Ysay 9:6 - An Bibel Kernewek 20234 (Kernewek Kemmyn)

⁶ Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Ysay 9:6 ပူးပေါင်းရင်းမြစ်များ

2 Samuel 7:13

Ev a dhrehav chi rag ow hanow vy, ha my a fast tron y vyghterneth bys vykken.

2 Samuel 7:16

Dha ji ha'th vyghterneth a vydh fastys bys vykken a-dheragov; dha dron a vydh fastys bys vykken.

1 Myghternedh 10:9

Benniges re bo an Arloedh dha Dhuw a lowenhas ynnos ha'th worra war dron Ysrael! Drefenn an Arloedh dhe'th kara bys vykken, ev a'th wrug myghtern dhe wul gwirvreus hag ewnhynseth.’

1 Myghternedh 2:33

Dehweles a wra aga goes war benn Yoab, ha war benn y has bys vykken; mes dhe Davydh, ha dh'y has, ha dh'y ji, ha dh'y dron, y fydh kres bys vykken dhiworth an Arloedh.’

1 Myghternedh 2:45

Mes myghtern Solomon a vydh benniges, ha tron Davydh a vydh fastys a-rag an Arloedh bys vykken.’

Nehemia 9:32

‘Lemmyn ytho, agan Duw, an Duw bras ha galloesek hag euthyk, neb a with kevambos ha tregeredh, na dhyght avel distyr oll an anken ma re dheuth warnan, war agan myghternedh, agan pennsevigyon, agan oferysi, agan profoesi, ha'gan tasow ha war oll dha bobel, a-dhia dermyn myghternedh Assyria bys y'n jydh hedhyw.

Salmow 45:3

Kolm dha gledha war dha vordhos, ty vreselyas, gans dha splannder ha'th veuredh.

Salmow 45:6

Dha se, A Arloedh, a dhur bys vykken ha bynnari. Gwelenn dha vyghterneth yw gwelenn a ewnder.

Salmow 45:7

Ty a garas ewnder ha kasa sherewneth. Rakhenna Duw, dha Dhuw jy, re'th untyas gans oyl lowender a-ugh dha gowetha.

Salmow 50:1

Duw an duwow, an Arloedh, re gewsis, ha gelwel an nor dhiworth drehevel an howl bys dh'y sedhes.

Salmow 72:17

Re dhurryo y hanow bys vykken; re bo y hanow fastys hedre vo an howl. Ena tus a omvennik dredho; an kenedhlow oll a'n gelow gwynnvys.

Salmow 72:3

Re dhrollo an menydhyow kres dhe'n bobel, ha'n brennow dri ewnder.

Salmow 72:7

Re vleujyowo gwiryonedh yn y dhydhyow, ha palster kres, erna hettho an loer.

Salmow 85:10

Tregeredh ha gwirder re omguntellas; ewnder ha kres re ammas an eyl dh'y gila.

Salmow 89:5

Ha'n nevow a wormel dha varthusyon, A Arloedh, dha lelder ynwedh yn kuntelles an syns.

Lavarow Koth 8:23

Kyns an oesow y feuv furvys, y'n dalleth, kyns bosva an norvys.

Ysay 10:21

Remenant a dhehwel, remenant Yakob, dhe'n Duw galloesek.

Ysay 11:5

Ewnder a vydh grogys y dhiwglun, ha lenduri grogys y gres.

Ysay 16:5

Ena tron a vydh fastys yn tregeredh, ha warnedhi yth esedh yn gwirder yn tylda Davydh, nebonan a vreus hag a hwila gwirvreus, hag a fisten dhe wul ewnder.

Ysay 26:12

A Arloedh, ty a orden kres ragon, rag pup-tra a wrussyn, ty a'n gwrug ragon.

Ysay 26:3

Ty a with yn kres perfydh an den yw fyrv y vrys, rag ev a drest ynnos.

Ysay 28:29

Hemma ynwedh a dheu dhiworth Arloedh an luyow, neb yw marthys yn kusul, ha meur y dhoethter.

Ysay 32:1

Otta, myghtern a reyn yn ewnder ha pennsevigyon a wovern gans gwirvreus.

Ysay 37:32

rag remenant a yn-mes dhiworth Yerusalem, ha diankoryon dhiworth menydh Sion. Avi Arloedh an luyow a wra hemma.

Ysay 53:10

Mes an Arloedh a vynnas y vrewi; ha gul dhodho godhevel; mar kwra dh'y enev bos offrynn kammweyth, ev a wel y has, ha gul dh'y dhydhyow bos hir, ha bodh an Arloedh a sewen yn y leuv.

Ysay 53:2

Rag ev a devis a-ragdho avel losowenn yowynk, hag avel gwreydhenn yn-mes a dir sygh; ny'n jevo na furv na reowta, rag may firren orto, na travyth yn y semlans, rag ma'gan bo hwans anodho.

Ysay 53:5

Mes rag agan kammweythresow y feu ev goliys, brewys rag agan peghosow; ev a borthas an geredh a dhre dhyn kres, ha gans y strokosow sawys on.

Ysay 63:16

Rag ty yw agan Tas, kyn na'gan goer Abraham ha na'gan aswonn Ysrael; ty yw an Arloedh agan Tas, agan Dasprenyas vynnari yw dha hanow.

