Ysay 66:18 - An Bibel Kernewek 20234 (Kernewek Kemmyn)

¹⁸ My a woer aga gweythyow ha'ga thybyansow, ha my a dheu dhe guntell oll an kenedhlow ha'n tavosow; hag i a dheu ha gweles ow glori.

Ysay 66:18 ပူးပေါင်းရင်းမြစ်များ

Job 42:2

‘My a woer y hyllydh gul pup-tra, ha ny yll towl ahanas bos lestys.

Salmow 139:2

Ty a aswonn ow esedha ha'm sevel; ty a gonvedh ow frederow a bellder.

Salmow 67:2

Rag may fo dha fordh aswonnys war an nor, dha selwyans yn mysk oll an kenedhlow.

Salmow 72:11

Re omblekko myghternedh oll a-dheragdho; hag oll an kenedhlow bos y sojets.

Salmow 72:17

Re dhurryo y hanow bys vykken; re bo y hanow fastys hedre vo an howl. Ena tus a omvennik dredho; an kenedhlow oll a'n gelow gwynnvys.

Salmow 82:8

Sav, A Dhuw, breus an nor; rag ty a erit an kenedhlow oll.

Salmow 86:9

Oll an kenedhlow a wrussys a dheu hag omblegya a-dheragos, A Arloedh, ha gordhya dha hanow.

Salmow 94:11

An Arloedh a woer prederow den, aga bos euveredh.

Salmow 97:6

An nevow a dheriv y ewnder, hag oll an poblow re welas y wolewder.

Ysay 11:9

Ny wrons dregynn na ny dhistruons yn oll ow menydh sans; rag an norvys a vydh leun a wodhvos an Arloedh dell wra an dowrow kudha an mor.

Ysay 2:2

Y'n dydhyow diwettha menydh chi an Arloedh a vydh fastys avel penn an menydhyow; hag y fydh drehevys yn-bann dres an breow, hag oll an kenedhlow a dheu dhodho yn fros.

Ysay 37:28

‘Mes my a woer pan sevydh ha pan esedhydh, pan edh yn-mes ha pan dheudh a-ji ha fatell gonnerydh er ow fynn.

Ysay 40:5

Ha glori an Arloedh a vydh diskwedhys, ha pub kig a wra y weles war-barth, rag ganow an Arloedh re gewsis.’

Ysay 45:22

Treylyewgh dhymm ha bedhewgh selwys, oll pennow a'n norvys; rag my yw Duw ha nyns eus ken.

Ysay 52:10

An Arloedh re dhislennis y vregh sans a-rag dewlagas an kenedhlow oll, hag oll pennow an norvys a wel selwyans agan Duw.

Ysay 55:8

Rag nyns yw ow frederow vy dha brederow jy, na nyns yw dha fordhow jy, ow fordhow vy, yn-medh an Arloedh.

Ysay 56:8

Yndellma y lever an Arloedh Duw, neb a guntell an re skattrys a Ysrael: My a guntell ynwedh erell dhedha, dres an re kuntellys dhedha seulabrys.

Ysay 57:12

My a dhiskler dha ewnder ha'th oberow, ha ny vydhons dhe les dhis.

Ysay 59:7

Aga threys a boen dhe dhrog, hag i a fysk dhe dhinewi goes ankablus. Aga frederow yw frederow a anewnder; yma freudh ha kollva yn aga fordhow.

Ysay 65:2

My re lesas ow diwla oll an jydh dhe bobel benn-kales usi ow kerdhes y'n fordh nag yw da, ow siwya aga thybyansow aga honan;

Ysay 66:10

Lowenhewgh gans Yerusalem ha bedhewgh heudh rygdhi, oll hwi neb a's kar; lowenhewgh yn feur gensi, oll hwi neb a gyn warnedhi;

Yeremia 16:17

Rag yma ow dewlagas war oll aga fordhow: nyns yns kudhys a'm golok, na nyns yw aga hammhynseth kudhys a'm dewlagas.

Yeremia 3:17

Y'n termyn na i a elow Yerusalem Tron an Arloedh; hag oll an kenedhlow a vydh kuntellys dhedhi, dhe hanow an Arloedh yn Yerusalem: ha ny holyons yn hworth namoy aga thebel golonn.

