Ysay 66:16 - An Bibel Kernewek 20234 (Kernewek Kemmyn)

¹⁶ Rag gans tan an Arloedh a wra breus, ha gans y gledha, war oll kig; ha pals vydh an re ledhys gans an Arloedh.

Ysay 66:16 ပူးပေါင်းရင်းမြစ်များ

Ysay 10:4

ma na blattyowgh yn mysk an brisnoryon, na koedha yn mysk an re ledhys? Yn despit dhe oll hemma ny dreylyas y sorr, ha'y leuv yw hwath ystynnys.

Ysay 27:1

Y'n jydh na an Arloedh a gessydh gans y gledha kales, bras ha krev Lawethan an sarf usi ow fia, Lawethan an sarf usi ow gwrynya; ha ladha an dhragon usi y'n mor.

Ysay 3:13

An Arloedh re gemmeras y le dhe bledya y gen, ha sevel dhe vreusi poblow.

Ysay 30:30

An Arloedh a wra dh'y lev meuredhek bos klewys, ha dhe strekys y vregh ow tiyskynna bos gwelys, gans konnar y sorr ha flamm a dan ow tevorya, gans kowas ha tewedh ha keserennow.

Ysay 31:8

‘Assyria a goedh der an kledha a-der dre wour, ha kledha, nag yw a vab-den, a's devor. I a fi dhe'n fo rag an kledha ha'ga gwer yowynk a vydh gorrys dhe hwel krev.

Ysay 34:2

Rag yma sorrvann dhe'n Arloedh erbynn oll an kenedhlow, ha konnar erbynn oll aga luyow. Ev re's distruis ha'ga ri dhe ladhva.

Ysay 65:12

My a wra agas destna rag an kledha, ha hwi oll a ombleg dhe'n ladhva; rag my a'gas gelwis, mes ny worthybsowgh, my a gewsis mes ny glewsowgh. Hwi a wrug drog a-wel dhymm ha dewis an dra na veu plegadow dhymm.

Yeremia 25:31

Tros a dheu bys yn penn an bys, rag an Arloedh a'n jeves ken erbynn an kenedhlow; ev a enter yn vreus erbynn kig oll; hag ev a worr an debeles dhe'n kledha, yn-medh an Arloedh.

Yeremia 25:33

An re ledhys gans an Arloedh a vydh y'n jydh na a'n eyl penn an nor bys y'n penn arall. Ny vydh kynvann ragdha, ha ny vydhons kuntellys na ynkleudhys; i a vydh kawgh war enep an nor.

Yeremia 45:5

Ha ty, a hwilydh traow meur dhe'th honan? Na's hwila; rag my a dhre anfeusi war oll kneus, yn-medh an Arloedh; mes my a re dhis dha vewnans avel preydh yn pub tyller mayth ylli.’

Yeremia 46:15

Prag yth yw Apis prosternys? Prag na wrug dha darow sevel fast? – drefenn an Arloedh dh'y herdhya dhe-ves.

Ezekiel 28:18

Y'th lies kammhynseth, yn anewnder dha genwerth, ty a dhisakras dha sentris. Ytho my a dhros tan yn-mes dhiworthis; ev a'th tybris, ha my a'th treylyas dhe lusu war an dor yn golok pubonan a'th welas.

Ezekiel 38:17

Yndellma y lever an Arloedh Duw: A nyns yw ty neb a gewsis vy a-dro dhodho y'n dydhyow koth, dre leuv ow gwesyon profoesi Ysrael, a brofoessons lies blydhen y'n dydhyow na, my dhe'th tri er aga fynn?

Ezekiel 5:15

Ty a vydh skorn, ha tont, ha bysna hag euth dhe'n kenedhlow a-dro dhis, pan wrav breusow er dha bynn yn sorr hag yn konnar hag yn keredhyow konneryek. My, an Arloedh, re gewsis.

Yoel 3:2

my a guntell oll an kenedhlow ha'ga hembronk dhe nans Yehoshafat, ha mos yn breus gansa ena, a-barth ow fobel ha'm ertach Ysrael, drefenn i dh'aga skattra yn mysk an kenedhlow ha ranna ow thir.

Amos 7:4

An Arloedh Duw a dhiskwedhas hemma dhymm: hag otta, yth esa an Arloedh Duw ow kelwel rag prov dre dan, ha'n tan a dhevoryas an islonk meur, hag a dhevoryas rann a'n tir.

Nahum 3:15

Ena tan a wra dha lenki, an kledha a wra dha dreghi yn-nans, ev a'th lenk avel an lokust diaskell. Bydh niverus kepar ha'n lokust diaskell, palsha kepar ha'n hes a lokustes!

Nahum 3:3

an marghek ow kodros, an kledha ow lughesi, an guw ow terlentri; niver bras a dus ledhys, ha kals a garynyes, korfow diniver; i a drebuch war aga horfow marow.

Zekaria 14:5

Hwi a wra fia dre nans ow menydhyow; rag nans an menydhyow a dhrehedh bys Asal. Hwi a wra fia dhe'n fo kepar dell fisowgh a-rag an dorgrys yn dydhyow Uzzia myghtern Yuda. Ena an Arloedh ow Duw a dheu, hag oll an syns genes.