Zekaria 11:6 - An Bibel Kernewek 20234 (Kernewek Kemmyn)

⁶ Ytho ny gemmerav vy truedh namoy a'n re trigys y'n tir, yn-medh an Arloedh. Otta, yth esov ow ri pubonan yn leuv y gentrevek hag yn leuv y vyghtern. I a wra brewi an tir, ha ny wrav vy aga sawya dhiworth aga leuv.

Zekaria 11:6 ပူးပေါင်းရင်းမြစ်များ

Yeremia 13:14

Ha my a's tewl an eyl erbynn y gila, hwath an tasow ha'n vebyon war-barth, yn-medh an Arloedh: ny sparyav, na kemmeres piteth, na truedh, mes aga distrui.

Matthew 22:7

Ha'n myghtern a sorras hag a dhannvonas y luyow dhe dhiswul an dhenledhysi na hag a loskas aga sita.

Mika 5:8

Ha remenant Yakob yn mysk an kenedhlow yn mysk lies pobel, a vydh avel lew yowynk yn mysk bestes an goeswik, avel lewik yn mysk greow deves; pan boen ev dresta, ev a wra stankya ha skwardya, ha nyns eus denvyth dhe dhelivra.

Salmow 50:22

‘Prederewgh hemma, hwi neb a ankev Duw, ma na wrylliv agas skwardya, ha na vo nagonan dhe dhelivra.

Jamys 2:13

Rag an vreus a vydh heb tregeredh dhe neb na dhiskwa tregeredh. Tregeredh a drygh war vreus.

Ebrowyon 2:3

fatell wren ni diank mar ny wren vri a selwyans mar veur? Derivys veu yn kynsa der an Arloedh, ha dustuniys dhyn gans an re a'n klewas,

1 Thessalonianys 2:16

orth agan lettya a gewsel orth an Jentilys may fens i selwys, may hwrellens kollenwel aga feghosow pup-prys. Mes an sorr a dheuth warnedha wortiwedh.

Yowann 19:15

Ytho i a armas, ‘Kemmer e dhe-ves, kemmer e; krowsy e!’ Yn-medh Pilat dhedha, ‘A wrav vy krowsya agas myghtern?’ An bennoferysi a worthybis, ‘Nyns eus dhyn myghtern marnas Sesar.’

Matthew 24:10

Hag ena lies huni a wra koedha dhe-ves ha trayta ha kasa an eyl y gila.

Matthew 10:21

Broder a dhaskorr broder dhe'n mernans ha'n tas y flogh, ha fleghes a sev erbynn kerens ha gul dhedha bos ledhys.

Malaki 4:6

Ev a dreyl kolonnow an tasow dhe'n fleghes, ha kolonnow an fleghes dh'aga thasow, rag own my dhe dhos ha gweskel an tir gans molleth.

Zekaria 14:13

Y'n jydh na y fydh meur dheray dhiworth an Arloedh yn aga mysk. An eyl a dhalghenn leuv y gila, ha den a dhrehav y leuv erbynn y gentrevek.

Zekaria 11:14

Ena my a dorras ow nessa bagel, Kolmow, dhe dhilea an brederedh yntra Yuda hag Ysrael.

Zekaria 11:9

Ha my a leveris, ‘Ny vynnav agas peski. An dhavas a vydh ow merwel, gas hi dhe verwel, ha neb a vydh dileys gas hi dhe vos dileys. Ha'n remenant – re dheppro pubonan kig hy ben.’

Zekaria 11:5

Aga frenoryon a wra aga ladha ha nyns yns i kablus. An re a wra aga gwertha a lever, ‘Benniges re bo an Arloedh, rych ov vy!’ Aga bugeledh ny gemmerons truedh anedha.

Zekaria 8:10

Rag kyns an dydhyow na ny veu arveth rag den, ha ny veu arveth rag best. Ny veu kres rag an den ow mos yn-mes hag ow tos a-ji, drefenn an eskar, rag my a settyas pub den oll an eyl erbynn y gentrevek.

Haggay 2:22

My a dhomhwel an se a wlaskordhow, ha distrui galloes gwlaskordhow an kenedhlow, Disevel a wrav an charettow ha'ga lewyoryon, ha'n vergh ha'ga marghogyon a goedh, pubonan dre gledha y vroder.

Mika 6:14

Ty a wra dybri, mes ny' fydh dha walgh, hag y fydh nown dhis y'th kolodhyon; ty a wra kuntell mes heb gwitha saw, ha'n pyth a withydh a rov dhe'n kledha.

Hosea 2:10

Lemmyn my a wra diskudha hy meth a-rag dewlagas hy haroryon, ha nagonan ny's delirv dhiworth ow leuv.

Hosea 1:6

Hi a omdhuk arta, ha dineythi myrgh. An Arloedh a leveris dhodho, ‘Hanw hi Lo-ruhama, rag ny gemmerav vy truedh a ji Ysrael byth moy, na ny wrav vy aga gava mann.

Ezekiel 9:10

Ytho ow lagas ny gemmer truedh, ha ny gemmerav piteth, mes my a dhre aga fordh war aga fenn.’

Ezekiel 8:18

Ytho my a ober yn sorr; ny gemmer ow lagas truedh na ny's sparyav. Kyn krions y'm diwskovarn gans lev ughel ny woslowav orta.’

Ysay 27:11

Pan yw sygh hy skorrow, yth yns terrys dhe-ves; benynes a dheu ha'ga enowi. Rag homm yw pobel heb konvedhes; rakhenna ny gemmer aga Kreador truedh anedha, ha ny dhiskwedh aga Gwrier favour dhedha.

Ysay 3:5

An bobel a vydh arweskys, peub gans den arall, ha peub gans y gentrevek; An yowynk a vydh tont erbynn an henavek, ha'n koeg a wask an den wordhi.

Kynvannow 2:21

Yma tus yowynk ha tus koth a'ga growedh y'n stretys; ow morenyon ha'm gwer yowynk re goedhas der an kledha; tyb re's ladhas yn dydh dha sorr; ty re ladhas heb truedh.

Kynvannow 5:8

Kethyon a'gan rewl; nyns eus neb a'gan delirv dhiworth aga dorn.