Ysay 9:19 - An Bibel Kernewek 20234 (Kernewek Kemmyn)

¹⁹ Dre sorr Arloedh an luyow an tir a vydh kowlleskys, ha'n bobel a vydh avel keunys rag an tan; denvyth ny gemmer truedh a'y vroder.

Ysay 9:19 ပူးပေါင်းရင်းမြစ်များ

Ysay 1:31

An den krev a vydh avel garrow lin, ha'y ober avel gwryghonenn; aga dew a lesk war-barth heb denvyth dh'aga difeudhi.

Ysay 10:6

My a'n dannvon erbynn kenedhel ansans, hag erbynn pobel ow sorr my a'n gorhemmynn, dhe bylla, ha dhe dhalghenna preydh, dh'aga threttya avel leys an stretys.

Ysay 13:13

Rakhenna my a wra dhe'n nevow krena, ha'n norvys a vydh shakys dhiworth y le, yn konnar Arloedh an luyow, yn dydh y sorr fers.

Ysay 13:18

Aga gwaregow a vrew gwer yowynk; ny gemmerons truedh a frut an brys; ny vir aga lagas gans piteth war fleghes.

Ysay 13:9

Otta, dydh an Arloedh a dheu, fell, gans konnar ha sorr fers, dhe wul an tir ynyal ha distrui peghadoryon dhiworto.

Ysay 24:6

Rakhenna molleth a dhevor an nor, ha'y annedhysi a berth aga hessydhyans. Rakhenna lehes yw annedhysi an nor, ha nebes yw gesys.

Ysay 26:11

A Arloedh, drehevys yw dha leuv, mes ny's gwelons. Gwelens i dha avi rag dha bobel ha perthi meth; gas dhe'n tan gwithys rag dha eskerens aga devorya.

Ysay 3:5

An bobel a vydh arweskys, peub gans den arall, ha peub gans y gentrevek; An yowynk a vydh tont erbynn an henavek, ha'n koeg a wask an den wordhi.

Ysay 33:14

An beghadoryon yn Sion a berth own; kren a dhalghenn an re dhidhuw: ‘Piw ahanan a yll triga gans an tan a dhevor? Piw ahanan a yll triga gans flammow a dhur bys vykken?’

Ysay 4:4

wosa an Arloedh dhe wolghi dhe-ves kawgh myrghes Sion, ha glanhe goes Yerusalem yn-mes anedhi dre spyrys breus ha spyrys loskvann.

Ysay 42:25

Ytho ev a dhinewis warnodho toemmder y sorr, ha nerth an gas. Ev a worras tan ynno a-derdro, mes ny gonvedhas, ev a'n loskas, mes ny'n kemmeras yn y golonn.

Ysay 5:24

Rakhenna kepar dell wra tavosow tan dybri an sowl, hag kepar dell wra gwels sygh sedhi y'n flammow, yndellma aga gwreydh a vydh avel poder, ha'ga bleujyow a yn-bann avel doust; drefenn i dhe nagha lagha Arloedh an luyow, ha skonya lavar Sans Ysrael.

Ysay 5:30

Y'n jydh na ev a romm warnodho avel grommya an mor. Mar mirir orth an tir, awotta tewlder hag ankres; golow a vydh tewlhes gans an kommol.

Ysay 60:2

Rag otta, tewlder a gudh an norvys, ha tewlder tew an poblow, mes an Arloedh a dhrehav warnas, ha'y glori a vydh gwelys warnas.

Ysay 8:22

po ow mires orth an dor, otta anken ha tewlder, an tewolgow a ahwer; hag i a vydh herdhys yn tewlder tew.

Yeremia 13:16

Rewgh gordhyans dhe'n Arloedh agas Duw, kyns ev dhe dhri tewolgow, ha kyns agas treys dhe drebuchya aga desedha war an menydhyow tewl; ha pan esowgh ow hwilas golow, ev a'n treyl dhe skeus ankow, ha'y wul tewolgow down.

