Ysay 7:9 - An Bibel Kernewek 20234 (Kernewek Kemmyn)

⁹ Penn Efraym yw Samaria, ha penn Samaria yw mab Remalia. Mar ny gryssowgh ena ny vydhowgh fastys.

Ysay 7:9 ပူးပေါင်းရင်းမြစ်များ

2 Myghternedh 15:27

Y'n dewdhegves blydhen ha dew-ugens a Azaria myghtern Yuda, Pekagh mab Remalia, a dhallathas reynya war Ysrael yn Samaria, hag ev a reynyas ugens blydhen.

2 Kroniklys 20:20

I a sevis ternos myttin ha mos yn-mes dhe wylvos Tekoa; hag i ow mos yn-mes, Yehoshafat a sevis ha leverel, ‘Goslowewgh orthiv, A Yuda ha trigoryon Yerusalem! Trestyewgh y'n Arloedh agas Duw ha hwi a vydh fastys; trestewgh yn y brofoesi ha hwi a sewen.’

Ysay 28:1

Go-hi gurun woethus pennow-medhow Efraym, ha bleujenn gwedhrys y dekter splann, usi war benn nans fethus an re medhwys gans gwin!

Ysay 5:24

Rakhenna kepar dell wra tavosow tan dybri an sowl, hag kepar dell wra gwels sygh sedhi y'n flammow, yndellma aga gwreydh a vydh avel poder, ha'ga bleujyow a yn-bann avel doust; drefenn i dhe nagha lagha Arloedh an luyow, ha skonya lavar Sans Ysrael.

Ysay 7:10

Ha'n Arloedh a gewsis arta dhe Ahaz ow leverel:

Ysay 7:4

Ty a lever dhodho, Bydh war, hag omwith kosel. Na borth own, na vydh digolonnek drefenn an dhew stokk ma a yttewi ow megi, drefenn sorr fers Resin hag Aram ha mab Remalia.

Ysay 8:4

rag kyns an flogh dhe wodhvos gelwel ‘Ow thas’ hag ‘Ow mamm’, rychys Damaskus ha preydh Samaria a vydh degys dhe-ves a-rag myghtern Assyria.

Ysay 9:9

Oll an bobel a'n godhvydh, Efraym hag annedhysi Samaria; neb a leveris gans goeth ha balghder a golonn:

Yeremia 43:2

Azaria mab Hoshaia ha Yohanan mab Kareagh hag oll an wer valgh a leveris dhe Yeremia, ‘Ty a wowlever. Ny'th tannvonas an Arloedh agan Duw dhe leverel, “Nag ewgh dhe Ejyp dhe driga ena”;

Mika 1:5

Yth yw hemma oll drefenn treuspassow Yakob ha drefenn peghadow chi Ysrael. Pyth yw treuspass Yakob? A nyns ywa Samaria? Ha pyth yw tylleryow ughel Yuda? A nyns yns i Yerusalem?

Oberow 27:11

Mes an penn-kangour a wrug vri moy orth an lewyader ha mester an gorhel ages orth an pyth a leveris Powl.

Oberow 27:25

Rakhenna, gwellhewgh agas cher, A wer; rag my a grys Duw, y fydh kepar dell veu leverys dhymm.

Romanyon 11:20

Gwir yw! Drefenn diskryjyans y fons i terrys, ha ty dre gryjyans a sev. Na gemmer goeth, mes porth own!

Ebrowyon 11:6

Ha heb fydh ny yllir y blesya. Rag y tegoedh dhe neb a dheffo nes dhe Dhuw krysi y vos bew hag ev dhe wobra an re a'n hwila yn tiwysyk.

1 Yowann 5:10

Neb a grys yn Mab Duw a'n jeves an dustuni ynno y honan. Neb na grys yn Duw, re'n gwrug gowleveryas; rag na grysis an dustuni re ros a-dro dh'y Vab.