Ysay 7:18 - An Bibel Kernewek 20234 (Kernewek Kemmyn)

¹⁸ Y'n jydh na an Arloedh a hwiban dhe'n gelyonenn usi yn penn pella goverow Ejyp ha dhe'n wenenenn usi yn pow Assyria;

Ysay 7:18 ပူးပေါင်းရင်းမြစ်များ

Salmow 105:31

Ev a gewsis, hag y teuth hesow a gelyon, ha gwibes yn oll aga oryon.

Salmow 118:12

I a hesyas a-dro dhymm avel gwenen; i a dhewis avel tan a dhreyn; rag yn hanow an Arloedh my a wra aga distrui.

Eksodus 8:21

Poken, mar ny esydh ow fobel dhe vones, otta, y tannvonav hesow kelyon warnas ha war dha servysi ha war dha bobel, hag a-ji dhe'th chiow; ha chiow Ejyp a vydh lenwys gans hesow kelyon, hag ynwedh an dor le may sevons.

Eksodus 8:24

Ha'n Arloedh a wrug yndellma; y teuth hesow meur a gelyon a-ji dhe ji Faro ha dhe jiow y servysi; ha dre bow Ejyp oll an tir a veu diswrys drefenn an kelyon.

Ysay 13:5

I a dheu a dir pell, dhiworth pennow nev, an Arloedh hag arvow y sorrvann, dhe dhistrui an norvys oll.

Ysay 31:1

Go-i an re a dhiyskynn dhe Ejyp rag gweres, ha kregi war vergh, ha trestya yn charettow rag aga bos lies, hag yn marghogyon rag aga bos pur nerthek, mes ny virons orth Sans Ysrael, na ny hwilons an Arloedh.

Ysay 5:26

Ev a dhrehav baner rag kenedhlow a-bell, ha hwibana dhedha dhiworth pennow an bys. Awotta ev a dheu, uskis, gans toeth bras!

Ysay 7:17

An Arloedh a dhre warnas ha war dha bobel ha war ji dha das dydhyow na dheuth a-dhia'n jydh may tibarthas Efraym dhiworth Yuda: myghtern Assyria hogen.’

Zekaria 10:8

My a wra aga huntelles gans hwiban, rag my re wrug aga dasprena. I a vydh niverus kepar dell vons kyns.

Dewteronomi 1:44

Ha'n Amorysi, esa trigys y'n menydh na, a dheuth yn-mes dh'agas metya ha'gas chasya kepar ha hes gwenen ha'gas terri dhe demmyn yn Seir bys yn Horma.

Dewteronomi 28:49

An Arloedh a dhrehav er dha bynn kenedhel a bellder, dhiworth penn an norvys, mar skav dell nij an er yn-nans, kenedhel ma na gonvedhydh hy thaves,

Dewteronomi 7:20

Ynwedh an Arloedh dha Dhuw a dhannvon hwyrnoresow yn aga mysk, bys pan vo distruys an remenant a omgudhons ragos.

Yoshua 24:12

My a dhannvonas an hwyrnores a-dheragowgh, dhe jasya yn-mes a-dheragowgh dew vyghtern an Amorysi; mes nyns o gans dha gledha jy na gans dha warak jy.