Ysay 8:21 - An Bibel Kernewek 20234 (Kernewek Kemmyn)

²¹ Ev a dremen der an tir, duwenik ha nownek; ha rag bos dhedha nown, i a vydh serrys, hag ow mires war-vann i a volleth aga myghtern ha'ga Duw;

Ysay 8:21 ပူးပေါင်းရင်းမြစ်များ

2 Myghternedh 25:3

Yn nawves dydh an peswora mis an divoetter eth ha bos mar sevur ma nag esa boes rag bobel an tir.

2 Myghternedh 6:33

Pan esa hwath ow kewsel orta, otta, an myghtern a dheuth yn-nans dhodho ha leverel, ‘Dhiworth an Arloedh yw an trobel ma. Prag y tal dhymm gortos an Arloedh pella?’

Job 1:11

Mes ystynn dha leuv lemmyn, ha tochya pup-tra oll a'n jeves, hag ev a wra dha villiga y'th fas.’

Job 18:12

Ahwer yw nownek ragdho, terroes yw parys ragdho pan goedh ev.

Job 2:5

Mes ystynn dha leuv lemmyn, ha toch y askorn ha'y gig, hag ev a'th villik dhe'th fas.’

Job 2:9

Ena y wreg a leveris dhodho, ‘A withydh hwath yn fast dha lander? Millik Duw ha marw.’

Eksodus 22:28

Ny wredh milliga Duw, na mollethi rewler dha bobel.

Lavarow Koth 19:3

Follneth den a wra y fordh kamm, ha'y golonn a serr orth an Arloedh.

Ysay 14:30

An re gynsa-genys a'n voghosogyon a beur, ha'n edhommogyon a wrowedh yn sawder. Mes my a dhistru dha gyf gans divoetter; ha ladha dha remenant.

Ysay 51:19

An dhew dra ma re hwarva dhis; piw a geskodhev genes? Gwastya ha distrui, divoetter ha kledha; piw a'th konfort?

Ysay 59:9

Rakhenna ewnder yw pell dhiworthyn, hag ny wra ewnder drehedhes dhyn. Ni a worta golow, hag otta tewolgow! Ni a worta golewder, mes ni a gerdh y'n tewlder.

Ysay 65:13

Rakhenna yndellma y lever an Arloedh Duw, Otta, ow servysi a dheber mes hwi a'gas bydh nown; otta, ow servysi a yv mes hwi a'gas bydh syghes; otta, ow servysi a lowenha mes hwi a gemmer meth.

Ysay 9:20

A-dhyghow den a dhevor ha hwath nownek vydh; a-gledh den a dheber ha ny vydh gwalghys. Pubonan a dheber kig y gentrevek.

Ysay 9:21

Manasse erbynn Efraym, hag Efraym erbynn Manasse; war-barth y fydhons erbynn Yuda. Yn despit dhe oll hemma ny dreylyas y sorr, ha'y leuv yw hwath ystynnys.

Yeremia 14:18

Mars av yn-rag dhe'n mes, otta an re ledhys gans an kledha! Ha mars av a-ji dhe'n sita, otta an re yw klav gans divoetter. Rag an profoes ha'n oferyas re wandras dhe dir na wodhons.

Yeremia 52:6

Y'n nawves dydh a'n peswora mis an divoetter o mar sevur y'n sita ma nag esa boes rag pobel an tir.

Levitikus 24:11

Ha mab an Ysraelyades a vlasfemyas an Hanow ha'y vollethi. I a'n dros dhe Moyses. Hanow y vamm o Shelomith, myrgh Dibri a loeth Dan.

1 Samuel 8:18

Hag y'n jydh na hwi a arm drefenn agas myghtern re dhewissowgh ragowgh agas honan; mes ny'gas worthyp an Arloedh y'n jydh na.’