Ysay 8:22 - An Bibel Kernewek 20234 (Kernewek Kemmyn)

²² po ow mires orth an dor, otta anken ha tewlder, an tewolgow a ahwer; hag i a vydh herdhys yn tewlder tew.

Ysay 8:22 ပူးပေါင်းရင်းမြစ်များ

Job 18:18

Ev yw herdhys dhiworth an golow a-berth y'n tewlder, ha helghys yn-mes a'n bys.

Eksodus 10:21

Ena an Arloedh a leveris dhe Moyses, ‘Ystynn dha dhorn war-tu ha nev may fo tewlder dres pow Ejyp, tewlder a vo tavadow.’

Eksodus 10:22

Ytho Moyses a ystynnas y dhorn war-tu ha nev, hag yth esa tewlder tew yn pow Ejyp oll dre dri dydh;

Lavarow Koth 14:32

An tebelwas yw domhwelys der y dhroktra, mes an den gwiryon a'n jeves harber yn y lander.

Ysay 30:6

Profoesans a-dro dhe vestes an Negeb. Dre dir a ahwer hag angoes, a lewes hag a lew owth usa, a nader ha sarf askellek, i a dheg aga rychys war skoedh asenes, ha'ga thresoryow war geyn kowrvergh, dhe bobel nag yw dhe les.

Ysay 5:30

Y'n jydh na ev a romm warnodho avel grommya an mor. Mar mirir orth an tir, awotta tewlder hag ankres; golow a vydh tewlhes gans an kommol.

Ysay 50:11

Mes hwi oll yw gwrioryon tan, neb a omwrogys gans yttewi. Kerdhewgh yn flamm agas tan hag yn mysk an yttewi re enowsowgh! Hemm yw an pyth a'gas bydh a'm dorn: Hwi a wrowedh yn tyller a dorment.

Ysay 50:3

My a wisk an nevow yn tewlder, ha gul yskar aga dillas.

Ysay 59:9

Rakhenna ewnder yw pell dhiworthyn, hag ny wra ewnder drehedhes dhyn. Ni a worta golow, hag otta tewolgow! Ni a worta golewder, mes ni a gerdh y'n tewlder.

Ysay 60:2

Rag otta, tewlder a gudh an norvys, ha tewlder tew an poblow, mes an Arloedh a dhrehav warnas, ha'y glori a vydh gwelys warnas.

Ysay 8:20

rag dyskans ha dustuni?’ Yn sur mar leverons yndella, henn yw rag ny's teves golow banna.

Ysay 9:1

Mes ny vydh tewlder rygdhi hi neb a veu yn ahwer. Yn termyn kyns ev a wrug bismer dhe bow Zebulun ha pow Naftali, mes wortiwedh ev a wra enora fordh an mor, war an tu arall dhe'n Yordan, Galile an kenedhlow.

Ysay 9:20

A-dhyghow den a dhevor ha hwath nownek vydh; a-gledh den a dheber ha ny vydh gwalghys. Pubonan a dheber kig y gentrevek.

Yeremia 13:16

Rewgh gordhyans dhe'n Arloedh agas Duw, kyns ev dhe dhri tewolgow, ha kyns agas treys dhe drebuchya aga desedha war an menydhyow tewl; ha pan esowgh ow hwilas golow, ev a'n treyl dhe skeus ankow, ha'y wul tewolgow down.

Yeremia 23:12

Ytho aga fordh a vydh avel hynsyow slynk y'n tewlder, may fydhons herdhys ynna ha koedha: rag my a dhre drogedh warnedha yn blydhen aga hessydhyans, yn-medh an Arloedh.

Matthew 22:13

Ena yn-medh an myghtern dhe'n servysi, “Kelmewgh y dhewdroes ha'y dhiwla ha tewlewgh ev y'n tewolgow pella. Ena y fydh oelva ha skrinva dyns”

Matthew 24:29

‘A-dhihwans war-lergh galar an dydhyow na an howl a vydh tewlhes, ha'n loer ny re hy golow, an ster a goedh war-nans a'n nev, ha nerthow an nevow a vydh kryghyllys.

Matthew 8:12

mes mebyon an wlaskor a vydh tewlys yn-mes dhe'n tewlder pella; ena y fydh oelva ha skrinva dyns.’

Lyther Yud 1:13

mordonnow gwyls owth ewyni gans aga bismer aga honan, sterennow ow kwandra may feu dhedha gwithys an tewlder bys vykken.

Diskwedhyans 16:10

Ha'n pympes a skoellyas y fiol war dron an best; ha'y wlaskor a veu tewlhes ha tus a gnias aga thaves dre bayn.