Ysay 66:22 - An Bibel Kernewek 20234 (Kernewek Kemmyn)

²² Rag kepar dell vydh an nevow nowydh ha'n norvys nowydh, a wrav aga kreatya, ow sevel a-ragov, yn-medh an Arloedh, yndellma y sev agas has ha'gas hanow.

Ysay 66:22 ပူးပေါင်းရင်းမြစ်များ

Ysay 48:19

dha has a via avel an tewes, hag agh dha dorr avel y dewesennow, nevra ny via aga hanow treghys glan, na distruys a-ragov vy.

Ysay 51:16

My re worras ow geryow yn dha anow, ha'th kudha yn skeus ow leuv, owth ystynn an nevow, hag ow fondya selyow an norvys, hag ow leverel dhe Sion, ‘Ty yw ow fobel.’

Ysay 53:10

Mes an Arloedh a vynnas y vrewi; ha gul dhodho godhevel; mar kwra dh'y enev bos offrynn kammweyth, ev a wel y has, ha gul dh'y dhydhyow bos hir, ha bodh an Arloedh a sewen yn y leuv.

Ysay 56:5

my a re dhedha y'm chi hag y'm fosow men-kov ha hanow gwell ages mebyon ha myrghes; my a re dhodho hanow a dhur bys vykken na vydh dileys.

Ysay 59:21

Ha hemm yw ow hevambos a wrav gansa, yn-medh an Arloedh: ow Spyrys usi warnas ha'm geryow re worris yn dha anow ny dhiberth a'th anow nag a anow dha has, nag a anow has dha has, yn-medh an Arloedh, alemma rag ha bys vykken.

Ysay 61:8

Rag my, an Arloedh, a gar gwirvreus, ha kasa ladrans dre sherewynsi, my a attal dhedha y'm lenduri, ha gul kevambos bys vykken gansa.

Ysay 61:9

Aga has a vydh aswonnys y'n kenedhlow, ha'ga askorr yn mysk an poblow. Peub a's gwel a aswonn i dhe vos has a wrug an Arloedh aga benniga.

Ysay 65:17

Rag awottavy ow kreatya nevow nowydh ha nor nowydh; ny vydh kovhes an kynsa, nag entra y'n brys.

Ysay 65:22

Ny dhrehevons, hag arall a drig ena, ny blansons, hag arall a dheber. Rag dydhyow ow fobel a vydh avel dydhyow gwydhenn, ha'm re dhewisys a wel ober aga diwla ow toen frut termyn hir.

Ysay 65:23

Ny lavuryons yn euver, na dhineythi fleghes dhe euth; rag i a vydh has bennigys gans an Arloedh, ha'ga henedh gansa.

Yeremia 33:20

Yndellma y lever an Arloedh: Mar kyllowgh terri ow hevambos gans an jydh, hag ow hevambos gans an nos, ma na vo dydh na nos yn aga ewn brys,

Yeremia 33:21

ena ow hevambos gans ow gwas Davydh a vydh terrys, ma na'n jevydh mab dhe reynya war y dron, hag ow hevambos gans an Levysi, an oferysi ow menystoryon.

Sefania 3:20

Y'n termyn na my a'gas dre, y'n termyn may hwrav a'gas kuntell: rag my a wra hanow ragowgh ha gormola yn mysk oll poblow an norvys, pan dreylyav agas kethneth a-dherag agas dewlagas, yn-medh an Arloedh.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

2 Peder 3:13

Mes ni a wra gortos nev nowydh ha nor nowydh war-lergh y ambos, may trig ewnder ynna.

Diskwedhyans 21:1

Ha my a welas nev nowydh ha nor nowydh: rag an kynsa nev ha'n kynsa nor re dremensa dhe-ves, ha nyns esa mor namoy.