Ysay 8:19 - An Bibel Kernewek 20234 (Kernewek Kemmyn)

¹⁹ Mar leverons dhywgh, ‘Hwilewgh kusul a nygromonsoryon ha koelyogyon neb a hwyster ha hanasa; a ny goedh dhe bobel hwila aga Duw, hwila kusul an re varow a-barth an re vew

Ysay 8:19 ပူးပေါင်းရင်းမြစ်များ

Jenesis 41:24

Ha'n seyth penn-ys tanow a lonkas an seyth penn-ys da. My re dherivas hemma dhe'n goelyogyon, mes nyns esa nagonan anedha a wodhvo y styrya dhymm.’

2 Myghternedh 1:3

Mes el an Arloedh a leveris dhe Elias an Tishbeyas, ‘Sav, yskynn dhe vetya orth kannasow myghtern Samaria ha govynn orta, “Yw drefenn nag eus Duw yn Ysrael mayth ewgh dhe wovynn orth Baal-zebub, duw Ekron?”

2 Myghternedh 21:6

Ev a wre dh'y vab tremena dre dan; ev a wre dewinieth ha pystri, ha dyghtya nygromons ha pystrioryon. Ev a wrug meur a dhrog yn golok an Arloedh, orth y brovokya dhe sorr.

2 Myghternedh 23:24

Hwath pella, Yosia a dhistruis an nygromonsoryon, an goelyogyon, an terafim, an imajys, hag oll an taklow kasadow a veu gwelys yn pow Yuda hag yn Yerusalem. Yndella ev a fastyas geryow an lagha o skrifys y'n lyver a gavas Hilkia an oferyas yn chi an Arloedh.

1 Kroniklys 10:13

Sowl a verwis drefenn y vos dislen dhe'n ARLOEDH. Ny withas ger an Arloedh hag ynwedh ev a hwilas kusul dhiworth nygromons,

2 Kroniklys 33:6

Ev a wre dh'y vebyon tremena dre dan yn nans mab Hinnom, hag a wre dewinieth ha pystri ha hus, hag a hwila kusul dhiworth nygromons. Ev a wrug droktraow pals yn golok an Arloedh, orth y brovokya dhe sorr.

Salmow 106:28

Hag i a lenas orth Baal-peor, ha dybri offrynnow an re varow.

Ysay 19:3

Spyrys Ejyp a fyll a-ji dhodho; my a dhiswra y gusul; i a hwila an idolys ha spyrysyon an re varow, an nygromonsoryon ha'n goelyogyon.

Ysay 26:14

Ny vew an re varow; ny sev spyrysyon an re varow. Rag ty re's kessydhyas ha'ga distrui; ty re wrug oll kov anedha dhe vos kellys.

Ysay 29:4

Ty a vydh dres isel, ha kewsel dhiworth an dor, ha dha lavar a vydh ankler y'n mes a'n doust. Dha lev a vydh avel nygromons yn-mes a'n dor, ha dha lavar a hwyster yn-mes a'n doust.

Ysay 30:2

neb a gerdh dhe vos yn-nans dhe Ejyp heb govynn ow bodh, ha hwilas gweres yn nerth Faro, ha trestya yn goskes Ejyp.

Ysay 45:11

Yndellma y lever an Arloedh, an Sans a Ysrael ha'y formyer: A wovynnowgh orthiv a-dro dhe'm fleghes, po ow erghi a-dro dhe ober ow diwla?

Ysay 47:12

Sav fast y'th husow ha'th hworhanow pals, gansa may lavursys a-dhia'th yowynkneth; martesen ty a yll gwaynya prow, martesen ty a yll ownekhe dredha.

Ysay 47:13

Skwith yth os gans dha gusulyansow pals; seves ha'th sawya an re a hwither an nevow, neb a vir orth an ster; an re a dhargan yn termyn an loer nowydh an pyth a dheu warnas.

Yeremia 10:10

Mes an Arloedh yw gwir Dhuw, ev yw an Duw bew, ha myghtern heb diwedh: orth y sorr an norvys a gren, ha ny yll an kenedhlow perthi y sorrvann.

Yeremia 27:9

Ytho, na woslowewgh orth agas profoesi, na'gas koelyogyon, na'gas hunrosysi, na'gas hudoryon, na'gas pystrioryon, a gews dhywgh, ow leverel, ‘Ny servyowgh myghtern Babylon.’

Levitikus 19:31

Na dreylyewgh dhe nygromons, ha na hwilewgh koelyogyon, dhe vos defolys gansa. An Arloedh ov vy.

Levitikus 20:6

Ha'n den a dreyl dhe nygromons ha dhe goelyogyon, ow mos dhe horya gansa, my a vynn settya ow fas erbynn an den na ha'y dreghi dhe-ves dhiworth y bobel.

Mika 5:12

ha my a vynn defendya pystriow mes a dha dhorn, ha ty ny' fydh koelyogyon namoy;

Oberow 16:16

Ha dell hwarva, ha ni ow mos dhe'n tyller a bysadow, unn vaghteth ha gensi spyrys a dhewinieth a dheuth er agan pynn, neb a dhri meur a wayn dh'y mestrysi ow targana fortunyow.

Dewteronomi 18:10

Ny vydh kevys yntredhowgh nebonan a offrynn y vab po y vyrgh gans tan, na neb a wra dewinieth, na koelyek, na gorhenyas, na pystrier,

Dewteronomi 18:11

na huder, na mayn, na koelyek, na nygromonser.

1 Thessalonianys 1:9

An dus na, aga honan, a wra vri a-dro dhyn py par wolkomm a gemmersyn genowgh, ha fatell dreylsowgh dhe Dhuw dhiworth idolys dhe wonis an Duw bew ha gwir,

2 Peder 2:1

Mes yth esa fals profoesi yn mysk an bobel kepar dell vydh fals dhyskadoryon yn agas mysk ynwedh, a vynn dri tebelgryjyansow fell, ow nagha hwath an Mester a wrug aga frena, hag ow tri diswrians uskis warnedha i.

1 Samuel 28:11

Ena yn-medh an venyn, ‘Piw a dhrov yn-bann ragos?’ Hag ev a worthybis, ‘Dro yn-bann Samuel ragov.’

1 Samuel 28:16

Ena yn-medh Samuel, ‘Prag y hwovynnsys orthiv, a-ban wrug an Arloedh treylya ahanas, hag ev re dheuth ha bos dha eskar?

1 Samuel 28:7

Ena yn-medh Sowl dh'y wesyon, ‘Hwilewgh ragov nygromonsores, may hallav mos dhedhi, ha govynn orti.’ Y wesyon a leveris dhodho, ‘Otta, yma nygromonsores yn Endor.’

1 Samuel 28:8

Ytho Sowl a dhivelebis y semlans hag omwiska yn dillas arall ha mos di, ev ha dew wour ganso. I a dheuth dhe'n venyn y'n nos. Hag yn-medh ev, ‘Gwra dewinieth ragov dre nygromons, ha dri yn-bann ragov ev neb a hanwav dhis.’