Ysay 8:16 - An Bibel Kernewek 20234 (Kernewek Kemmyn)

¹⁶ Kolm an dustuni, sel an dyskans yn mysk ow dyskyblon.

Ysay 8:16 ပူးပေါင်းရင်းမြစ်များ

2 Myghternedh 11:12

Ena Yehoyada a dhros mab an myghtern yn-rag, ha gorra an gurun warnodho, ha ri dhodho an dustuni. I a'n gwrug myghtern, ha'y untya; hag i a dakyas diwla, ha leverel, ‘Re vewo an myghtern!’

Salmow 25:14

Yma kevrin an Arloedh gans an re a berth own anodho, hag ev a dhiskwa dhedha y gevambos.

Ysay 50:4

An Arloedh Duw re ros dhymm taves an re yw dyskys, rag may hwodhviv fatell sostenav gans ger an den skwith. Myttin ha myttin ev a dhifun, ev a wra dhe'm skovarn difun rag goslowes kepar ha'n re yw dyskys.

Ysay 54:13

Oll dha vebyon a vydh dyskys gans an Arloedh, ha meur vydh kres dha fleghes.

Ysay 8:20

rag dyskans ha dustuni?’ Yn sur mar leverons yndella, henn yw rag ny's teves golow banna.

Daniel 12:4

Mes ty, A Daniel, kudh an geryow, ha sel an lyver bys prys an diwedh. Lies a boen a-derdro, dhe ynkressya godhvos.’

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Matthew 13:11

Ev a worthybis ha leverel dhedha, ‘Dhy'hwi yth yw grontys aswonn kevrinyow gwlaskor nev, mes dhedha i nyns yw grontys.

Mark 10:10

Hag arta y'n chi, y dhyskyblon a wovynnas orto a-dro dhe hemma.

Mark 4:34

heb parabolenn ny gewsi orta, mes yn priva ev a styrya pup-tra dh'y dhyskyblon.

1 Korinthianys 2:14

Den anspyrysel ny dhegemmer traow an Spyrys, rag dhodho follneth yth yns i, ha ny yll ev aga honvedhes, drefenn aga bos aswonnys dre spyrys.

Dewteronomi 4:45

An re ma yw an dustuniow, ha'n ordenansow, ha'n breusow a gewsis Moyses dhe vebyon Ysrael, pan dheuthons yn-mes a Ejyp,

Ebrowyon 3:5

Lemmyn Moyses o len yn oll chi Duw avel gwas, dhe desta dhe'n traow a vedha kewsys a-wosa,

Diskwedhyans 10:4

Ha pan gewssa an seyth taran, my a vynnas skrifa: ha my a glewas lev a nev ow leverel dhymm, ‘Gwra selya yn-bann an taklow a leveris an seyth taran, ha na wra aga skrifa.’

Diskwedhyans 19:10

Ha my a goedhas orth y dreys rag y wordhya. Hag ev a leveris dhymm, ‘Na wra henna. My yw dha geskethwas, ha keskethwas dha vreder a's teves dustuni Yesu. Gwra gordhya Duw, rag dustuni Yesu yw an spyrys a brofoesans.’

Diskwedhyans 2:17

Seul a'n jeffo skovarn, klewes ev an pyth a lever an Spyrys dhe'n eglosyow. Dhe neb a fettho y rov a'n manna kudhys dhe dhybri, ha ganso ev men gwynn a rov hag y'n men hanow nowydh skrifys, nag aswonn denvyth marnas ev a'n degemmer.

Diskwedhyans 5:1

Ha my a welas y'n dhorn dhyghow a neb o esedhys war an tron, rol-skrifa, skrifys warnedhi a-ji ha war an keyn, selys gans seyth sel.

Diskwedhyans 5:5

Hag onan a'n henavogyon a leveris dhymm, ‘Na wra oela. Otta, lew loeth Yuda, Gwreydhenn Davydh, re fethas dhe igeri an rol ha'y seyth sel.’