Zekaria 14:12 - An Bibel Kernewek 20234 (Kernewek Kemmyn)

¹² Hemma a vydh an plag a wra an Arloedh y dhannvon dhe weskel oll an poblow re vatalyas orth Yerusalem; aga hig a beder hag i ow sevel war aga threys aga dewlagas a beder yn aga krawyow; ha'ga thaves a beder yn aga ganow.

Zekaria 14:12 ပူးပေါင်းရင်းမြစ်များ

2 Kroniklys 21:15

ha ty dha honan a' fydh kleves sevur gans kleves dha golodhyon, bys pan dheu dha golodhyon yn-mes, dydh wosa dydh, drefenn an kleves.’

Job 18:13

Dybrys vydh rannow a'y groghen, ha kynsa-genys ankow a dheber y eseli.

Salmow 90:11

Piw a aswonn nerth dha sorr, ha'th koler, mar vras dell yw an own ahanas?

Levitikus 26:16

hemma a wrav dhywgh: my a worr euth tromm warnowgh, kleves gwastya, fevyr a dhiswra an lagasow hag a wra dhe'n enev omwetha. Hwi a has agas has yn euver, rag agas eskerens a wra y dhybri.

Levitikus 26:18

Ha mar ny vynnowgh koela orthiv yn spit dhe hemma, my a vynn agas kessydhya seythgweyth moy rag agas peghosow.

Levitikus 26:21

Ha mar kerdhowgh kontrari dhymmo vy, ha mar ny vynnowgh koela orthiv, my a dhre seythgweyth moy plagys warnowgh rag agas peghosow.

Levitikus 26:24

ena my ynwedh a gerdh kontrari dhywgh hwi, ha'gas kessydhya seythgweyth rag agas peghosow,

Levitikus 26:28

ena my ynwedh a gerdh kontrari dhywgh hwi, ha my ynwedh a wra agas kessydhya seythgweyth rag agas peghosow.

Zekaria 1:15

mes sorr bras a'm beus orth an kenedhlow yw attes. My a sorras nebes orta, mes i a weresas an galar.

Zekaria 12:9

Y'n jydh na my a hwila kowldhistrui oll an kenedhlow a dheu erbynn Yerusalem.

Zekaria 14:15

Ytho y fydh plag haval dhe'n plag ma war an vergh, an mulyon, an kowrvergh, an asenes, hag oll an bestes y'n tyldow na.

Zekaria 14:18

Mar ny wra teylu Ejyp mos yn-bann, na dos, warnedha y fydh an plag a wra an Arloedh y dhannvon war an kenedhlow na wrons mos yn-bann dhe solempnya goel an skovvaow.

Zekaria 14:3

Ena an Arloedh a dheu yn-mes, ha batalyas orth an kenedhlow na kepar dell wra batalyas yn dydh an gas.

Zekaria 2:4

ha leverel dhodho, ‘Poenya gwra, deriv orth an yonker na: Yerusalem a vydh sita heb fosow drefenn an myns meur a dus ha bestes a-ji dhedhi.

Oberow 12:23

Hware el an Arloedh a'n gweskis, drefenn na ros ev an gordhyans dhe Dhuw, ha devorys gans pryves ev a verwis.

Dewteronomi 28:21

An Arloedh a wra dhe'n plag glena orthis bys ma'th tileas dhiwar an tir mayth esos ow tos di dh'y erita.

Dewteronomi 28:22

An Arloedh a'th wysk gans kleves gwastya, ha gans terthenn, ha gans fevyr, ha gans brewvann, ha gans an kledha ha gans kleves losk ha kleves melynheans y'n ys, hag i a'th helgh bys pan vydhydh diswrys.

Dewteronomi 28:59

ena an Arloedh a dhre warnas ha war dha has plagys marthys, plagys bras hag a dhur, ha drog glevesow hag a dhur.

Diskwedhyans 17:16

Ha'n deg korn a welsys ha'n best: an re ma a wra kasa an hora ha'y gul gwastys ha noeth hag a wra dybri hy hig ha'y leski gans tan.