Ysay 66:14 - An Bibel Kernewek 20234 (Kernewek Kemmyn)

¹⁴ Hwi a wel henna, ha'gas kolonn a lowenha; ha glasa a wra agas eskern avel gwels; leuv an Arloedh a vydh aswonnys dh'y servysi, ha'y sorr orth y eskerens.

Ysay 66:14 ပူးပေါင်းရင်းမြစ်များ

Ezra 7:9

Ev a erviras mos yn-bann a-dhiworth Babylon yn kynsa dydh an kynsa mis, hag ev a dheuth dhe Yerusalem yn kynsa dydh an pympes mis, drefenn bos leuv dha y Dhuw warnodho.

Ezra 8:18

Ha dre leuv dha agan Duw warnan i a dhros dhyn gour a skians da, a vebyon Mahli mab Levi, mab Ysrael; ha mebyon ha breder Sherebia, etek;

Ezra 8:22

Rag meth a'm bia govynn orth an myghtern kowethas soudoryon ha marghogyon dh'agan gweres erbynn ladron fordh; rag ni a leveris dhe'n myghtern, ‘Yma leuv agan Duw war oll an re a'n hwila; mes yma y alloes ha'y sorr erbynn oll a'n eskas.’

Ezra 8:31

Ena ni eth yn-kerdh dhiworth an avon Ahava yn dewdhegves dydh an kynsa mis, rag mos dhe Yerusalem; yth esa leuv agan Duw warnan, hag ev a'n sawyas dhiworth leuv an eskar, ha dhiworth neb a gontrewayt ryb an fordh.

Salmow 107:42

An re ewnhynsek a wel henna, ha lowenhe; ha pub sherewneth a dhege y anow.

Lavarow Koth 17:22

Kolonn jolif yw sawment da, mes spyrys trogh a sygh an eskern.

Lavarow Koth 3:8

Sawment vydh dhe'th vegel ha sosten dhe'th eskern.

Ysay 10:5

Ogh, Assyria, gwelenn ow sorr! an fust yn aga leuv yw ow honnar.

Ysay 13:5

I a dheu a dir pell, dhiworth pennow nev, an Arloedh hag arvow y sorrvann, dhe dhistrui an norvys oll.

Ysay 26:19

Dha re varow a vydh bew; aga horfow a sev. Difunewgh ha kenewgh yn lowen, annedhysi an doust; rag dha luth yw gluth a wolow, ha'n nor a dhineyth spyrysyon an re varow.

Ysay 26:20

Ke ow fobel, enter dhe'th chambour ha dege dha dharas a-dryv dhis; omgudh prysweyth bys pan dremen sorrvann.

Ysay 30:27

Otta, hanow an Arloedh a dheu a bellder, gans sorr ow leski, ha gans mog tew ow mos yn-bann; y dhiwweus yw leun a sorrvann, ha'y daves yw avel tan ow tevorya.

Ysay 33:20

Mir war Sion, sita agan solempnitys apoyntys; dha dhewlagas a wel Yerusalem, trigva gosel, tylda anwayadow; ny vydh y ebilyer nevra tennys yn-mes, na ny vydh y gerdyn terrys.

Ysay 34:2

Rag yma sorrvann dhe'n Arloedh erbynn oll an kenedhlow, ha konnar erbynn oll aga luyow. Ev re's distruis ha'ga ri dhe ladhva.

Ysay 35:2

ev a vleujyow, ha lowenha gans heudh ha kana. Glori Lebanon a vydh res dhodho, splannder Karmel ha Sharon; i a wel glori an Arloedh, splannder agan Duw.

Ysay 41:20

rag may hwello tus ha godhvos, ynwedh prederi ha konvedhes, y hwrug dorn an Arloedh hemma ha'n Sans a Ysrael dh'y formya.

Ysay 42:13

An Arloedh a yn-mes avel gour krev, avel kasor y tifun ev y gonnar, ev a gri, ev a arm yn ughel, ev a dhiskwedh y nerth erbynn y eskerens.

Ysay 58:11

An Arloedh a'th hembronk prest, ha sostena dha enev yn tylleryow sygh ha krevhe dha eskern. Ty a vydh avel lowarth dowrhes, hag avel fenten dowr ma na fyll hy dowrow.

Ysay 59:18

Herwydh aga gwriansow, yndella ev a attal; sorr dh'y erbynnoryon, attal dh'y eskerens; ev a re attal dhe'n ynysow.

Ysay 66:5

Klewewgh ger an Arloedh, hwi neb a gren orth y er: Agas breder neb a'gas kas ha'gas eskeas a-barth ow hanow re lavarsons, ‘Bedhes an Arloedh glorifiys, rag may hwellyn agas lowena!’ Mes i aga honan a gemmer meth.

Zekaria 10:7

Efraym a vydh avel kasor galloesek, ha'ga holonn a vydh heudh avel gans gwin. Aga fleghes a'n gwel hag a vydh heudh; aga holonn a vydh lowen y'n Arloedh.

Malaki 3:18

Hag arta hwi a wra dissernya ynter an den gwiryon ha'n tebelwas, ynter an den a serv Duw ha neb na'n serv.

Yowann 16:22

Hag ytho, hwi a'gas beus tristyns lemmyn; mes my a'gas gwel arta, ha'gas kolonn a lowenha, ha'gas lowena ny wra denvyth hy hemmeres dhiworthowgh.

Ebrowyon 10:27

mes neb gwaytyans ownek a vreus, ha konnar an tan a wra lenki an eskerens.