Ysay 8:4 - An Bibel Kernewek 20234 (Kernewek Kemmyn)

⁴ rag kyns an flogh dhe wodhvos gelwel ‘Ow thas’ hag ‘Ow mamm’, rychys Damaskus ha preydh Samaria a vydh degys dhe-ves a-rag myghtern Assyria.

Ysay 8:4 ပူးပေါင်းရင်းမြစ်များ

2 Myghternedh 15:29

Yn dydhyow Pekagh myghtern Ysrael, y teuth Tiglath-pileser, myghtern Assyria, ha kemmeres Iyon, Abel-beth-maaka, Yanoagh, Kedesh, Hasor, Gilead, ha Galile, oll pow Naftali, ha'ga hemmeres yn keth dhe Assyria.

2 Myghternedh 16:9

Myghtern Assyria a woslowas orto; myghtern Assyria a geskerdhas erbynn Damaskus, ha'y hemmeres, ow toen hy fobel yn keth dhe Kir; hag ev a ladhas Resin.

2 Myghternedh 17:3

Shalmaneser myghtern Assyria a dheuth yn-bann er y bynn; Hoshea re bia y omajer ha re rosa trubyt dhodho.

Ysay 17:1

Profoesans a-dro dhe Damaskus. Otta, ny vydh Damaskus sita na fella, mes y fydh kals a vagoryow.

Ysay 17:3

An kastell a vydh gyllys dhiworth Efraym, ha'n vyghterneth dhiworth Damaskus; remenant Aram a vydh avel glori mebyon Ysrael, yn-medh Arloedh an luyow.

Ysay 28:4

Bleujenn wedhrys an tekter splann usi war benn an nans fethus a vydh kepar ha'n kynsa figysenn kyns an hav; piwpynag a's gwello ev a's lenk, kettell y's teffo yn y balv.

Ysay 8:5

An Arloedh a gewsis dhymm arta, ow leverel:

Amos 1:3

Yndellma y lever an Arloedh: Rag tri hammweythres a Damaskus, ha rag peswar, ny wrav vy hepkorr an kessydhyans; drefenn i dhe dhrushya Gilead gans draylellow-drushya a horn.

Amos 1:5

dralya a wrav barr Damaskus, ha terri an annedhyas dhiworth nans Aven, ha'n den a syns an welenn dhiworth Beth-eden; divres vydh pobel Aram bys yn Kir, yn-medh an Arloedh.

Yona 4:11

Ytho a ny gemmerav vy truedh a Nineve, an sita vras, mayth eus ynni moy es hwegh-ugens mil dhen na wodhons dissernya ynter aga leuv dhyghow ha'ga leuv gledh, ha myns meur a warthek?’

Romanyon 9:11

kyn na vons hwath genys na ny wrussens naneyl da na drog, (rag may pessyo towl Duw herwydh dewisyans, a-der der oberow mes der y alow),

Dewteronomi 1:39

Agas fleghigyow neb a leversowgh i dhe vos preydh, ha'gas mebyon na aswonnons hedhyw naneyl da na drog, i a dheu ena. My a'n re dhedha, hag i a'n erit.