Ena ev a leveris dhodho, ‘My yw profoes ynwedh kepar dell os, hag el a gewsis dhymm dre er an Arloedh: Doro ev genes dhe'th chi may teppro boes hag eva dowr.’ Mes yth esa ow kowleverel.
Rag hwi dhe leverel, ‘Ni re wrug kevambos gans ankow, ha gans ifarn ni re wrug akord; pan dremen an skorja avel liv ow fenna, ny dheu dhyn ni; rag ni re wrug gow agan skovva, ha ni re omgudhas yn falsuri’ –
An re ma ynwedh a drebuch dre win, ha sowdhanas dre gorev; oferyas ha profoes a drebuch dre gorev, ha sowdhanas dre win, i a sowdhan dre gorev; i a drebuch yn gwelesigeth, ha gwandra yn ervirans.
Otta, yth esov erbynn an re a brofoes fals hunrosow, yn-medh an Arloedh, hag a wra aga derivas, ha gul dhe'm pobel mos yn stray der aga gowyow ha'ga bostya; mes ny's dannvenis, na gorhemmynna dhedha; ytho ny vydhons dhe les rag an bobel ma, yn-medh an Arloedh.
An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?
Dha brofoesi re welas ragos falsuri ha toell; ny dhiskudhsons dha dhrogobereth rag treylya dha gethneth, mes ragos i re welas gwelesigethow fals ha frowsus.
Hwi re'm dhefolas yn mysk ow fobel rag dornasow a heydh ha temmyn a vara, ow ladha enevow na dalsons merwel, hag ow sparya enevow na dalsons bewa, der agas gowleverel dhe'm pobel usi ow koslowes orth gow.
Rag hwi re baynyas kolonn an den gwiryon dre wowyow, pan na'n paynis vy, ha nertha diwla tebelwas ma na dreyllyo dhiworth y dhrog fordh dhe sawya y vewnans;
Yndellma y lever an Arloedh: Rag tri hammweythres a Yuda, ha rag peswar, ny wrav vy hepkorr an kessydhyans; drefenn i dhe skonya lagha an Arloedh, ha ny withsons y ordenansow, mes aga fals dhuwow re wrug dhedha sowdhanas, may kerdhas aga thasow war aga lergh.
Yndella yn-medh an Arloedh a-dro dhe'n brofoesi neb a hembronk ow fobel yn sowdhan, neb a gri ‘Kres’ pan y's teves neppyth dhe dhybri, mes i a wra gwerrya orth seul na worr travyth yn aga ganow.
Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.
Hag ev a leveris dhodho, ‘Otta lemmyn, yma y'n sita ma gour Duw; ev yw gour enorys; ha pup-tra a lever a dheu ha bos gwir. Deun bys di lemmyn; martesen ev a yll leverel dhyn a-dro dhe'n vyaj mayth eson ni ow vyajya warnodho.’