Zekaria 14:21 - An Bibel Kernewek 20234 (Kernewek Kemmyn)

²¹ Pub pott yn Yerusalem hag yn Yuda a vydh ‘Sansoleth dhe Arloedh an luyow’, ha pubonan a dheu dhe sakrifia a gemmer nebes anedha, ha bryjyon ynna; ha ny vydh Kananek namoy y'n chi Arloedh an luyow.

Zekaria 14:21 ပူးပေါင်းရင်းမြစ်များ

Nehemia 8:10

Yn eur na ev a leveris dhedha, ‘Kewgh, dybrewgh an blonek, hag evewgh an gwin hweg ha dannvenewgh rannow dhodho ev na'n jeves travyth parys ragdho. Sans yw an jydh ma dh'agan Arloedh: na bedhewgh grevys, rag lowena an Arloedh yw agas nerth.’

Ysay 35:8

Y fydh fordh-veur ena, ha hyns, hag y fydh henwys an Fordh a Sansoleth. Ny dremen an den avlan warnedhi, mes y fydh fordh rag pergherinyon, ny wra fellyon gwandra ynni.

Ysay 4:3

Ev neb a vydh gesys yn Sion, neb a worta yn Yerusalem, a vydh henwys sans, pubonan neb a veu skrifys rag bewnans yn Yerusalem,

Ysay 52:1

Difun, difun, gwisk dha nerth, A Sion! Gwisk dha dhillas teg, A Yerusalem, an sita sans; rag ny enter ynnos na fella den antrodreghys nag avlan.

Ezekiel 44:9

Yndellma y lever an Arloedh Duw: Ny dheu y'm sentri estren vyth, antrodreghys y golonn na antrodreghys y gig, na hwath an estrenyon usi yn mysk mebyon Ysrael.

Ezekiel 45:1

Pan vydhowgh ow tewlel prenn dhe ranna an tir avel eretons, hwi a re offrynn dhe'n Arloedh, rann a'n tir avel rannvro sans, pymp warn ugens a vilyow hy hirder hag ugens mil hy les. Hi a vydh sans a-ji dhe oll hy oryon a-dro.

Hosea 12:7

An marchont a'n jeves fals vantol yn y leuv; ev a gar toella.

Yoel 3:17

Yndellma hwi a wodhvydh my dhe vos an Arloedh agas Duw, trigys yn Sion, ow menydh sans. Ha Yerusalem a vydh sans, ha nevra ny wra estrenyon tremena dredhi namoy.

Sefania 1:11

Kynewgh, a drigoryon Maktesh, rag distruys yw oll an wikoryon, treghys dhe-ves yw an re a boes arghans.

Zekaria 14:20

Y'n jydh na ‘Sansoleth dhe'n Arloedh’ a vydh war glegh an vergh, ha'n pottow yn chi an Arloedh a vydh avel an bollow a-rag an alter.

Zekaria 7:6

Pan dhebrowgh hag eva, a ny dhebrowgh hag eva ragowgh hwi agas honan?

1 Korinthianys 10:31

Ytho, po dybri po eva a wrewgh, po pypynag a wrewgh, pup-tra dhe wordhyans Duw gwrewgh.

Dewteronomi 12:12

Hwi a lowenha a-rag an Arloedh agas Duw, hwi, ha'gas mebyon, ha'gas myrghes, ha'gas servysi, ha'gas maghtethyon, ha'n Levyas usi a-ji dh'agas yetys drefenn nag eus dhodho kevrenn nag eretons genowgh hwi.

Dewteronomi 12:7

hag ena hwi a dheber a-rag an Arloedh agas Duw, ha lowenhe yn pup-tra may hworrowgh agas leuv warnodho, hwi ha'gas tiogethyow, may hwrug an Arloedh dha Dhuw dha venniga dredho.

1 Timothi 3:15

Mes mar strechyav, ty a wra godhvos fatell yw res omdhegi yn mayni Duw, yw eglos an Duw bew, an pilar ha'n grond a wiryonedh.

Ebrowyon 3:6

mes Krist o len avel Mab dres chi Duw. Ha ni yw y ji mar synsyn agan fydhyans ha goeth yn agan govenek, fyrv dhe'n diwedh.

1 Peder 4:17

Rag devedhys yw an termyn dhe dhalleth an vreus orth teylu Duw, ha mar talleth orthyn ni, pandr'a vydh gorfenn an re nag yw gostydh dhe aweyl Duw?

Diskwedhyans 21:27

Ha ny wra entra ynni travyth y'n bys a vo avlan, na neb a wra tra gasadow, po gowleverel, marnas seul yw skrifys yn lyver bewnans an Oen.

Diskwedhyans 22:15

A-ves yma an keun, ha'n bystrioryon, ha'n re a wra fornikasyon ha denladh, ha'n re a wordh idolys, ha pubonan a gar ha gul falsuri.