Zekaria 14:20 - An Bibel Kernewek 20234 (Kernewek Kemmyn)

²⁰ Y'n jydh na ‘Sansoleth dhe'n Arloedh’ a vydh war glegh an vergh, ha'n pottow yn chi an Arloedh a vydh avel an bollow a-rag an alter.

Zekaria 14:20 ပူးပေါင်းရင်းမြစ်များ

1 Myghternedh 7:50

an hanafow, an gwelsigow-porv, an bollow, an skudellow rag ynkys, ha'n padellow-tan, a owr pur; ha pannellow darasow an chi pervedhel, an tyller an moyha sans, ha rag darasow chi an tempel, a owr.

2 Kroniklys 4:8

Ev a wrug ynwedh deg moes ha'ga gorra y'n tempel, pymp a-dhyghow ha pymp a-gledh. Hag ev a wrug kans bason a owr.

Salmow 110:3

Yma genes mestrynses yn dydh dha nerth, yn splannderyow sansoleth. Dhiworth brys an bora y fydh genes gluth dha yowynkneth.

Eksodus 25:29

Ha ty a wra hy flatyow ha'y skudellow ha'y hostrels ha'y bollow dhe dhiveri offrynnow diwes; a owr pur ty a's gwra.

Eksodus 37:16

Hag ev a wrug an lestri a owr pur a vedha war an voes, hy flatyow ha'y skudellow ha'y bollow ha'y hostrels gansa dhe dhiveri an offrynnow diwes.

Eksodus 39:30

Hag i a wrug plat an gurun sans a owr pur, ha skrifa warnodho skrif, avel gravyans sel, ‘Sans dhe'n Arloedh.’

Ysay 23:18

Hy gwayn ha'y gober a vydh sans dhe'n Arloedh; ny vydh kuntellys na gwithys, mes hy gwayn a vydh rag an re a drig a-rag an Arloedh, rag lanwes boes ha dillas splann.

Ysay 52:1

Difun, difun, gwisk dha nerth, A Sion! Gwisk dha dhillas teg, A Yerusalem, an sita sans; rag ny enter ynnos na fella den antrodreghys nag avlan.

Yeremia 31:40

An nans oll a gorfow marow ha'n lusu, hag oll an gwelyow bys yn gover Kidron, dhe gornell Yet an Margh war-tu ha'n duryen, a vydh sans dhe'n Arloedh. Ny vydh diwreydhys na domhwelys nevra.

Ezekiel 45:1

Pan vydhowgh ow tewlel prenn dhe ranna an tir avel eretons, hwi a re offrynn dhe'n Arloedh, rann a'n tir avel rannvro sans, pymp warn ugens a vilyow hy hirder hag ugens mil hy les. Hi a vydh sans a-ji dhe oll hy oryon a-dro.

Levitikus 6:28

Mes an lester a bri mayth yw bryjys ynno a vydh terrys; ha mars yw bryjys yn lester a vrons, y fydh skourys ha godroghys yn dowr.

Levitikus 8:9

Hag ev a worras an tulyfant war y benn ha war an tulyfant war y dal ev a worras an vedalenn owrek, an gurun sans, dell erghis an Arloedh dhe Moyses.

Obadia 1:17

Mes war venydh Sion y fydh remenant a'n re a dhienk, hag y fydh tyller sans. Ha chi Yakob a dhaskemmer eretons an dus a gemmersa aga eretons i.

Sefania 2:11

Euthyk vydh an Arloedh dhedha: rag ev a danowha oll duwow an norvys ha tus a'n gordh, peub dhiworth y le, oll ynysow an kenedhlow.

Zekaria 14:19

Hemma a vydh kessydhyans pegh Ejyp, ha kessydhyans oll an kenedhlow na wrons mos yn-bann dhe solempnya goel an skovvaow.

Zekaria 8:3

Yndellma y lever An Arloedh: My re dhehwelis dhe Sion ha my a vydh trigys yn mysk Yerusalem. Ena Yerusalem a vydh henwys ‘Sita an gwir’, ha menydh Arloedh an luyow ‘An menydh sans.’

Zekaria 9:15

hag Arloedh an luyow a vydh skoes warnedha. I a wra dybri, ha stankya yn-nans an veyn-dowlbrenn. I a wra eva ha garma kepar ha gans gwin, ha bos lenwys avel bolla-offrynn, avel kern an alter.

