Ysay 7:12 - An Bibel Kernewek 20234 (Kernewek Kemmyn)

¹² Mes Ahaz a leveris, ‘Ny wovynnav, na ny vynnav previ an Arloedh.’

Ysay 7:12 ပူးပေါင်းရင်းမြစ်များ

2 Myghternedh 16:15

Myghtern Ahaz a worhemmynnis dhe Uria an oferyas, ow leverel, ‘War an alter veur losk offrynn leskys an myttin, hag offrynn greun an gorthugher, hag offrynn leskys an myghtern, ha'y offrynn greun, gans offrynn leskys oll pobel an pow, aga offrynn greun, ha'ga offrynn diwes; ena skoell warnedhi oll an goes dhiworth an offrynnow leskys, hag oll an goes dhiworth an sakrifisow; mes an alter a vrons a vydh dhymmo vy rag ow devnydh ow honan.’

2 Kroniklys 28:22

Yn prys y ahwer ev eth ha bos hwath moy dislel dhe'n Arloedh – an keth myghtern Ahaz ma.

Ysay 7:11

Ty govynn tokyn dhiworth an Arloedh dha Dhuw, bedhes po down avel ifarn, po y'n ughelder a-vann.

Ysay 7:13

Ena yn-medh ev: ‘Goslowewgh, chi Davydh! A'n synsowgh tra vyghan hwi dhe skwitha tus, mes hwi a vynn ynwedh skwitha ow Duw?

Ezekiel 33:31

I a dheu dhis, kepar dell yw usadow an bobel dhe wul, hag i a esedh a-ragos, ha klewes dha eryow, mes ny wrons war aga lergh. Rag yma gowyow yn aga ganow, hag yma aga holonn ow mos war-lergh aga gwayn anewn.

Malaki 3:15

Mes lemmyn ni a elow an re orgelus gwynnvys. Devri, drogoberoryon re sewenis, hag ynwedh an re a dhefias Duw a dhienkas.’

Oberow 5:9

Yn-medh Peder dhedhi, ‘Prag y fewgh unnver dhe demptya Spyrys an Arloedh? Otta, treys an re neb re ynkleudhyas dha wour ymons orth an daras, hag i a wra dha dhoen jy yn-mes.’

1 Korinthianys 10:9

Ny goedh dhyn previ Krist par dell wrug rann anedha, hag a vons distruys gans serf;

Dewteronomi 6:16

Na brevewgh an Arloedh agas Duw kepar dell y'n prevsowgh orth Massa.