Ysay 7:13 - An Bibel Kernewek 20234 (Kernewek Kemmyn)

¹³ Ena yn-medh ev: ‘Goslowewgh, chi Davydh! A'n synsowgh tra vyghan hwi dhe skwitha tus, mes hwi a vynn ynwedh skwitha ow Duw?

Ysay 7:13 ပူးပေါင်းရင်းမြစ်များ

Jenesis 30:15

Yn-medh hi dhedhi, ‘Yw tra vyghan ty dhe gemmeres ow gour, ha ty a vynn kemmeres ynwedh mandragorow ow mab?’ Yn-medh Raghel, ‘Yn attal rag mandragorow dha vab, ev a yll growedha genes haneth.’

2 Kroniklys 21:7

Byttegyns ny vynnas an Arloedh distrui chi Davydh, drefenn an kevambos a wrug gans Davydh. Ev re ambossa ri dhodho ha dh'y vebyon lugarn bys vykken.

Salmow 45:5

Lymm yw dha sethow yn kolonn eskerens an myghtern; poblow a goedh yn-dannos.

Ysay 1:14

Agas loeryow nowydh ha'gas goelyow apoyntys ow enev a gas. Begh yns i warnav; skwith ov vy a'ga doen.

Ysay 1:24

Rakhenna y lever an Arloedh, Arloedh an luyow, an Galloesek a Ysrael: Ogh, my a vydh konfortys drefenn ow envi, ha tyli dial war ow eskerens.

Ysay 22:22

My a worr alhwedh chi Davydh war y skoedh; ev a iger ha nagonan ny dhege; ev a dhege ha nagonan ny iger.

Ysay 25:1

A Arloedh, ty yw ow Duw; my a'th ughelha, my a wormel dha hanow, rag ty re wrug marthusyon, towlow a'n termyn koth, len ha sur.

Ysay 43:24

Ny brensys dhymm kalamus gans arghans, ha ny resys dhymm gwalgh a vlonek a'th sakrifisow, mes ty re'm beghyas gans dha beghosow; ty re'm skwithas gans dha dhrogoberow.

Ysay 63:10

Mes i a rebellyas ha grevya y Spyrys sans; rakhenna ev a dreylyas dhe vos eskar dhedha, hag ev y honan a vatalyas orta.

Ysay 7:12

Mes Ahaz a leveris, ‘Ny wovynnav, na ny vynnav previ an Arloedh.’

Ysay 7:2

Y feu derivys dhe ji Davydh, ow leverel, ‘Aram yw keffrysyas Efraym’; ha'y golonn ha kolonn y bobel a grenas kepar dell gren gwydh an koes a-rag an gwyns.

Yeremia 21:12

A ji Davydh; yndellma y lever an Arloedh: Gwra gwirvreus pub myttin, ha livra a-dhiworth dorn an arwasker an den a veu robbys, ma na ello ow honnar yn-mes avel tan, ha leski, ha ny vydh denvyth dh'y difeudhi, rag drogedh agas gwriansow.

Yeremia 44:22

Ny ylli an Arloedh perthi na fella agas drog wriansow, ha'n taklow kasadow a wrussowgh; yndella agas tir a dheuth ha bos ynyal ha gwast ha molleth, heb annedhyas, kepar hag y'n jydh hedhyw.

Yeremia 6:11

Ytho leun ov vy a gonnar an Arloedh; skwith ov vy owth omfronna. Gwra hy dinewi war an fleghes y'n stret, ha war guntelles an wer yowynk maga ta: rag hwath an gour gans an wreg a vydh maglennys, an henavek ha'n den leun a dhydhyow.

Ezekiel 16:20

Ty a gemmeras dha vebyon ha'th vyrghes a dhineythsys dhymmo, ha'ga sakrifia dhedha dhe dhybri. A nyns o dha fornikasyon lowr?

Ezekiel 16:47

A ny gerdhsys yn aga fordhow ha'ga thaklow kasadow? A verr spys y feus moy legrys agessa i yn oll dha fordhow.

Ezekiel 34:18

A nyns yw lowr ragowgh, hwi dhe dhybri an beurva dha, mes hwi a drett yn-dann agas treys remenant agas peurva ynwedh? ha hwi dhe eva dowr kler, ha gul an remenant leysek gans agas treys?

Ezekiel 6:9

An re ahanowgh a skap a wra ow kovhe y'n kenedhlow mayth yns i degys yn kethneth, fatell ov vy terrys gans aga holonn avoutrek a dreylyas a-dhiworthiv, ha gans aga dewlagas ow horya war-lergh aga idolys. Kasa aga honan a wrons dre reson an drogow a wrussons rag oll aga thaklow kasadow.

Amos 3:13

Klewewgh ha testewgh erbynn chi Yakob, yn-medh an Arloedh Duw, Duw an luyow,

Malaki 2:17

Hwi re skwithas an Arloedh gans agas geryow. Hwi a lever, ‘Fatell y'n skwithsyn?’ Pan leverewgh ‘Peub neb a wra drog yw da yn golok an Arloedh, hag ev yw pes da anedha’, po ‘Ple'ma an Duw a wirvreus?’

Niverow 16:13

Yw hi tra vyghan ty dh'agan dri yn-bann yn-mes a dir a dhinwa leth ha mel, dh'agan ladha y'n gwylvos, mayth yw res dhis ynwedh omwul bos penntern a-ughon?

Niverow 16:9

Yw hi tra re vyghan ragowgh, Duw Ysrael dh'agas diberth dhiworth kuntelles Ysrael, dh'agas dri ogas dhodho y honan, dhe wul servis yn tabernakel an Arloedh, ha dhe sevel a-rag an kuntelles dhe venystra dhedha?

Luk 1:69

ha drehevel korn a selwyans ragon yn chi Davydh y was;

Oberow 7:51

‘A hwi kales agas kilbenn, hag antrodreghys yn agas kolonn hag yn agas diwskovarn, pup-prys y sevowgh erbynn an Spyrys Sans, kepar dell wre agas tasow, yndella hwi ynwedh a wra.

Ebrowyon 3:10

Yndella, serrys en gans an henedh ma, hag y leveris, “Pup-prys yth ons yn stray yn aga holonn; ny aswonnsons ow fordhow vy.”