Zekaria 14:10 - An Bibel Kernewek 20234 (Kernewek Kemmyn)

¹⁰ Oll an tir a dheu ha bos avel Araba dhiworth Geba dhe Rimmon, a'n dyghow dhe Yerusalem. Mes hi a vydh drehevys hag annedhys yn hy le, dhiworth Yet Benyamin dhe dyller an kynsa yet, dhe Yet an Gornell, ha dhiworth Tour Hananel dhe winwaskow an myghtern.

Zekaria 14:10 ပူးပေါင်းရင်းမြစ်များ

1 Myghternedh 15:22

Ena myghtern Asa a worhemmynnis dhe Yuda oll, nagonan o gesys yn-mes: i a dhug dhe-ves meyn ha prenn Rama, gansa may fia Baasha ow trehevel ena. Gansa myghtern Asa a dhrehevis Geba yn Benyamin ha Mispa.

2 Myghternedh 14:13

Yehoash myghtern Ysrael a gemmeras Amasia myghtern Yuda mab Yehoash mab Ahazia yn Beth-shemesh. Ev a dheuth dhe Yerusalem ha gul aswa yn fos Yerusalem dhiworth Yet Efraym bys yn Yet an Gornell, peswar kans kevelin.

1 Kroniklys 4:32

Aga threvow o Etam, Ayn, Rimmon, Token hag Ashan, pymp sita,

1 Kroniklys 6:77

Dhe remenant an Merarysi y feu res dhiworth loeth Zebulun: Rimmon gans hy feurvaow, Tabor gans hy feurvaow,

2 Kroniklys 25:23

Yoash myghtern Ysrael a synsis Amasia myghtern Yuda mab Yoash mab Ahazia yn Beth-shemesh dhiworth Yet Efraym dhe Yet an Gornell, ha'y fellder o peswar kans kevelin.

2 Kroniklys 26:9

Dres henna Uzzia a dhrehevis touryow yn Yerusalem, orth Yet an Gornell, orth Yet an Nans, hag orth an elin, hag ev a's keras.

Nehemia 12:39

hag a-ugh Yet Efraym, ha ryb an Yet Koth, ha ryb Yet an Puskes ha Tour Hananel ha Tour an Kans, dhe Yet an Deves; hag i a hedhis orth Yet an Withysi.

Nehemia 3:1

Ena Elyashib an arghoferyas ha'y vreder an oferysi a dhallathas oberi hag i a dhrehevis Yet an Deves. I a's sakras hag a dhesedhas hy darasow; ha bys yn Tour an Kans, i a's sakras, bys yn Tour Hananel.

Ysay 10:29

Ev re dremenas an bolgh, yn Geba ev a wodrigas dres nos; Rama a gren, Gibea a Sowl re fias.

Ysay 2:2

Y'n dydhyow diwettha menydh chi an Arloedh a vydh fastys avel penn an menydhyow; hag y fydh drehevys yn-bann dres an breow, hag oll an kenedhlow a dheu dhodho yn fros.

Yeremia 20:2

Ena Pashhur a weskis Yeremia an profoes, ha'y worra yn stokkys esa yn Yet Benyamin wartha, esa yn chi an Arloedh.

Yeremia 30:18

Yndellma y lever an Arloedh: Otta, my a dreyl kethneth tyldow Yakob, ha kemmeres tregeredh war y annedhow; ha'n sita a vydh drehevys war y grug, ha'n palys a sev yn y le ewn.

Yeremia 37:13

Ha pan esa ev orth Yet Benyamin, yth esa goelyador ena, henwys Yriya mab Shelemia mab Hanania, hag ev a dhalghennas Yeremia an profoes ow leverel, ‘Yth esos ow kilfia dhe'n Kaldeanys.’

Yeremia 38:7

Hag Ebed-melek, an Ethiopek, onan an spadhesigyon yn chi an myghtern, a glewas i dhe worra Yeremia y'n dhorvagh. Yth esa an myghtern owth esedha yn Yet Benyamin,

Amos 9:11

Y'n jydh na my a dhrehav skovva Davydh yw koedhys ha keas hy aswaow, ha daswul hy magoryow, ha'y drehevel kepar hag y'n dydhyow koth;

Mika 4:1

Y'n dydhyow diwettha, menydh chi an Arloedh a vydh fastys avel penn an menydhyow, hag y fydh drehevys yn-bann dres an breow, ha poblow a dheu dhodho yn fros.

Zekaria 12:6

Y'n jydh na, my a wra kordhow Yuda avel pott tanek yn mysk prennyer, avel faglenn tan yn mysk manalow. I a wra devorya dhe'n dyghow ha dhe'n kledh oll an poblow y'n kyrghynn, mes Yerusalem a vydh annedhys arta yn hy thyller hi, yn Yerusalem.

Zekaria 2:4

ha leverel dhodho, ‘Poenya gwra, deriv orth an yonker na: Yerusalem a vydh sita heb fosow drefenn an myns meur a dus ha bestes a-ji dhedhi.

Zekaria 8:3

Yndellma y lever An Arloedh: My re dhehwelis dhe Sion ha my a vydh trigys yn mysk Yerusalem. Ena Yerusalem a vydh henwys ‘Sita an gwir’, ha menydh Arloedh an luyow ‘An menydh sans.’

Yoshua 15:32

Lebaoth, Shilhim, Ayn ha Rimmon: an sommenn naw sita warn ugens gans aga godrevow.

Yoshua 21:17

Ha dhiworth loeth Benyamin: Gibeon gans hy feurva, Geba gans hy feurva,

Breusysi 20:45

Pan dreylsons ha fia dhe'n gwylvos dhe garrek Rimmon, pymp mil wour a veu treghys dhe'n dor war an fordhow meur, hag i a veu chasys bys Gidom, ha dew vil wour anedha a veu ledhys.

Breusysi 20:47

Mes hwegh kans anedha a dreylyas hag a fias war-tu ha'n gwylvos dhe garrek Rimmon, hag a wortas ryb garrek Rimmon peswar mis.

Breusysi 21:13

Ena an kuntelles oll a dhannvonas ger dhe'n Benyaminysi esa orth garrek Rimmon, hag a elwis kres dhedha.