Ezekiel 38:10

Yndellma y lever an Arloedh Duw: Y'n jydh na prederow a dheu y'th vrys, ha ty a bareus towlenn dhrog.

Ezekiel 39:21

My a dhiskwedh ow glori yn mysk an kenedhlow, hag oll an kenedhlow a wel ow breus a wrugavy, ha'n leuv a worris warnedha.

Yoel 3:2

my a guntell oll an kenedhlow ha'ga hembronk dhe nans Yehoshafat, ha mos yn breus gansa ena, a-barth ow fobel ha'm ertach Ysrael, drefenn i dh'aga skattra yn mysk an kenedhlow ha ranna ow thir.

Amos 5:12

Rag my a woer agas kammweythresow pals, ha'gas peghosow bras, owth arvedh an den gwiryon, ow kemmeres falswober, hag ow treylya a-denewen an edhommogyon y'n yet.

Zekaria 14:16

Pubonan a vo gesys dhiworth oll an kenedhlow neb a dheuth erbynn Yerusalem a wra mos yn-bann a vlydhen dhe vlydhen dhe wordhya an Myghtern, Arloedh an luyow, ha dhe solempnya goel an skovvaow.

Malaki 1:11

Rag meur yw ow hanow yn mysk an kenedhlow, dhiworth an howldrevel ha bys an howlsedhes, hag yn pub le yma ynkys offrynnys dhe'm hanow, hag offrynn pur, rag meur yw ow hanow yn mysk an kenedhlow, yn-medh Arloedh an luyow.

Matthew 12:25

Mes ev owth aswonn aga frederow a leveris, ‘Pub gwlaskor rynnys er hy fynn hy honan yw gwrys difeyth ha pub sita po chi rynnys er hy fynn hy honan ny sev.

Matthew 9:4

Ha Yesu, owth aswonn aga frederow, a leveris, ‘Prag y prederowgh drog yn agas kolonn?

Luk 5:22

Mes Yesu owth aswonn aga frederow a worthybis ha leverel dhedha, ‘Pandr'a resnowgh yn agas kolonn?

Yowann 17:24

A Das, my a vynn an re a resys dhymm i ynwedh dhe vos genev vy le mayth esov, rag may hwellons ow glori a resys dhymm, rag ty a'm karas kyns gwrians an bys.

Yowann 5:42

mes my a'gas aswonn, nag usi kerensa Duw ynnowgh agas honan.

Romanyon 16:26

mes lemmyn yw diskudhys ha, der an skrifow profoesek, war-lergh gorhemmynn an Duw heb diwedh, rag gostytter a fydh, yw dyllys dhe'n gwlaskordhow oll:

1 Korinthianys 3:20

hag arta, ‘An Arloedh a woer prederow an dus skentel, i dhe vos euver.’

Dewteronomi 31:21

Ha pan wra lies drog hag ahwer aga havoes, an gan ma a worthyp yn test; rag ny vydh ankevys mes a anow aga henedh. My a woer mynnas aga brys usi dhedha hedhyw, hwath kyns my dh'aga dri dhe'n tir a wrugavy y di.’

Ebrowyon 4:12

Rag ger Duw yw effeythus ha lymma ages pub kledha dewvinyek, ow kwana erna ranno enev ha spyrys, mellow ha mer, hag a yll breusi tybyansow ha mynnas an golonn.

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Diskwedhyans 2:13

‘My a aswonn le mayth esos trigys, le mayth usi tron Satnas, ha ty a syns ow hanow yn fast ha ny wrussys nagha ow fydh hwath y'n dydhyow na may feu ledhys Antipas ow merther len yn agas mysk, le may trig Satnas.

Diskwedhyans 2:2

‘My a aswonn dha wriansow ha'th lavur ha'th perthyans, ha fatell na yllydh godhav tus dhrog, ha ty re brovas an re a lever aga bos abesteli heb bos yndellma, ha kavoes aga bos gowygyon.

Diskwedhyans 2:9

‘My a aswonn dha wriansow ha'th halar ha'th voghosogneth (mes rych osta) ha my a aswonn blasfemi an re a lever aga bos Yedhewon, heb bos yndella, mes synaga Satnas yns i.