Ysay 66:4 - An Bibel Kernewek 20234 (Kernewek Kemmyn)

⁴ Ytho my ynwedh a dhewis tebeldhyghtyans ragdha, ha dri warnedha an taklow a berthons own anedha; rag pan elwis vy, denvyth ny worthybis, ha pan gewsis vy, ny glewsons; mes i a wrug an pyth yw drog y'm dewlagas, ha dewis an dra ny'm beu delit ynno.

Ysay 66:4 ပူးပေါင်းရင်းမြစ်များ

2 Myghternedh 21:2

Ev a wrug an pyth o drog yn golok an Arloedh, ow siwya gweythresow kasadow an kenedhlow a fesyas an Arloedh yn-mes a-dherag pobel Ysrael.

2 Myghternedh 21:6

Ev a wre dh'y vab tremena dre dan; ev a wre dewinieth ha pystri, ha dyghtya nygromons ha pystrioryon. Ev a wrug meur a dhrog yn golok an Arloedh, orth y brovokya dhe sorr.

Salmow 81:12

Ytho my a's gasas dh'aga holonn worth, dhe gerdhes herwydh aga husulyow aga honan.

Lavarow Koth 1:24

Drefenn my dhe elwel, ha hwi re naghas, my re ystynnas ow leuv ha ny woslowas denvyth,

Lavarow Koth 10:24

An pyth may perth an tebelwas own anodho a dheu warnodho, mes hwans an re wiryon a vydh grontyes.

Ysay 50:2

Prag nag esa denvyth ena pan dheuth vy? Prag na worthybis denvyth pan elwis vy? Yw ow dorn berrhes bys ma na yll hi dasprena? A nyns eus dhymmo vy galloes dhe dhelivra? Gans ow heredh my a sygh an mor, my a wra avonyow difeyth; aga fuskes a fler rag difyk dowr, hag a verow rag syghes.

Ysay 59:15

Gwirder a fyll, ha neb a dreyl dhiworth drog yw kemmerys avel preydh. An Arloedh a welas hag a veu displesys drefenn na veu gwirvreus.

Ysay 59:7

Aga threys a boen dhe dhrog, hag i a fysk dhe dhinewi goes ankablus. Aga frederow yw frederow a anewnder; yma freudh ha kollva yn aga fordhow.

Ysay 65:12

My a wra agas destna rag an kledha, ha hwi oll a ombleg dhe'n ladhva; rag my a'gas gelwis, mes ny worthybsowgh, my a gewsis mes ny glewsowgh. Hwi a wrug drog a-wel dhymm ha dewis an dra na veu plegadow dhymm.

Ysay 65:2

My re lesas ow diwla oll an jydh dhe bobel benn-kales usi ow kerdhes y'n fordh nag yw da, ow siwya aga thybyansow aga honan;

Ysay 65:3

pobel usi orth ow frovokya dhe sorr dhe'm fas heb hedhi, usi prest ow sakrifia y'n lowarthyow hag ow leski offrynnow war alteryow brykkys;

Ysay 65:7

aga hammweythresow ha kammweythresow aga thasow war-barth, yn-medh an Arloedh. Rag i dhe leski offrynnow war an menydhyow, ha'm skornya war an bronnow, my a wra musura yn aga barrlenn an attal a'ga gweythresow kyns.

Yeremia 35:17

Ytho, yndellma y lever an Arloedh, Duw an luyow, Duw Ysrael: My a dhre war Yuda ha war oll annedhysi Yerusalem pub terroes re leveris er aga fynn; rag my re gewsis dhedha ha ny woslowsons, my re elwis dhedha mes ny worthybsons.’

Yeremia 7:13

Ha lemmyn, drefenn hwi dhe wul oll an taklow ma, yn-medh an Arloedh, ha my a gewsis dhywgh, ow sevel a-varr hag ow kewsel, mes ny glewsowgh; ha my a elwis dhywgh, mes ny worthybsowgh;

Yeremia 7:30

Rag mebyon Yuda re wrug drogedh y'm golok, yn-medh an Arloedh; i re settyas aga thaklow kasadow y'n chi may feu ow hanow gelwys warnodho, dh'y dhefola.

Ezekiel 11:8

Hwi re borthas own a'n kledha; ha my a dhre an kledha warnowgh, yn-medh an Arloedh Duw.

Ezekiel 14:4

Rakhenna kows orta ha lavar dhedha, Yndellma y lever an Arloedh Duw: Piwpynag dhiworth chi Ysrael a dhrehaffo y idolys yn y golonn ha gorra y anewnder a-ragdho avel ken a drebuchya, hag ena dos dhe'n profoes, my an Arloedh a worthyp dhodho herwydh palster y idolys,

Ezekiel 20:25

Ynwedh my a ros dhedha ordenansow nag ens da, ha breusow na yllens bewa ynna.

Matthew 24:24

Rag fals Kristow ha fals profoesi a sev ow kul toknys bras ha marthusyon, rag toella, mara kyllir, an re dhewisys.

1 Samuel 8:19

Mes an bobel a skonyas goslowes orth lev Samuel; hag i a leveris, ‘Nansi! Mes ni a vynn kavoes myghtern warnan,