Ezekiel 20:47

Lavar dhe goeswik an Negeb, Goslow ger an Arloedh: Yndellma y lever an Arloedh Duw, Awottavy owth enowi tan ynnos, hag ev a dheber pub gwydhenn las a-berth ynnos ha pub gwydhenn sygh. Ny vydh difeudhys an flamm a dan, ha pub fas a vydh goleskys ganso a'n dyghow dhe'n gogledh.

Ezekiel 9:5

Dhe'n re erell y leveris, ha my ow klewes, ‘Tremenewgh dre'n sita war y lergh ha gweskewgh; na wres agas lagas kemmeres truedh, ha na gemmerewgh piteth.

Yoel 2:2

dydh tewlder ha tewlyjyon, dydh kommol ha tewolgow tew. Dell les an bora war an menydhyow y teu pobel vras ha krev; nyns esa bythkweth aga far, na ny vydh namoy a'y wosa, bys vlydhynyow henedhow ha henedhow.

Yoel 2:3

Tan a dhevor a-dheragdha, hag a-dryv dhedha flamm a lesk. An tir yw avel lowarth Eden a-dheragdha, hag a-dryv dhedha gwylvos difeyth; vri, ny vydh diank anedha.

Levitikus 26:26

Ha pan wrylliv vy terri gwelenn agas bara, deg benyn a wra pobas agas bara yn unn forn, hag i a dhaskorr dhywgh agas bara orth poes, ha hwi a'n deber ha ny vydh lowr ragowgh.

Amos 5:18

Go-i an re yw hwansek dhe dhydh an Arloedh! Pandr'a vydh dydh an Arloedh dhy'hwi? Tewlder vydh, ny vydh golow;

Obadia 1:18

Chi Yakob a vydh tan, ha chi Yosep a vydh flamm; chi Esaw a vydh sowl, hag i a worr tan ynna ha'ga devorya. Ny vydh denvyth gesys a ji Esaw, rag an Arloedh re gewsis.

Mika 7:2

Gallas an den duwek a'n bys, ha nyns eus onan ewnhynsek yn mysk tus; i oll a skolk yn kontrewaytyans rag skoellya goes ha peub a helgh y vroder gans roes.

Mika 7:6

rag an mab a dhyght y das gans bismer, an vyrgh a omsav erbynn hy mamm, an wohydh erbynn hy hweger; eskerens gour yw tus y ji y honan.

Zekaria 11:6

Ytho ny gemmerav vy truedh namoy a'n re trigys y'n tir, yn-medh an Arloedh. Otta, yth esov ow ri pubonan yn leuv y gentrevek hag yn leuv y vyghtern. I a wra brewi an tir, ha ny wrav vy aga sawya dhiworth aga leuv.

Zekaria 11:9

Ha my a leveris, ‘Ny vynnav agas peski. An dhavas a vydh ow merwel, gas hi dhe verwel, ha neb a vydh dileys gas hi dhe vos dileys. Ha'n remenant – re dheppro pubonan kig hy ben.’

Malaki 4:1

Rag otta, an jydh yma ow tos, ow tewi avel forn. Oll an dus orgelus ha pub drogoberer a vydh sowl, ha'n jydh usi ow tos a wra aga howlleski, yn-medh Arloedh an luyow, na as dhedha naneyl gwreydhenn na skorrenn.

Matthew 27:45

Ha dhiworth an hweghves eur yth esa tewolgow war oll an nor bys y'n nawves eur.

Oberow 2:20

An howl a vydh treylys dhe dewlder ha'n loer dhe woes kyns dos dydh meur ha splann an Arloedh;

2 Peder 2:4

Rag mar ny sparyas Duw eledh re wrussa pegha, mes aga dannvon yn-nans dhe dewlder Tartarus, dhe vos gwithys bys y'n vreus;