Ysay 66:12

Rag yndellma y lever an Arloedh: Awottavy owth ystynn kres dhedha avel avon, ha glori an kenedhlow avel avon ow fenna; ha ty a dhen ha bos degys war hy klun, ha leskys war hy dewlin.

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Ysay 8:18

Awotta, my ha'n fleghes a wrug an Arloedh aga ri dhymm yw toknys ha marthusyon yn Ysrael dhiworth Arloedh an luyow usi trigys yn menydh Sion.

Yeremia 31:22

Pes termyn a hokydh, A vyrgh dhislel? Rag an Arloedh re greatyas tra nowydh y'n nor: Benyn a dhifres gour.

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Daniel 7:14

Ha dhodho y feu res mestrynses, hag enor ha myghternsys; hag oll an poblow, kenedhlow ha tavosow a'n servyas. Y vestrynses yw mestrynses a dhur bys vykken a ny dremen dhe-ves, ha'y ruvaneth ny vydh distruys.

Haggay 2:9

Brassa vydh golewder diwettha an chi ma es an kynsa y'n termyn a dheu, yn-medh Arloedh an luyow. Hag y'n tyller ma y rov kres, yn-medh Arloedh an luyow.

Matthew 1:1

Lyver linyeth Yesu Krist mab Davydh mab Abraham.

Matthew 1:23

‘Awotta, an wyrghes a wra omdhoen ha dineythi mab hag i a'n henow Emmanuel’, yw dhe styrya, Genen ni Duw.

Matthew 11:27

Pup-tra oll a veu delivrys dhe'm charj gans ow Thas, ha denvyth ny aswonn an Mab saw an Tas, na ny aswonn denvyth an Tas saw an Mab ha neb may fynno an Mab y dhiskwedhes dhodho.

Matthew 28:18

Ha Yesu a dheuth, ha kewsel dhedha, ow leverel, ‘Pub galloes yn nev ha war an nor re beu res dhymm.

Luk 1:35

Ha'n el a worthybis dhedhi, ‘An Spyrys Sans a dheu warnas, ha nerth an Ughella a'th worskeus; rakhenna an flogh a vydh genys a vydh gelwys Mab Duw.

Luk 2:11

bos genys ragowgh hedhyw yn sita Davydh Selwyas, neb yw Krist an Arloedh.

Luk 2:14

‘Gordhyans y'n ughelder dhe Dhuw hag y'n bys kres dhe dus y volonjedh da.’

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 1:16

Rag a'y leunder ni oll re dhegemmeras, ha gras war ras;

Yowann 14:27

Kres a asav dhywgh, ow kres a rov dhywgh; ny rov dhywgh kepar dell re an bys. Na vedhes dha golonn troblys, ha na berthes own.

Oberow 10:36

Hwi a woer an ger a dhannvonas ev dhe vebyon Ysrael, ow pregoth kres dre Yesu Krist neb yw Arloedh peub oll.

Oberow 20:28

Kemmerewgh with a'gas honan hag a'n para oll ma'gas gorras an Spyrys Sans avel gorwoelysi rag bugelya eglos Duw, a waynyas der y woes y honan.

Romanyon 8:32

Neb na sparyas y Vab y honan mes y'n ros ragon ni oll, a ny vynn ev ri dhyn pup-tra ganso?

Romanyon 9:5

dhedha yth yw an ugheldasow hag a'ga eghenn, war-lergh an kig, yw Krist usi a-ugh oll, Duw benniges bys vykken. Amen.

1 Korinthianys 1:30

Anodho ev yth esowgh hwi yn Krist Yesu, neb a dheuth ha bos ragon ni skentoleth dhiworth Duw, hag ewnder ha sansheans ha daspren.

1 Korinthianys 15:25

Rag res yw dhodho reynya bys pan worro oll y eskerens yn-dann y dreys.

2 Korinthianys 5:19

henn yw, yth esa Duw yn Krist, owth unnverhe an bys dhodho y honan, heb rekna aga drogoberow er aga fynn, hag ev re worras yn agan charj an geryow a unnverheans.

Dewteronomi 10:17

Rag an Arloedh agas Duw yw Duw a'n duwow hag Arloedh a'n arlydhi, an Duw bras ha krev hag euthyk, nag eus dhodho faverans, ha na gemmer falswober;

Kolossianys 2:3

yn neb yma kudhys pub tresor a furneth ha godhvos.

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

Titus 2:13

ow kortos an govenek gwynnvys ha'n omdhiskwedhyans a'n splannder a'n Duw meur ha'gan Selwador Krist Yesu,

Ebrowyon 1:8

Mes a-dro dhe'n Mab y lever, ‘Dha dron, a Dhuw, yw bys vykken ha bynnari; gwelenn wiryon yw gwelenn dha wlaskor.

Ebrowyon 13:20

Lemmyn, an Duw a gres neb a dhros arta dhiworth an re varow agan Arloedh Yesu Krist, bugel meur an deves, dre woes an kevambos a dhur bys vykken,

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.

Diskwedhyans 19:16

Ha war y vantell ha war y vordhos, hanow yw skrifys: Myghtern myghternedh, hag Arloedh arlydhi.

Breusysi 13:18

Mes el an Arloedh a leveris dhodho, ‘Prag y hwovynnydh orthiv ow hanow? Re varthys yw.’