, hag toknys y'n norvys a-woeles, goes ha tan hag ethenn mog.

Kolossianys 1:12

ow krassa dhe'n Tas re'gas gwrug gwiw dhe gavoes rann yn eretons an syns y'n golow.

2 Peder 1:19

Ha ni a'gan beus an ger profoesek moy sur. Hwi a wra yn ta ow kul vri anodho, kepar ha lugarn ow kolowi yn tyller tewl erna dartho an jydh hag erna dhrehaffo Borlowenn yn agas kolonnow.

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Diskwedhyans 11:3

Ha my a rov galloes dhe'm dew dest hag i a wra profoesa mil dhydh dew kans ha tri-ugens, ow kwiska yskar.’