Malaki 1:11

Rag meur yw ow hanow yn mysk an kenedhlow, dhiworth an howldrevel ha bys an howlsedhes, hag yn pub le yma ynkys offrynnys dhe'm hanow, hag offrynn pur, rag meur yw ow hanow yn mysk an kenedhlow, yn-medh Arloedh an luyow.

Niverow 4:14

hag i a worr warnedhi oll an daffar yw devnydhys rag an servis ena, an padellow tan, an kigveryow, an reuvow, ha'n bollow, oll daffar an alter; hag i a wra lesa warnedhi kudhans a greghyn morhoghes, ha gorra ynni hy gwelynni.

Niverow 4:7

Ha war voes bara an wolok i a wra lesa kweth las ha gorra warnedhi an platyow, an skudellow, an bollow, an kostrels rag offrynn an diwes; ha'n bara usi ena pup-prys a vydh warnedhi.

Niverow 7:13

ha'y offrynn o unn plat a arghans ha dhodho poes a gans shekel ha deg warn ugens, unn bolla a arghans a dheg shekel ha tri-ugens, war-lergh shekel an sentri, ha'n dhew anedha leun a vleus fin kemmyskys gans oyl rag offrynn greun;

Niverow 7:19

ev a offrynnas rag y offrynn unn plat a arghans ha dhodho poes a gans shekel ha deg warn ugens, unn bolla a arghans a dheg shekel ha tri-ugens, war-lergh shekel an sentri, ha'n dhew leun a vleus fin kemmyskys gans oyl rag offrynn greun;

Luk 11:41

Mes rewgh alusen a'n pyth usi war-ji, hag otta pup-tra a vydh glan dhywgh.

Oberow 10:15

Ha'n lev a dheuth dhodho arta, nessa gweyth, ‘An taklow re lanhas Duw, na's galw avlan.’

Oberow 10:28

ha leverel dhedha, ‘Dell gonvedhowgh, erbynn lagha yw rag Yedhow kowethya gans estren po dos nes dhodho; mes Duw re dhiskudhas dhymm na dhegoedh dhymm gelwel denvyth kemmyn nag avlan;

Oberow 11:9

Ha nessa gweyth an lev a worthybis mes a nev, “An taklow re lanhas Duw, na's galw kemmyn.”

Oberow 15:9

hag ow glanhe aga holonnow dre fydh ny wrug ev dyffrans yntra ni hag i.

Kolossianys 3:17

Ha pup-tra oll a wrewgh yn ger po yn gwrians, gwrewgh pup-tra yn hanow an Arloedh Yesu, ow krassa dhe Dhuw an Tas dredho ev.

1 Peder 2:5

Ha hwi ynwedh, kepar ha meyn bew, omdhrehevewgh hwi dhe vos chi spyrysel, oferyaseth sans, dhe offrynna sakrifisow spyrysel kemmeradow dhe Dhuw dre Yesu Krist.

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.

1 Peder 4:11

Den mar kews, kewses ev lavarow Duw; den mar konis, gonedhes gans nerth yw res gans Duw, may fo Duw gordhys yn pup-tra dre Yesu Krist, dhe neb re bo gordhyans ha nerth, trank heb worfenn. Amen.

Diskwedhyans 1:6

ha'gan gul gwlaskor, oferysi dhe Dhuw y Das; dhodho ev re bo gordhyans ha galloes trank heb worfenn. Amen.

Diskwedhyans 20:6

Gwynnvys ha sans yw neb a'n jeves rann y'n kynsa dasserghyans: an nessa mernans ny'n jeves galloes vydh warnedha, mes i a vydh oferysi Duw ha Krist, hag a wra reynya mil vlydhen ganso.

Diskwedhyans 5:10

ha ty a's gwrug gwlaskor hag oferysi dh'agan Duw, hag i a wra reynya war an norvys.’

1 Samuel 2:14

hag ev a'n pokya y'n pott, po y'n kowdarn, po y'n pott, ha pup-tra a wre an kigver y dhri yn-bann an oferyas a gemmeri ragdho y honan. Yndella i a wre yn Shilo dhe oll tus Ysrael hag a dho di.