Ysay 8:10 - An Bibel Kernewek 20234 (Kernewek Kemmyn)

¹⁰ Omgusulyewgh war-barth, ha'n gusul a vydh lestys; leverewgh ger, ha ny sev, rag bos Duw genen.

Ysay 8:10 ပူးပေါင်းရင်းမြစ်များ

Jenesis 21:22

Hag y'n termyn na, Abimelek, ha Fikol pennhembrenkyas y lu, a leveris dhe Abraham, ‘Yma Duw genes yn pup-tra a wre'ta.

2 Samuel 15:31

Lemmyn y feu derivys dhe Davydh bos Ahithofel yn mysk an vrasoryon gans Absalom. Ytho Davydh a leveris, ‘A Arloedh, my a'th pys, treyl kusul Ahithofel dhe follneth.’

2 Samuel 17:23

Pan welas Ahithofel na veu y gusul holys, ev a dhibras y asen ha sevel ha mones dh'y ji, dh'y sita, hag ordena y vayni, hag omgregi ha merwel, hag ev a veu ynkleudhys yn bedh y das.

2 Samuel 17:4

Ha'n gusul o da yn dewlagas Absalom, hag oll henavogyon Ysrael.

2 Myghternedh 6:12

Hag onan a'y wesyon a leveris, ‘Denvyth, ow arloedh, a vyghtern. Mes Elisha, an profoes usi yn Ysrael, a lever dhe vyghtern Ysrael an geryow a gewsydh y'th chambour.’

2 Kroniklys 13:12

Yma Duw genen orth agan penn, ha'y oferysi a's teves aga hirgern rag seni an galow dhe'n vatel er agas pynn. A vebyon Ysrael, na vatelewgh orth an Arloedh, Duw agas tasow, rag ny yllowgh seweni.’

Job 5:12

Ev a lest towlennow an dus fel, ma na yll aga diwleuv seweni.

Salmow 21:12

Rakhenna ty a wra dhedha treylya aga heyn; ty a dharbar kerdyn dha waregow erbynn aga fasow.

Salmow 46:1

Duw yw agan skovva ha'gan nerth, gweres yn anken na fyll nevra.

Salmow 46:11

Yma Arloedh an luyow genen ni; Duw Yakob yw agan skovva. Sela.

Salmow 46:7

Yma Arloedh an luyow genen ni; Duw Yakob yw agan skovva. Sela.

Salmow 46:8

Dewgh, mirewgh orth obereth an Arloedh; pana derroes re wrug ev war an nor.

Lavarow Koth 21:30

Nyns eus na furneth, na konvedhes na kusul a yll sevel erbynn an Arloedh.

Ysay 14:27

Ytho Arloedh an luyow re erviris, ha piw a'n lest? Y leuv yw ystynnys, ha piw a's treyl dhe-ves?

Ysay 28:18

Agas kevambos gans ankow a vydh removyes, ha'gas gwelesigeth gans ifarn ny sev. Pan dremen an skorja dresowgh avel liv ow fenna, hwi a vydh trettys dhe'n dor ganso.

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 43:5

Na borth own, rag yth esov genes; dhiworth an howldrevel y trov dha has, dhiworth an howlsedhes y'th kuntellav.

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Ysay 8:8

hi a dremen dre Yuda avel liv ha drehedhes bys an konna; hag ystynnans hy eskelli a lenow les dha dir, Immanuel.

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Yeremia 42:11

Na berthewgh own a vyghtern Babylon, may perthowgh own anodho; na berthewgh own anodho, yn-medh an Arloedh, rag my a vydh genowgh, dh'agas sawya ha'gas livra a'y leuv.

Yeremia 46:28

Ha ty, na vydh ownek, ow gwas Yakob, yn-medh an Arloedh, rag yth esov genes. My a wra diwedh dhe oll an kenedhlow le ma'th skattris, mes ny wrav dha leun dhistrui. My a'th kessydh yn ewn musur, mes ny wrav dha asa heb kessydhyans yn tien.

Kynvannow 3:37

Piw a yll gorhemmynn hag y fydh gwrys, mar ny'n ordenas an Arloedh?

Yoel 3:9

Deklaryewgh hemma yn mysk an kenedhlow: pareusewgh rag bresel sans, gwrewgh dhe'n vreselyoryon difuna. Des oll an soudoryon yn-rag, i yn-bann.

Haggay 1:13

Ena Haggay, kannas an Arloedh, a dherivas messaj an Arloedh dhe'n bobel, ow leverel: Yth esov genowgh yn-medh an Arloedh.

Niverow 14:9

Mes, na sevewgh erbynn an Arloedh; ha na berthewgh own a bobel an tir, rag bara yns i ragon; aga skoes yw kemmerys a-dhiworta, hag yma an Arloedh genen; na berthewgh own anedha.’

Matthew 1:23

‘Awotta, an wyrghes a wra omdhoen ha dineythi mab hag i a'n henow Emmanuel’, yw dhe styrya, Genen ni Duw.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Romanyon 8:13

rag mar pewowgh war-lergh an kig, merwel a wrewgh; mes mar korrowgh der an Spyrys gweythresow an korf, bewa a wrewgh.

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

Dewteronomi 20:1

Pan ewgh mes dhe'n gas erbynn dha eskar ha gweles mergh ha charettow, pobel moy agesos, na borth own anedha, drefenn an Arloedh dha Dhuw dhe vos genes, neb a'th tros yn-bann yn-mes a bow Ejyp.

Yoshua 1:5

Ny sev gour vyth er dha bynn oll dydhyow dha vewnans. Kepar dell en vy gans Moyses, my a vydh genes jy; ny wrav dha eskasa na'th forsakya.

1 Yowann 4:4

A Dhuw yth esowgh hwi, A fleghigyow, ha hwi re's fethas: drefenn bos ynnowgh neb yw brassa ages neb usi y'n bys.