Ysay 8:20 - An Bibel Kernewek 20234 (Kernewek Kemmyn)

²⁰ rag dyskans ha dustuni?’ Yn sur mar leverons yndella, henn yw rag ny's teves golow banna.

Ysay 8:20 ပူးပေါင်းရင်းမြစ်များ

Ezra 10:3

Lemmyn gwren ni kevambos gans agan Duw dhe dhannvon yn-kerdh oll an gwragedh, ha'n re dineythys anedha, herwydh kusul ow arloedh, ha dhe'n re a berth own a worhemmynn agan Duw. Bedhes gwrys herwydh an lagha.

Salmow 119:130

Diskwedhyans dha eryow a re golow; ev a re skians dhe'n re sempel.

Salmow 78:5

Rag ev a fastyas dustuni yn Yakob, hag a ros lagha dhe Ysrael a worhemmynnis dh'agan tasow, ma's deriffens orth aga fleghes;

Lavarow Koth 4:18

Mes hyns an re wiryon yw haval dhe wolow dydh-tardh, hag a splann dhe splanna ha dhe splanna bys yn hanter-dydh.

Ysay 1:10

Klewewgh ger an Arloedh, hwi rewloryon Sodom; goslowewgh orth lagha agan Duw, pobel Gomorra.

Ysay 8:16

Kolm an dustuni, sel an dyskans yn mysk ow dyskyblon.

Ysay 8:22

po ow mires orth an dor, otta anken ha tewlder, an tewolgow a ahwer; hag i a vydh herdhys yn tewlder tew.

Yeremia 6:16

Yndellma y lever an Arloedh, Sevewgh war an fordhow, ha mirewgh ha hwilewgh an hynsyow koth, le mayth yw da an fordh; ha kerdhes ynni ha hwi a gyv powes dh'agas enevow. Mes yn-medhons, ‘Ny vynnyn kerdhes ynni.’

Yeremia 8:9

Yma meth dhe'n dus fur, dyegrys yns ha kechys: otta, i re naghas ger an Arloedh, ha pana furneth eus dhedha?

Hosea 6:3

Ytho re aswonnyn ni, re hwillyn dhe aswonn an Arloedh. Y dhevedhyans yw mar sur avel an bora; ev a dheu dhyn avel an glaw, avel an glaw diwedhes a dhowrha an tir.

Mika 3:6

Rakhenna, y fydh nos dhywgh, heb gwelesigeth, ha tewlder dhywgh, heb dewinieth. An howl a wra sedhi war an brofoesi, ha'n jydh a vydh du a-ughta;

Malaki 4:2

An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.

Matthew 22:29

Yesu a worthybis ha leverel dhedha, ‘Kammdybi a wrewgh, drefenn na wodhowgh naneyl an skryptors na galloes Duw.

Matthew 6:23

mes dha lagas mars yw anyagh, oll dha gorf a vydh leun a dewlder. Rakhenna mars yw an golow usi ynnos tewolgow, ass yw meur an tewolgow na!

Mark 10:3

Hag ev a worthybis ha leverel dhedha, ‘Pandr'a worhemmynnis dhywgh Moyses?’

Luk 10:26

Ev a leveris dhodho, ‘Pyth yw skrifys y'n lagha? Fatell y'n redydh?’

Yowann 5:39

‘Hwi a hwila an skryptors, rag ynna y tybowgh hwi dhe gavoes bewnans heb diwedh. Hag i aga honan yw an re a dheg dustuni ahanav;

Oberow 17:11

ha'n dus ma o gwell yn aga gnas ages an re na yn Thessalonika, rag i a dhegemmeras an ger gans mall meur, ow hwithra an skryptors pub dydh, dhe weles mar pe gwir an taklow ma.

Romanyon 1:22

Owth omwul fur, gyllys foll ens,

2 Peder 1:19

Ha ni a'gan beus an ger profoesek moy sur. Hwi a wra yn ta ow kul vri anodho, kepar ha lugarn ow kolowi yn tyller tewl erna dartho an jydh hag erna dhrehaffo Borlowenn yn agas kolonnow.

2 Peder 1:9

Rag mar nyns usi an re ma gans nebonan, dall yw ha berr y wolok, heb perthi kov y feu glanhes a'y beghosow koth.