Ysay 9:17 - An Bibel Kernewek 20234 (Kernewek Kemmyn)

¹⁷ Rakhenna an Arloedh ny lowenha yn aga gwer yowynk, na kemmeres truedh a'ga omdhivasow ha gwedhwesow; rag pubonan yw ansans ha drog, ha pub ganow a gews follneth. Yn despit dhe oll hemma ny dreylyas y sorr, ha'y leuv yw hwath ystynnys.

Ysay 9:17 ပူးပေါင်းရင်းမြစ်များ

Job 15:34

Rag kuntelles an dus dhidhuw yw anvap, ha tan a lesk an tyldow a falswober.

Salmow 109:12

Na vedhes neb a ystynno tregeredh dhodho, ha na vedhes neb a gemmerro truedh a'y fleghes omdhivas.

Salmow 147:10

Nyns eus ganso delit yn nerth an margh, ha ny gemmer ev plesour yn diwarr gour.

Ysay 1:4

Go-i, kenedhel neb a begh, pobel yw poes gans anewnder, has drogoberoryon, mebyon legrys. I re asas an Arloedh, ha fia Sans Ysrael ow treylya war-dhelergh.

Ysay 10:2

dhe dreylya dhe-ves an edhommogyon dhiworth aga gwiryow, ha dhe ladra gwirvreus dhiworth boghosogyon ow fobel, rag may fo gwedhwesow aga freydh, ha may pyllons omdhivasow.

Ysay 10:4

ma na blattyowgh yn mysk an brisnoryon, na koedha yn mysk an re ledhys? Yn despit dhe oll hemma ny dreylyas y sorr, ha'y leuv yw hwath ystynnys.

Ysay 10:6

My a'n dannvon erbynn kenedhel ansans, hag erbynn pobel ow sorr my a'n gorhemmynn, dhe bylla, ha dhe dhalghenna preydh, dh'aga threttya avel leys an stretys.

Ysay 13:18

Aga gwaregow a vrew gwer yowynk; ny gemmerons truedh a frut an brys; ny vir aga lagas gans piteth war fleghes.

Ysay 14:20

Ny vydhydh junys gansa yn ynkleudhyans, rag ty a dhistruis dha dir, ha ladha dha bobel. Ny vydh henwys bys vykken has an debeles.

Ysay 24:5

An nor yw defolys yn-dann y annedhysi; rag i re gammdremenas erbynn an laghys, ha chanjya an ordenans; i re dorras an kevambos a dhur bys vykken.

Ysay 27:11

Pan yw sygh hy skorrow, yth yns terrys dhe-ves; benynes a dheu ha'ga enowi. Rag homm yw pobel heb konvedhes; rakhenna ny gemmer aga Kreador truedh anedha, ha ny dhiskwedh aga Gwrier favour dhedha.

Ysay 3:8

Rag Yerusalem re drebuchyas ha Yuda re goedhas, drefenn bos aga thaves ha'ga gwriansow erbynn an Arloedh, ow rebellya erbynn golok y wolewder.

Ysay 31:2

Mes ev yw fur hag a dhre drog; ny dhaskelow y eryow, mes ev a sev erbynn chi an dhrogoberoryon, hag erbynn gweresoryon an re a wra sherewynsi.

Ysay 31:3

An Ejyptianys yw denel a-der Duw; aga mergh yw kig a-der spyrys. Pan wra an Arloedh ystynn y leuv, an gwereser a drebuch ha'n den gweresys a goedh, hag i oll a dhe goll war-barth.

Ysay 33:11

Hwi a gonsev us, hwi a dhineyth kulyn; agas anall yw tan a wra agas devorya.

Ysay 33:12

An poblow a vydh leskys avel lim; avel spern treghys, leskys vydhons y'n tan.’

Ysay 40:30

Bys y'n re yowynk yth or klamderek ha skwithys, ha gwer yowynk fest a drebuch;

Ysay 5:24

Rakhenna kepar dell wra tavosow tan dybri an sowl, hag kepar dell wra gwels sygh sedhi y'n flammow, yndellma aga gwreydh a vydh avel poder, ha'ga bleujyow a yn-bann avel doust; drefenn i dhe nagha lagha Arloedh an luyow, ha skonya lavar Sans Ysrael.

Ysay 5:25

Rakhenna sorr an Arloedh a dhew erbynn y bobel, hag ev a ystynn y leuv er hy fynn ha'y gweskel. An menydhyow a gren, ha'ga horfow yw avel atal yn kres an stretys. Yn despit dhe oll hemma, ny dreyl y sorr dhe-ves, ha'y leuv yw hwath ystynnys.

Ysay 62:5

Rag kepar dell wra gour yowynk demmedhi gwyrghes, yndella dha vebyon a'th temmedh; ha kepar dell wra gour pries lowenhe y'n venyn bries, yndella y hwra dha Dhuw lowenhe ynnos.

Ysay 65:19

My a lowenha yn Yerusalem ha bos heudhik y'm pobel; ny vydh klewys son oelva ynni, na son kri rag gweres na fella.

Ysay 9:12

Aram a-rag ha'n Filistysi a-dryv; hag i re dhevoryas Ysrael gans anow igor. Yn despit dhe oll hemma ny dreylyas y sorr, ha'y leuv yw hwath ystynnys.

Ysay 9:21

Manasse erbynn Efraym, hag Efraym erbynn Manasse; war-barth y fydhons erbynn Yuda. Yn despit dhe oll hemma ny dreylyas y sorr, ha'y leuv yw hwath ystynnys.

Yeremia 18:21

Ytho ro aga fleghes dhe'n divoetter, ha'ga delivra dhe nerth an kledha; ha re wrello aga gwragedh kelli aga fleghes, ha'ga gwer bos gorrys dhe'n mernans; ha'ga gwer yowynk ledhys gans an kledha yn batel.

Yeremia 5:1

Gwandrewgh a-dro dre stretow Yerusalem, gwelewgh lemmyn, ha godhvydhewgh, ha hwilewgh yn hy flenys, mar kyllowgh kavoes gour, mars eus nebonan a wra breus, a hwila gwirder; ha my a's gav.

Ezekiel 20:33

Dell vewav, yn-medh an Arloedh Duw, my a vydh myghtern warnowgh gans leuv grev, ha gans bregh ystynnys, ha gans sorr dinewys.

Amos 4:10

Dannvon a wrug vy warnowgh pla dell wrug yn Ejyp; ladha a wrug vy agas tus yowynk gans an kledha, war-barth gans agas mergh kemmerys yn preydh. My a dhrehevis fler agas kaslysyow bys yn agas dewfrik; byttegyns ny dhehwelsowgh dhymm, yn-medh an Arloedh.

Amos 8:13

Y'n jydh na gwyrghesow teg ha gwer yowynk a glamder gans syghes.

Mika 7:2

Gallas an den duwek a'n bys, ha nyns eus onan ewnhynsek yn mysk tus; i oll a skolk yn kontrewaytyans rag skoellya goes ha peub a helgh y vroder gans roes.

Zekaria 9:17

Ass yw meur y dhader, hag ass yw meur y dekter! Greun a wra dhe'n wer yowynk seweni, ha gwin nowydh an myrghes.

Matthew 12:34

Hwi askorr nadres, fatell yllowgh leverel taklow da ha hwi ow pos drog? Rag yn-mes a lanwes an golonn y lever an ganow.

Matthew 16:3

hag y'n myttin, “Hager-awel y fydh hi hedhyw rag an ebron yw rudh ha tewl.” Hwi a woer dissernya enep an ebron, mes a ny yllowgh dissernya toknys an termynyow?