Zekaria 14:13 - An Bibel Kernewek 20234 (Kernewek Kemmyn)

¹³ Y'n jydh na y fydh meur dheray dhiworth an Arloedh yn aga mysk. An eyl a dhalghenn leuv y gila, ha den a dhrehav y leuv erbynn y gentrevek.

Zekaria 14:13 ပူးပေါင်းရင်းမြစ်များ

Ezekiel 38:21

My a elow ow kledha erbynn Gog yn oll ow menydhyow, yn-medh an Arloedh Duw; kledha pubonan a vydh erbynn y vroder.

Zekaria 11:6

Ytho ny gemmerav vy truedh namoy a'n re trigys y'n tir, yn-medh an Arloedh. Otta, yth esov ow ri pubonan yn leuv y gentrevek hag yn leuv y vyghtern. I a wra brewi an tir, ha ny wrav vy aga sawya dhiworth aga leuv.

Zekaria 12:4

Y'n jydh na, yn-medh an Arloedh, my a wra gweskel pub margh gans sowdhan, ha'y varghek gans muskokter. My a iger ow dewlagas orth chi Yuda, mes my a wra gweskel pub mergh a'n kenedhlow gans dellni.

Zekaria 14:14

Ynwedh Yuda a wra omladh yn Yerusalem. Rychys oll an kenedhlow y'n kyrghynn a vydh kuntellys, owr, arghans, ha dillas, myns meur.

Breusysi 7:22

Pan hwythsons an tri hans hirgorn, an Arloedh a settyas kledha pub den erbynn y vata hag erbynn oll an kamp; ha'n lu a fias maga pell avel Beth-shitta war-tu ha Serera, maga pell avel or Abel-mehola ryb Tabbath.