Ysay 9:4 - An Bibel Kernewek 20234 (Kernewek Kemmyn)

⁴ Rag ty re dorras yew y vegh, ha lorgh y dhiwskoedh, an welenn a wre y gonstryna, kepar hag yn dydh Midyan.

Ysay 9:4 ပူးပေါင်းရင်းမြစ်များ

Jenesis 27:40

Dre dha gledha ty a vew, ha ty a serv dha vroder; mes pan wrylli sesya rydhses, ty a derr y yew dhiworth dha gonna.’

Salmow 125:3

Rag ny wra gwelenn an tebelwas powes war ranndir an re wiryon, ma na worro an re wiryon aga diwleuv dhe sherewneth.

Salmow 81:6

‘My a dhifresas y skoedh a'n begh; y dhiwleuv a veu delivrys dhiworth an ganstell.

Ysay 10:16

Rakhenna an Arloedh, Arloedh an luyow, a dhannvon kleves gwastyans yn mysk y gasoryon gorfek, hag yn-dann y wolewder loskvann a vydh enowys avel an losk a dan.

Ysay 10:5

Ogh, Assyria, gwelenn ow sorr! an fust yn aga leuv yw ow honnar.

Ysay 14:25

dhe derri Assyria y'm tir, ha'y drettya yn-dann dreys war ow menydhyow; Y yew a vydh kemmerys dhiwarnedha, ha'y vegh a vydh kemmerys a-dhiwar aga skoedh.

Ysay 16:4

Trigens genes an re skattrys dhiworth Moab; bydh skovva dhedha rag an distruer.’ Ny vydh an arwasker na fella, hedhi a wra an terroes, ha'n ravner a vydh gyllys dhiworth an tir.

Ysay 47:6

My a sorras orth ow fobel, my a dhisakras ow ertach; my a's ros y'th tiwdhorn, ny dhiskwedhsys truedh dhedha; war an re goth y hwrussys dha yew fest poes.

Ysay 49:26

My a wra dhe'th waskoryon dybri aga hig aga honan, ha gans aga goes aga honan y fydhons medhow, par dell ve gans gwin. Ena pub kig oll a wodhvydh my dhe vos an Arloedh, dha Selwador ha'th Tasprenyas, an Galloesek a Yakob.

Ysay 51:13

Ty re ankovas an Arloedh, dha Wrier, neb a lesas an nevow hag a fondyas selyow an norvys. Oll an jydh ty a berth own, drefenn konnar an gwasker, neb a'n jeves mall a dhistrui. Mes ple'ma konnar an gwasker?

Ysay 52:2

Shak dha honan dhiworth an doust, sav yn-bann, esedh war dha dron, A Yerusalem; digolm an kadonyow a'th konna, A gethes, myrgh Sion.

Ysay 54:14

Fondys vydhydh yn ewnder; pell vydhydh dhiworth arwask, rag ny wredh perthi own; ha dhiworth euth, rag ny wra ev dos nes dhis.

Ysay 9:5

Rag pub botasenn ow trettya yn tervans an gas, ha pub mantell rolys a-dro yn goes a vydh leskys, keunys dhe'n tan.

Yeremia 30:8

Rag y'n jydh na, yn-medh Arloedh an luyow, my a derr an yew a'th konna, ha my a dardh dha rawyow, ha ny wra estrenyon aga gul yn kethyon namoy.

Yeremia 48:17

Kynewgh warnodho, hwi oll yn y gyrghynn, ha peub a aswonn y hanow; leverewgh, ‘Ass yw terrys an dernwelenn alloesek, an vagel splann!’

Levitikus 26:13

My yw an Arloedh agas Duw, a'gas dros yn-mes a bow Ejyp, ma na vewgh hwi aga hethyon; ha my re droghas barrys agas yew ha gul dhywgh kerdhes a'gas sav.

Nahum 1:13

Ha lemmyn my a dregh dhe-ves y yew dhiworthis, ha terri dhe-ves dha rawyow.