Ysay 9:20 - An Bibel Kernewek 20234 (Kernewek Kemmyn)

²⁰ A-dhyghow den a dhevor ha hwath nownek vydh; a-gledh den a dheber ha ny vydh gwalghys. Pubonan a dheber kig y gentrevek.

Ysay 9:20 ပူးပေါင်းရင်းမြစ်များ

Ekklesiastes 4:5

An foll a bleg y dhiwleuv hag a dheber y gig y honan.

Ysay 10:4

ma na blattyowgh yn mysk an brisnoryon, na koedha yn mysk an re ledhys? Yn despit dhe oll hemma ny dreylyas y sorr, ha'y leuv yw hwath ystynnys.

Ysay 14:30

An re gynsa-genys a'n voghosogyon a beur, ha'n edhommogyon a wrowedh yn sawder. Mes my a dhistru dha gyf gans divoetter; ha ladha dha remenant.

Ysay 3:1

Rag otta, an Arloedh, Arloedh an luyow, a gemmer yn-mes dhiworth Yerusalem ha Yuda skoedhyans ha lorgh, oll skoedhyans a vara, hag oll skoedhyans a dhowr,

Ysay 49:26

My a wra dhe'th waskoryon dybri aga hig aga honan, ha gans aga goes aga honan y fydhons medhow, par dell ve gans gwin. Ena pub kig oll a wodhvydh my dhe vos an Arloedh, dha Selwador ha'th Tasprenyas, an Galloesek a Yakob.

Ysay 5:25

Rakhenna sorr an Arloedh a dhew erbynn y bobel, hag ev a ystynn y leuv er hy fynn ha'y gweskel. An menydhyow a gren, ha'ga horfow yw avel atal yn kres an stretys. Yn despit dhe oll hemma, ny dreyl y sorr dhe-ves, ha'y leuv yw hwath ystynnys.

Ysay 51:19

An dhew dra ma re hwarva dhis; piw a geskodhev genes? Gwastya ha distrui, divoetter ha kledha; piw a'th konfort?

Ysay 8:21

Ev a dremen der an tir, duwenik ha nownek; ha rag bos dhedha nown, i a vydh serrys, hag ow mires war-vann i a volleth aga myghtern ha'ga Duw;

Ysay 8:22

po ow mires orth an dor, otta anken ha tewlder, an tewolgow a ahwer; hag i a vydh herdhys yn tewlder tew.

Yeremia 13:14

Ha my a's tewl an eyl erbynn y gila, hwath an tasow ha'n vebyon war-barth, yn-medh an Arloedh: ny sparyav, na kemmeres piteth, na truedh, mes aga distrui.

Yeremia 19:9

Ha my a wra dhedha dybri kig aga mebyon ha kig aga myrghes, hag i a dheber pub huni kig y gentrevek y'n esedhva, hag y'n ahwer may hwra aga eskerens ha'n re a hwila aga bewnans aga grevya.

Kynvannow 4:10

Diwla benynes truedhek re vrojyas aga fleghes aga honan, gyllys yns i yn boes dhedha yn terroes myrgh ow fobel.

Mika 6:14

Ty a wra dybri, mes ny' fydh dha walgh, hag y fydh nown dhis y'th kolodhyon; ty a wra kuntell mes heb gwitha saw, ha'n pyth a withydh a rov dhe'n kledha.

Zekaria 11:9

Ha my a leveris, ‘Ny vynnav agas peski. An dhavas a vydh ow merwel, gas hi dhe verwel, ha neb a vydh dileys gas hi dhe vos dileys. Ha'n remenant – re dheppro pubonan kig hy ben.’

Mark 3:24

Ha mar pydh gwlaskor rynnys er hy fynn hy honan, an wlaskor na ny yll sevel.