Zekaria 14:16 - An Bibel Kernewek 20234 (Kernewek Kemmyn)

¹⁶ Pubonan a vo gesys dhiworth oll an kenedhlow neb a dheuth erbynn Yerusalem a wra mos yn-bann a vlydhen dhe vlydhen dhe wordhya an Myghtern, Arloedh an luyow, ha dhe solempnya goel an skovvaow.

Zekaria 14:16 ပူးပေါင်းရင်းမြစ်များ

2 Kroniklys 8:13

dell o dever pub dydh herwydh gorhemmynn Moyses rag an sabotys, an loeryow nowydh, ha'n tri goel blydhenyek – goel an bara heb goell, goel an seythunyow, ha goel an skovvaow.

Ezra 3:4

Hag i a withas goel an skovvaow, dell yw skrifys, hag i a offrynnas an offrynnow leskys pub-dydhyek, orth niver, herwydh an usadow ordenys rag pub dydh.

Salmow 66:4

Oll an nor a'th wordh; ha kana dhis, ha gormel dha hanow.’ Sela.

Ysay 18:7

Y'n termyn na rohow a vydh dres dhe Arloedh an luyow dhiworth pobel hir ha leven, dhiworth pobel ownys ogas ha pell, kenedhel grev a drett yn-dann dreys, mayth yw y wlas rynnys gans avonyow; i a's dre dhe dyller hanow Arloedh an luyow, dhe venydh Sion.

Ysay 19:21

An Arloedh a wra y honan aswonnys dhe Ejyp, hag Ejyp a aswonn an Arloedh y'n jydh na, ha gul sakrifisow hag offrynnow greun; i a ambos ambosow dhe'n Arloedh ha'ga hewera.

Ysay 27:13

Hag y'n jydh na, an hirgorn bras a vydh hwythys, ha'n re a veu kellys yn pow Assyria, ha'n re a veu divres yn pow Ejyp a dheu ha gordhya an Arloedh y'n menydh sans, yn Yerusalem.

Ysay 6:5

Ena my a leveris, ‘Go-vy! diswrys ov vy, rag gour avlan y dhiwweus ov vy, ha trigys esov yn mysk pobel avlan hy diwweus; rag ow dewlagas re welas an Myghtern, Arloedh an luyow.’

Ysay 66:23

Dhiworth unn loer nowydh dhe loer nowydh arall, ha dhiworth unn sabot dhe sabot arall, oll kig a dheu dhe wordhya a-ragov, yn-medh an Arloedh.

Yeremia 46:18

Dell vewav, yn-medh an Myghtern, ha'y hanow Arloedh an luyow, nebonan a dheu kepar ha Tabor y'n menydhyow, ha kepar ha Karmel ryb an mor.

Yeremia 48:15

Distruer Moab ha'y sitys re dheuth yn-bann, ha'y wer yowynk dhewisys res eth yn-nans dhe'n ladhva, yn-medh an Myghtern, Arloedh an luyow yw y hanow.

Yeremia 51:57

My a wra medhwi hy fennsevigyon ha'y doethyon, ynwedh hy governours, hy soedhogyon ha'y breselyoryon; i a gosk yn kosk bys vykken heb difuna nevra, yn-medh an Myghtern, ha'y hanow Arloedh an luyow.

Hosea 12:9

My re beu an Arloedh dha Dhuw a-ban veus yn pow Ejyp; my a'th wra arta dhe driga yn tyldow kepar hag yn dydhyow an kuntellyans.

Yoel 2:32

Ena y fydh sawys pubonan neb a elow war hanow an Arloedh; rag yn menydh Sion y fydh remenant dell leveris an Arloedh, hag yn Yerusalem an re a dhienk, neb a wra an Arloedh aga gelwel.

Mika 4:2

Kenedhlow pals a dheu, ha leverel, ‘Dewgh, ha deun ni yn-bann dhe venydh an Arloedh, ha dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Zekaria 14:9

An Arloedh a vydh myghtern a-ugh oll an norvys. Y'n jydh na y fydh unn Arloedh, hag y hanow a vydh onan.

Zekaria 9:7

My a gemmer y woes yn-mes a'y anow, ha'y daklow kasadow dhiworth y dhyns; ev ynwedh a vydh remenant rag agan Duw, hag ev a vydh avel kordh yn Yuda, hag Ekron a vydh avel an Yebusysi.

Malaki 1:14

Mollothek yw an toeller a'n jeves gorow y'n gre ha dedhewi y ri, hag ena ev a sakrifi dhe'n Arloedh neppyth gans namm warnodho. Rag myghtern meur ov vy, yn-medh Arloedh an luyow, ha'm hanow yw ownys yn mysk an kenedhlow.

Luk 19:38

ow leverel, ‘Benniges yw an Myghtern a dheu yn hanow an Arloedh. Kres yn nev ha gordhyans y'n ughelder.’

Yowann 1:49

Nathanael a worthybis dhodho, ‘Rabbi, ty yw Mab Duw, ty yw Myghtern Ysrael.’

Yowann 7:2

Mes ogas veu goel an Yedhewon, an skovvaow;

Oberow 15:17

may hwillo oll an dus erell an Arloedh, an Jentilys oll may feu gelwys ow hanow warnedha, yn-medh an Arloedh re wrug an taklow ma

Romanyon 11:16

Ha mars yw an kynsa frut sans, yndella ynwedh yw an toes gwrys anedhi; ha mars yw an wreydhenn sans, yndella yw an skorrennow.

Romanyon 11:26

hag yndella oll Ysrael a vydh selwys, dell re beu skrifys, ‘Y teu an Delivrer yn-mes a Sion, ev a dreyl ansansoleth dhe-ves dhiworth Yakob;

Romanyon 11:5

Ytho yndella y'n eur ma yma remenant herwydh dewis a ras.

Diskwedhyans 11:13

Hag y'n keth eur y feu dorgrys bras ha'n degves rann a'n sita a goedhas, hag y'n dorgrys seyth mil dhen a veu ledhys, ha'n re erell a veu dyegrys ha ri gordhyans dhe Dhuw nev a wrussons i.

Diskwedhyans 19:16

Ha war y vantell ha war y vordhos, hanow yw skrifys: Myghtern myghternedh, hag Arloedh arlydhi.