Ysay 8:7 - An Bibel Kernewek 20234 (Kernewek Kemmyn)

⁷ rakhenna awotta'n Arloedh a dhre warnedha dowrow bras ha meur an avon, myghtern Assyria gans oll y wolewder. Ha hi a dheu yn-bann dres oll hy hanolyow, ha mos war oll hy glannow;

Ysay 8:7 ပူးပေါင်းရင်းမြစ်များ

Jenesis 6:17

Hag awotta, yth esov vy ow honan ow tri liv dowrow war an nor dhe dhistrui pub kig hag ynno anall bewnans yn-dann nev. Pup-tra eus war an nor a wra merwel.

2 Myghternedh 19:32

‘Rakhenna yndellma y lever an Arloedh a-dro dhe vyghtern Assyria: Ny dheu a-ji dhe'n sita ma, na tenna seth ena; ny dheu er hy fynn gans skoes, na krugya gweyth-esedhva er hy fynn.

Ezra 4:10

ha'n kenedhlow erell, hag a wrug Ashurbanipal bras ha nobyl aga divroa, ha gorra yn sitys Samaria hag y'n rann arall a'n rannvro Dres-an-Avon.

Salmow 46:4

Yma avon, ha'y goverow a lowenha sita Duw, an tyller sans, trigva an Ughella.

Salmow 72:8

Re'n jeffo maystri a vor dhe vor, ha dhiworth an avon bys yn pennow an norvys.

Ysay 10:16

Rakhenna an Arloedh, Arloedh an luyow, a dhannvon kleves gwastyans yn mysk y gasoryon gorfek, hag yn-dann y wolewder loskvann a vydh enowys avel an losk a dan.

Ysay 10:5

Ogh, Assyria, gwelenn ow sorr! an fust yn aga leuv yw ow honnar.

Ysay 11:15

An Arloedh a rann taves mor Ejyp; ev a wev y leuv war an avon gans nerth y wyns, ha'y gweskel yn seyth stredh rag may treusser yn sandalyow;

Ysay 28:15

Rag hwi dhe leverel, ‘Ni re wrug kevambos gans ankow, ha gans ifarn ni re wrug akord; pan dremen an skorja avel liv ow fenna, ny dheu dhyn ni; rag ni re wrug gow agan skovva, ha ni re omgudhas yn falsuri’ –

Ysay 28:17

My a wra dhe wirvreus bos kordenn-vusura, ha dhe ewnder bos plemmik; keser a skub dhe-ves an skovva a wowyow, ha dowrow a liv dres an gudhva.

Ysay 28:2

Otta, yma dhe'n Arloedh onan yw krev ha galloesek, kepar ha tewedh keser, annawel terroesus, kepar ha tewedh dowrow meur ow fenna. Gans y leuv ev a's deghes yn-nans dhe'n nor.

Ysay 43:2

Pan dremenydh der an dowrow y fydhav genes, ha der an avonyow, ny livons warnas; pan gerdhydh dre dan, ny vydhydh leskys, ha ny wra an flamm dha woleski.

Ysay 59:19

Ytho i a berth own a hanow an Arloedh a'n howlsedhes, hag a'n howldrevel i a berth own a'y glori. Pan dheu envi avel liv, ena spyrys an Arloedh a'n fes.

Ysay 7:17

An Arloedh a dhre warnas ha war dha bobel ha war ji dha das dydhyow na dheuth a-dhia'n jydh may tibarthas Efraym dhiworth Yuda: myghtern Assyria hogen.’

Ysay 7:20

Y'n jydh na an Arloedh a dregh der altenn a veu gobrenys a-dreus dhe'n avon – dre vyghtern Assyria – gols an penn, blew an diwarr, ha hi a remov an varv ynwedh.

Yeremia 47:2

Yndellma y lever an Arloedh: Otta, dowrow a dardh a'n gogledh hag a vydh keynres fennys; i a fenn an tir ha pup-tra eus ynno, an sita ha'n re trigys ynni. Pobel a skrij, hag oll annedhysi oll an tir a gyn.

Yeremia 51:42

An mor re sevis war Babylon; hi re beu kudhys gans tervans y donnow.

Ezekiel 26:19

Rag yndellma y lever an Arloedh Duw: Pan y'th wrav sita wastys avel sitys nag yw annedhys, pan dhrov yn-bann warnas an downder, ha'n dowrow meur a'th kudh,

Daniel 11:10

‘Y vebyon a ombareus rag kas ha kuntell routh a luyow meur, neb a wra entra, fenna ha treusi, ha gwerrya bys yn y ger.

Daniel 11:22

Luyow a vydh skubys dhe-ves a-ragdho gans liv, hag a vydh terrys, ha hembrenkyas an kevambos keffrys.

Daniel 9:26

Ha wosa an dhiw seythun ha tri-ugens, an den untys a vydh treghys dhe-ves, ha ny'n jevydh travyth; ha pobel an pryns usi ow tos a wra distrui an sita ha'n sentri. Hy diwedh a dheu dre liv, ha bys y'n diwedh y fydh bresel, ha terroes yw ordenys.

Amos 8:8

A ny gren an tir rakhemma ha myns eus trigys ynno kyni? Oll an tir a sev kepar ha'n Nil, ha frosa ha koedha arta kepar ha'n Nil yn Ejyp.

Amos 9:5

An Arloedh, Duw an luyow – ev a doch an tir ha teudhi a wra, ha myns eus trigys ynno a gyn, hag oll an tir a sev kepar ha'n Nil, ha koedha arta, kepar ha'n Nil yn Ejyp;

Mika 1:9

Rag ny yll hy goli bos yaghhes, ha re dheuth dhe Yuda, ha drehedhes dhe yet ow fobel, bys yn Yerusalem.

Mika 5:4

Hag ev a sev, ha bugelya yn nerth an Arloedh, yn braster hanow an Arloedh y Dhuw. Hag i a drig yn sawder, rag lemmyn ev a vydh meur bys yn finweth an norvys.

Mika 5:5

Ha'n den ma a vydh kres. Pan dheffo Asshur yn agan tir ha trettya war agan gweres, ni a dhrehav er y bynn seyth bugel hag eth penntern a dus;

Nahum 1:8

Mes gans liv ow fenna ev a gowldhistru hy thyller, hag ev a helgh y envi bys yn tewlder.

Luk 6:48

Ev yw haval dhe dhen ow trehevel chi, neb a balas yn town ha gorra selyow war an garrek; ha pan dheuth liv, an avon a weskis erbynn an chi na, ha ny yllis y gryghylli, rag y vos selys war an garrek.

Diskwedhyans 17:15

Hag yn-medh ev dhymm, ‘An dowrow a welsys le may ma an hora esedhys yw poblow ha routhow, ha kenedhlow ha tavosow.