Ysay 7:2 - An Bibel Kernewek 20234 (Kernewek Kemmyn)

² Y feu derivys dhe ji Davydh, ow leverel, ‘Aram yw keffrysyas Efraym’; ha'y golonn ha kolonn y bobel a grenas kepar dell gren gwydh an koes a-rag an gwyns.

Ysay 7:2 ပူးပေါင်းရင်းမြစ်များ

2 Samuel 7:16

Dha ji ha'th vyghterneth a vydh fastys bys vykken a-dheragov; dha dron a vydh fastys bys vykken.

1 Myghternedh 11:32

Ev a'n jevydh unn loeth, a-barth ow gwas Davydh hag a-barth Yerusalem, an sita re dhewisis yn-mes a'n loethow oll a Ysrael.

1 Myghternedh 12:16

Pan welas oll Ysrael oll na vynna an myghtern goslowes orta, an bobel a worthybis dhe'n myghtern, ‘Pana rann a'gan beus yn Davydh? Nyns eus eretons yn mab Yesse. Dh'agas tyldow, Ysrael! Mirewgh dhe'th chi dha honan, Davydh.’ Ytho Ysrael eth dhe-ves dh'aga thyldow.

1 Myghternedh 13:2

Ev a grias erbynn an alter dre er an Arloedh, ha leverel. ‘A alter, alter, yndellma y lever an Arloedh: “Mab a vydh genys dhe ji Davydh, Yosia y hanow; hag ev a sakrifi warnas oferysi an tylleryow ughel a lesk offrynnow warnas, hag eskern denel a vydh leskys warnas.” ’

2 Kroniklys 25:10

Ena Amasia a dhibarthas an soudoryon a dheuth dhodho dhiworth Efraym, ha's dannvonas tre. Mes gyllys fest serrys orth Yuda yth ens, hag i a dhehwelas tre yn konnar meur.

2 Kroniklys 28:12

Dres hemma neb pennow a'n Efraymysi, Azaria mab Yohanan, Berekia mab Meshillemoth, Hezekia mab Shallum, hag Amasa mab Hadlay, a sevis erbynn an re esa ow tehweles dhiworth an vresel,

Salmow 11:1

Y'n Arloedh y hwilav skovva; fatell yllowgh leverel dhe'm enev, ‘Nij dhe'n menydh avel edhen?

Lavarow Koth 28:1

An debeles a fi dhe'n fo pan nag eus helghyas, mes an re wiryon yw maga hardh avel lew.

Ysay 11:13

Avi Efraym a dhiberth, hag eskerens Yuda a vydh treghys dhe-ves; Efraym ny berth envi a Yuda, ha Yuda ny arvedh Efraym.

Ysay 22:22

My a worr alhwedh chi Davydh war y skoedh; ev a iger ha nagonan ny dhege; ev a dhege ha nagonan ny iger.

Ysay 37:27

Aga annedhysi, isel aga nerth, o digolonnek ha penndegys; i re dheuth ha bos avel plansow an gwel, kepar ha gwels bleudh kepar ha gwels war dohow goleskys gans gwyns an est.

Ysay 37:35

My a vydh skoes dhe'n sita ma dh'y sawya a-barth dhymmo vy hag a-barth Davydh ow gwas.’

Ysay 6:13

Ha kyn fo an degves rann gesys ynno, y fydh leskys arta, kepar ha terebinthenn po derwenn a as kyf pan yw treghys dhe'n dor.’ An has sans yw hy hyf.

Ysay 7:13

Ena yn-medh ev: ‘Goslowewgh, chi Davydh! A'n synsowgh tra vyghan hwi dhe skwitha tus, mes hwi a vynn ynwedh skwitha ow Duw?

Ysay 7:17

An Arloedh a dhre warnas ha war dha bobel ha war ji dha das dydhyow na dheuth a-dhia'n jydh may tibarthas Efraym dhiworth Yuda: myghtern Assyria hogen.’

Ysay 7:5

Rag Aram re vrasas droktra er dha bynn, gans Efraym ha Remalia, ow leverel,

Ysay 8:12

Na leverewgh ‘Bras!’ pup-prys may hwra an bobel ma leverel bras, ha na berthewgh own a'ga own, na vedhewgh dyegrys.

Ysay 9:9

Oll an bobel a'n godhvydh, Efraym hag annedhysi Samaria; neb a leveris gans goeth ha balghder a golonn:

Yeremia 21:12

A ji Davydh; yndellma y lever an Arloedh: Gwra gwirvreus pub myttin, ha livra a-dhiworth dorn an arwasker an den a veu robbys, ma na ello ow honnar yn-mes avel tan, ha leski, ha ny vydh denvyth dh'y difeudhi, rag drogedh agas gwriansow.

Hosea 12:1

Kowethya a wra Efraym gans an gwyns, ha helghya gwyns an howldrevel oll an jydh, ha kressya gowyow ha freudh. I a wra kevambos gans Assyria hag olew yw degys dhe Ejyp.

Matthew 2:3

Pan wrug myghtern Herod klewes hemma, ev a veu troblys, hag oll Yerusalem ganso,