Ysay 9:5 - An Bibel Kernewek 20234 (Kernewek Kemmyn)

⁵ Rag pub botasenn ow trettya yn tervans an gas, ha pub mantell rolys a-dro yn goes a vydh leskys, keunys dhe'n tan.

Ysay 9:5 ပူးပေါင်းရင်းမြစ်များ

Jenesis 32:30

Ha Yakob a elwis hanow an tyller Peniel, ‘Rag my re welas Duw fas orth fas, ha gwithys saw yw ow enev.’

Salmow 46:9

Ev a wra dhe vreselyow hedhi bys yn pennow an nor; ev a derr an warak, ha treghi an guw, ha leski an charettow y'n tan.

Salmow 72:3

Re dhrollo an menydhyow kres dhe'n bobel, ha'n brennow dri ewnder.

Eksodus 23:21

Koelewgh orto ha goslowes orth y lev, na rebellewgh er y bynn, rag ny wra gava agas treuspass, drefenn bos ow hanow ynno.

Ysay 13:4

Son routh y'n menydhyow, haval dhe bobel vras; son tervans gwlaskordhow, kenedhlow kuntellys war-barth: yma Arloedh an luyow ow kuntell lu rag bresel.

Ysay 2:4

Ev a vydh breusydh ynter an kenedhlow, ha mayner rag lies pobel. I a wysk aga kledhedhyow yn soghyow, ha'ga guwow yn higow-skethra. Ny dhrehav kenedhel kledha erbynn kenedhel, ha ny dhyskons gwerrya namoy.

Ysay 30:33

Rag Tofeth re beu ordenys a hirneth, ynwedh parys yw rag an myghtern. Re beu gwrys down ha ledan, gans tan ha palster a brenn. Anall an Arloedh avel gover a loskven a wra y enowi.

Ysay 37:36

Ena el an Arloedh eth yn-mes ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

Ysay 4:4

wosa an Arloedh dhe wolghi dhe-ves kawgh myrghes Sion, ha glanhe goes Yerusalem yn-mes anedhi dre spyrys breus ha spyrys loskvann.

Ysay 9:4

Rag ty re dorras yew y vegh, ha lorgh y dhiwskoedh, an welenn a wre y gonstryna, kepar hag yn dydh Midyan.

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Yeremia 23:5

Otta, an dydhyow a dheu, yn-medh an Arloedh, pan dhrehavav dhe Davydh Skorrenn wiryon, ha myghtern a reyn ha sewena, hag a wra gwirvreus hag ewnder y'n tir.

Yeremia 47:3

Orth tros stankya karnow y vergh krev, orth klattrans y jarettow, orth grommyans aga rosow, ny dreyl an tasow dhe sawya aga fleghes, mar wann yw aga diwleuv,

Yoel 2:5

Kepar ha gans tros charettow, lemmel a wrons war bennow an menydhyow, avel tros flamm tan ow tevorya an sowl, avel pobel grev arayys rag kas.

Levitikus 3:11

Ha'n oferyas a's lesk war an alter avel boes, offrynn dre dan dhe'n Arloedh.

Levitikus 3:16

Ha'n oferyas a's lesk war an alter avel boes, offrynn dre dan avel sawer plegadow. Oll an blonek a vydh rag an Arloedh.

Mika 5:1

Lemmyn kuntell dha vagasow a soudoryon, ty vyrgh a vagasow; omsettya a-dro dhyn a wrussons; gans gwelenn y hweskons bogh rewler Ysrael.

Nahum 3:2

Son an hwypp, ha son klattra an rosow; mergh ow poenya, ha charettow ow lamma;

Zekaria 6:13

Ev a wra drehevel tempel an Arloedh, hag ev a dheg an meuredh hag esedha ha governa war y se. Ev a vydh oferyas war y se, hag y fydh kusul kres ynter an dhew.

Matthew 3:11

My a'gas besydh gans dowr dhe edrega, mes ev neb a dheu war ow lergh yw moy galloesek agesov vy ha'y eskisyow nyns o'ma gwiw dh'aga doen. Ev a'gas besydh gans an Spyrys Sans ha tan.

Oberow 2:19

Ha my a dhiskwedh marthusyon y'n nev a-vann, hag toknys y'n norvys a-woeles, goes ha tan hag ethenn mog.

Oberow 2:3

ha tavosow kepar ha tan a omdhiskwedhas dhedha, lesrynnys hag ow powes war bub huni anedha,

2 Thessalonianys 1:8

yn tan ow flammya, ow kul dial war an re na aswonn Duw ha'n re nag yw gostydh dhe aweyl agan Arloedh Yesu.

Breusysi 13:18

Mes el an Arloedh a leveris dhodho, ‘Prag y hwovynnydh orthiv ow hanow? Re varthys yw.’

1 Samuel 14:19

Pan esa Sowl ow kewsel dhe'n oferyas, an tervans yn kamp an Filistysi a ynkressyas moy ha moy; hag yn-medh Sowl dhe'n oferyas, ‘Tenn dha leuv dhe-ves.’