Zekaria 1:17 - An Bibel Kernewek 20234 (Kernewek Kemmyn)

¹⁷ Kri arta ow leverel, Yndellma y lever Arloedh an luyow: Ow sitys a wra fenna arta gans dader, ha'n Arloedh a wra konfortya Sion arta, hag arta ev a dhewis Yerusalem.

Zekaria 1:17 ပူးပေါင်းရင်းမြစ်များ

2 Kroniklys 6:6

mes my a dhewisas Yerusalem rag may fe ow hanow ena, ha my a dhewisas Davydh dhe vos war ow fobel Ysrael.”

Nehemia 11:20

Hag yth esa remenant Ysrael a'n oferysi ha'n Levysi, yn oll an trevow a Yuda, pubonan yn y eretons y honan.

Nehemia 11:3

An re ma yw hembrenkysi an rannvro esa trigys yn Yerusalem; mes yn sitys Yuda yth esa pubonan trigys yn y berghennogeth y honan yn aga sitys: Ysrael, an oferysi, an Levysi ha'n Nethinim, ha mebyon servysi Solomon.

Salmow 69:35

Rag Duw a selow Sion, ha drehevel sitys Yuda; hag i a drig ena ha'y ferghenna.

Ysay 14:1

Rag an Arloedh a gemmer truedh a Yakob, ha dewis Ysrael arta, ha ri powes dhedha war aga thiredh. Alyons a jun gansa, ha glena orth chi Yakob.

Ysay 44:26

neb a surha ger y was, hag a gowlwra kusul y gannasow; neb a gews a Yerusalem, ‘Hi a vydh annedhys’, hag a-dro dhe sitys Yuda, ‘I a vydh drehevys, ha my a dhastrehav aga magoryow’;

Ysay 49:13

Kenewgh yn lowen, A nevow, ha kri gans joy, A norvys; kenewgh yn lowen, A venydhyow! Rag an Arloedh re gonfortyas y bobel, ha kemmeres truedh a'y voghosogyon.

Ysay 51:12

My, my yw neb a'gas konfort. Ytho piw osta jy may perthydh own a dhen hag a verow, hag a vab-den neb a wedher avel gwels?

Ysay 51:3

Rag an Arloedh a vynn konfortya Sion, ev a vynn konfortya oll hy magoryow, ha gul hy gwylvos avel Eden, hy difeyth avel lowarth an Arloedh. Joy ha lowender a vydh kevys ynni, grasyans ha lev kana.

Ysay 52:9

Germewgh gans joy, hwi vagoryow a Yerusalem; rag an Arloedh re gonfortyas y bobel, ev re dhasprenas Yerusalem.

Ysay 54:8

Yn liv a gonnar my a gudhas ow fas dhiworthis pols, mes gans tregeredh heb diwedh my a gemmer truedh ahanas, yn-medh an Arloedh, dha Dhasprenyas.

Ysay 66:13

Avel flogh yw konfortys gans y vamm, yndella my a'gas konfort; hwi a vydh konfortys yn Yerusalem.

Yeremia 31:13

Ena an wyrghes a lowenha y'n dons, ha'n wer yowynk ha'n henavogyon a vydh lowen, my a's hebaskha, ha ri dhedha lowena yn le aga hynvann.

Yeremia 33:13

Yn sitys an vro venydhyek, hag yn sitys an Shefela, hag yn sitys an Negeb, yn pow Benyamin, hag y'n tylleryow a-dro dhe Yerusalem, hag yn sitys Yuda, an flokkys a dremen arta yn-dann leuv an den a's niver, yn-medh an Arloedh.

Yeremia 33:9

Ha homma a vydh hanow a lowena dhymm, gormel hag enor a-dherag oll kenedhlow an nor, pan glewons oll an da a wrav ragdha; i a's tevydh own ha krena drefenn oll an da ha rag oll an sewena a broviav dhedhi.

Ezekiel 36:33

Yndellma y lever an Arloedh Duw: Y'n jydh may hwrav agas glanhe dhiworth agas kammweythresow, my a wra dhe'n sitys bos annedhys, ha'n magoryow a vydh dastrehevys.

Amos 9:14

Ha my a dreyl kethneth ow fobel Ysrael, hag i a dhastrehav an sitys dhibobel ha triga ynna; i a blans gwinlannow hag eva aga gwin, hag i a wra lowarthyow ha dybri aga frut.

Obadia 1:20

Divresow an lu ma a vebyon Ysrael a gemmer tiredh an Kananysi bys yn Sarefath, ha divresow Yerusalem usi yn Sefarad a gemmer sitys an dhyghowbarth.

Zekaria 1:14

Ena an el esa ow kewsel orthiv a leveris dhymm, Kri, ow leverel: Yndellma y lever Arloedh an luyow: Avi bras a'm beus a-barth Yerusalem ha Sion,

Zekaria 1:18

Ena my a dhrehevis ow dewlagas ha mires, hag awotta peswar korn.

Zekaria 2:12

An Arloedh a wra erita Yuda avel y rann y'n tir sans hag ev a dhewis Yerusalem arta.

Zekaria 2:4

ha leverel dhodho, ‘Poenya gwra, deriv orth an yonker na: Yerusalem a vydh sita heb fosow drefenn an myns meur a dus ha bestes a-ji dhedhi.

Zekaria 3:2

An Arloedh a leveris dhe Satnas, ‘An Arloedh re'th kerettho, Satnas! An Arloedh, usi ow tewis Yerusalem, re'th kerettho! A nyns yw hemma yttew tennys mes a'n tan?’

Efesianys 1:4

dell y'gan dewisas ynno kyns gwrians an bys, may fen ni sans ha divlam a-dheragdho yn kerensa,