Ysay 7:6 - An Bibel Kernewek 20234 (Kernewek Kemmyn)

⁶ Yskynnyn ni erbynn Yuda ha'y broweghi, hy skwardya a-les ha'y hemmeres dre nerth ragon ni agan honan, ha gul mab Tabeel myghtern warnedhi.

Ysay 7:6 ပူးပေါင်းရင်းမြစ်များ

1 Myghternedh 12:16

Pan welas oll Ysrael oll na vynna an myghtern goslowes orta, an bobel a worthybis dhe'n myghtern, ‘Pana rann a'gan beus yn Davydh? Nyns eus eretons yn mab Yesse. Dh'agas tyldow, Ysrael! Mirewgh dhe'th chi dha honan, Davydh.’ Ytho Ysrael eth dhe-ves dh'aga thyldow.

2 Myghternedh 11:2

Mes Yehosheba, myrgh myghtern Yehoram, hwoer Ahazia, a gemmeras Yoash mab Ahazia, ha'y ladra dhiworth kres mebyon an myghtern esa ow pos ledhys; hi a'n gorras, ev ha'y vammeth, yn chambour gweli, kudhys a-dhiworth Athalia ma na ve ledhys.

2 Kroniklys 13:8

‘Lemmyn hwi a dyb y hyllowgh sevel orth gwlaskor an Arloedh yn leuv mebyon Davydh, drefenn agas bos gyllys ha bos routh vras ha bos genowgh hwi an leughi a owr a wrug Yeroboam dhe vos duwow ragowgh.

2 Kroniklys 21:7

Byttegyns ny vynnas an Arloedh distrui chi Davydh, drefenn an kevambos a wrug gans Davydh. Ev re ambossa ri dhodho ha dh'y vebyon lugarn bys vykken.

2 Kroniklys 28:5

Rakhenna an Arloedh y Dhuw a'n ros yn leuv myghtern Aram; i a'n fethas hag a gemmeras yn kethneth myns bras a'y dus hag a's dros dhe Damaskus. Ev a veu res ynwedh yn leuv myghtern Ysrael neb a'n fethas gans ladhva veur.

Salmow 21:11

Rag i a vynnas drog er dha bynn; i a dewlis dregynn, mes ny allsons y wul.

Salmow 83:3

I a dewlis towlow fel erbynn dha bobel, hag omgusulya erbynn dha dus tresorys.

Lavarow Koth 19:21

Lies yw an towlow a-ji dhe golonn gour, mes porpos an Arloedh, henna a sev.

Ysay 7:1

Yn dydhyow Ahaz mab Yotham mab Uzzia, myghtern Yuda, Resin myghtern Aram ha Pekagh mab Remalia myghtern Ysrael a yskynnas dhe Yerusalem dhe werrya er hy fynn, mes ny allas hy fetha.

Ysay 7:5

Rag Aram re vrasas droktra er dha bynn, gans Efraym ha Remalia, ow leverel,

Ysay 7:7

Ytho yndellma y lever an Arloedh Duw: Ny sev, ha ny hwyrvydh;

Ysay 8:6

Drefenn an bobel ma dhe nagha dowrow Shiloagh, usi ow mos yn kosel, ha teudhi yn own a Resin mab Remalia;