Ysay 66:2 - An Bibel Kernewek 20234 (Kernewek Kemmyn)

² Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Ysay 66:2 ပူးပေါင်းရင်းမြစ်များ

1 Myghternedh 21:29

‘A welsys fatell uvelhas Ahab y honan a-ragov? Drefenn ev dhe uvelhe y honan a-ragov, ny dhrov terroes yn y dhydhyow; mes yn dydhyow y vab my a dhre terroes war y ji.’

2 Myghternedh 22:10

Ena Shafan an skrifwas a dherivas dhe'n myghtern ow leverel, ‘Hilkia an oferyas re ros lyver dhymm.’ Ha Shafan a'n lennas a-rag an myghtern.

2 Myghternedh 22:11

Pan glewas an myghtern geryow lyver an lagha, ev a skwardyas y dhillas.

Ezra 10:3

Lemmyn gwren ni kevambos gans agan Duw dhe dhannvon yn-kerdh oll an gwragedh, ha'n re dineythys anedha, herwydh kusul ow arloedh, ha dhe'n re a berth own a worhemmynn agan Duw. Bedhes gwrys herwydh an lagha.

Ezra 9:4

Ena pubonan neb a dhegrena orth geryow Duw Ysrael a omguntellas a-dro dhymm, drefenn dislelder an dhivresow, ha my a esedhas dyegrys bys offrynn an gorthugher.

Salmow 119:120

Ow hig a gren rag own ahanas, ha my a berth own a'th vreusow.

Salmow 119:161

Pennsevigyon re'm helghyas heb ken, mes ow holonn a gren rag dha er.

Salmow 138:6

Rag ughel yw an Arloedh, hwath ev a wra vri a'n re isel, mes a bellder ev a aswonn an re woethus.

Salmow 34:18

Yma an Arloedh ogas dhe'n re trogh aga holonn, hag ev a selow an re keudhesik aga spyrys.

Salmow 51:17

Sakrifisow Duw yw spyrys trogh; kolonn drogh ha keudhesik, A Dhuw, ny dhispresydh.

Salmow 51:19

Ena ty a' fydh delit yn sakrifisow ewnder, offrynnow leskys ha kowlleskys; ena yth offrynnons lodhnow war dha alter.

Lavarow Koth 28:14

Gwynnvys an den neb a'n jeves own pup-prys, mes neb yw kales y golonn a goedh yn anfeus.

Lavarow Koth 29:23

Goeth den a'n dre isel, mes neb yw uvel yn spyrys a'n jevydh enor.

Ysay 40:26

Drehevewgh yn-bann agas dewlagas, ha gwelewgh: piw a wrug an re ma? Ev neb a dheg yn-mes aga lu, orth aga nivera, ha'ga gelwel pubonan orth hanow; der y nerth meur ha'y alloes krev ny fyll onan vyth.

Ysay 41:20

rag may hwello tus ha godhvos, ynwedh prederi ha konvedhes, y hwrug dorn an Arloedh hemma ha'n Sans a Ysrael dh'y formya.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Ysay 66:5

Klewewgh ger an Arloedh, hwi neb a gren orth y er: Agas breder neb a'gas kas ha'gas eskeas a-barth ow hanow re lavarsons, ‘Bedhes an Arloedh glorifiys, rag may hwellyn agas lowena!’ Mes i aga honan a gemmer meth.

Hosea 11:10

I a gerdh war-lergh an Arloedh; Ev a wra usa avel lew. Pan wra ev usa, fleghes an howlsedhes a gren.

Mika 6:8

Ev re dhiskwedhas dhis, a dhen, an pyth yw mas: ha pandr'a wovynn orthis an Arloedh marnas ty a wra gwirvreus, ha kara tregeredh, ha kerdhes yn uvel gans dha Dhuw?

Habakkuk 3:16

My a woslowas ha'm torr a grenas; orth an son ow diwweus a dremblas, podredhes a dheu y'm eskern ha'm diwarr a dhegren yn-dannov. Yn kosel my a worta dydh an ahwer dhe dhos war bobel a omsett er agan pynn.

Matthew 12:6

Mes my a lever dhywgh bos omma neppyth yw brassa ages an tempel.

Oberow 7:50

A ny wrug ow leuv oll an taklow ma?”

Oberow 9:6

Mes sav yn-bann, ke a-ji dhe'n sita, ha leverys vydh dhis an pyth a dhelledh ty dhe wul.’

Filippianys 2:12

Ytho, ow howetha garadow, kepar dell vewgh pup-prys gostydh pan esen genowgh hwi, oberewgh agas selwyans agas honan gans own ha kren hwath moy lemmyn pan esov dhe-ves.

Kolossianys 1:17

Hag yma ev a-dherag pup-tra, ha pup-tra a syns war-barth ynno ev.