Ysay 8:13 - An Bibel Kernewek 20234 (Kernewek Kemmyn)

¹³ Hwi a sansha Arloedh an luyow, ev yw agas euth, hag ev yw neb a'gas ownekha,

Ysay 8:13 ပူးပေါင်းရင်းမြစ်များ

Jenesis 31:53

Re bo Duw Abraham ha Duw Nahor, Duw aga thas, breus yntredhon’; ha Yakob a dos re Own y das Ysak.

Salmow 76:7

Ty, ty yw euthyk; ha piw a sev a-dheragos pan osta serrys?

Eksodus 20:20

Ha Moyses a leveris dhe'n bobel, ‘Na berthewgh own; rag Duw yw devedhys dh'agas previ, ha may fo an own anodho a-rag agas dewlagas, ha ma na begghowgh.’

Ysay 29:23

rag pan wel y fleghes, ober ow diwla, a-ji dhodho, i a sansha ow hanow, ha sanshe Sans Yakob, ha perthi own a Dhuw Ysrael.

Ysay 5:16

Mes Arloedh an luyow a vydh ughelhes yn gwirvreus, ha'n Duw sans a vydh sanshes yn ewnder.

Ezekiel 38:16

Ty a yskynn erbynn ow fobel Ysrael kepar ha kommolenn dhe gudha an tir. Y'n dydhyow diwettha my a'th tro erbynn ow thir, rag may hwrello an kenedhlow ow aswonn, pan vydhav sanshes dredhowgh, A Gog, a-rag aga dewlagas.

Levitikus 10:3

Ena yn-medh Moyses dhe Aron, ‘Hemm yw an pyth a gewsis an Arloedh anodho, ow leverel, “My a vydh sanshes der an re a dheu nes dhymm, ha my a vydh glorifiys dherag oll an bobel.” ’ Hag Aron a dewis.

Levitikus 22:32

Ny wrewgh hwi defola ow hanow sans, mes my a vydh sanshes yn mysk mebyon Ysrael. An Arloedh ov vy, neb a wra agas sanshe,

Malaki 2:5

Ow hevambos a veu ganso, bewnans ha kres, ha my a's ros dhodho; hag own, hag ev a borthas own ahanav hag ev a sevis yn agha a'm hanow.

Niverow 27:14

rag ty dhe rebellya erbynn ow ger yn gwylvos Sin dres strif an kuntelles, dhe'm sanshe der an dowrow a-rag aga lagasow.’ (An re ma yw dowrow Meriba a Kadesh yn gwylvos Sin.)

Matthew 10:28

Ha na berthewgh own a'n re a ladh an korf, mes na yll ladha an enev; mes kyns oll perthewgh own a neb a yll diswul ha'n enev ha'n korf yn ifarn.

Luk 12:5

My a'n diskwa dhywgh, piw a berthowgh own anodho: perthewgh own a neb a yll, wosa ladha, tewlel yn ifarn. Ya, yn-medhav dhywgh, perthewgh own anodho ev.

Romanyon 4:20

Ny'n gwre diskryjyans vyth mayth hokya a-dro dhe ambos Duw, mes y feu krevhes y'n fydh ow kormel Duw,

Dewteronomi 14:23

Ty a dheber a-rag an Arloedh dha Dhuw, y'n tyller a wra y dhewis dhe wul dh'y hanow triga ena, dega dha ys, ha'th win ha'th olew, ha kynsa-genys dha jatel ha'th flokk, rag may tyski dhe berthi own a'n Arloedh dha Dhuw pub dydh oll.

Diskwedhyans 15:4

Piw ny berth own ahanas, A Arloedh, ha gordhya dha hanow? Rag ty yn unnsel yw sans, rag pub kenedhel a dheu dhe wordhya a-dheragos; rag dha oberow gwiryon re beu diskwedhys.’

1 Samuel 11:7

Ev a gemmeras yew a oghen, ha'ga threghi yn temmyn ha'ga dannvon der oll pow Ysrael dre leuv kannasow, ow leverel, ‘Piwpynag na dheffo yn-rag wosa Sowl ha Samuel, yndella y fydh gwrys dh'y oghen ev!’ Ena own an Arloedh a goedhas war an bobel, hag i a dheuth yn-mes kepar hag unn gour.