Ysay 8:9 - An Bibel Kernewek 20234 (Kernewek Kemmyn)

⁹ Bedhewgh terrys, poblow, ha bedhewgh dralys; ha goslowewgh, oll hwi vroyow pell, Omwrogysewgh, ha bedhewgh dralys! Omwrogysewgh, ha bedhewgh dralys!

Ysay 8:9 ပူးပေါင်းရင်းမြစ်များ

1 Myghternedh 20:11

Myghtern Ysrael a worthybis, ‘Leverewgh dhodho: Ny dal neb a wisk arvow bostya avel neb a'n diwisk.’

Lavarow Koth 11:21

Bydh sur, ny vydh tebelwas heb kessydhyans, mes an re wiryon a vydh delivrys.

Ysay 28:13

Ger an Arloedh a vydh dhedha, ‘Rewl war rewl, rewl war rewl, linenn war linenn, linenn war linenn, banna omma, banna ena’, rag mayth ellons ha koedha war-dhelergh ha bos terrys, ha maglennys, ha kemmerys.

Ysay 37:36

Ena el an Arloedh eth yn-mes ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

Ysay 54:15

Otta, mar kwra nebonan omsettyans, nyns yw dhiworthiv vy; keniver a omsett er dha bynn, koedha a wra a'th wovis.

Yeremia 42:11

Na berthewgh own a vyghtern Babylon, may perthowgh own anodho; na berthewgh own anodho, yn-medh an Arloedh, rag my a vydh genowgh, dh'agas sawya ha'gas livra a'y leuv.

Yeremia 46:3

Pareusewgh bokler ha skoes ha dewgh nes dhe'n vatel!

Yeremia 46:4

Hernessyewgh an vergh; yskynnewgh, marghogyon! Kemmerewgh agas savleow gans agas basnettow, gwrewgh dh'agas lonsow lentri, gwiskewgh agas kaspowsyow.

Yeremia 51:20

Ty yw kaspoel dhymm, ow arv vatel: genes my a vrew kenedhlow; my a dhistru gwlaskordhow;

Ezekiel 38:7

Ombareus ha bydh parys, ti hag oll dha guntelles yw kuntellys dhis, ha bydh gwithyas dhedha.

Ezekiel 38:8

Wosa lies dydh y fydhydh gelwys. Yn blydhynyow a dheu yth edh erbynn tir yw restorys wosa bresel, gans lies pobel kuntellys war venydhyow Ysrael, hirneth re bia difeyth; y bobel a veu dres yn-mes dhiworth an poblow, ha lemmyn i oll yw trigys yn sawder.

Yoshua 11:5

Oll an vyghternedh ma a omguntellas war-barth, hag i a dheuth ha kampya war-barth ryb dowrow Merom, rag omladh erbynn Ysrael.