Ysay 66:1 - An Bibel Kernewek 20234 (Kernewek Kemmyn)

¹ Yndellma y lever an Arloedh: Nev yw ow thron ha'n norvys yw ow skavell-droes; ple'ma'n chi a dhrehevowgh dhymm? ple fydh ow fowesva?

Ysay 66:1 ပူးပေါင်းရင်းမြစ်များ

1 Myghternedh 8:27

‘Mes a wra Duw triga yn hwir war an dor? Hwath ny yll nev ha nev an nevow dha synsi, myns le an chi ma re dhrehevis!

1 Kroniklys 28:2

Davydh an myghtern a sevis yn-bann, hag a leveris: ‘Goslowewgh orthiv, ow breder ha'm pobel. Dhe'm parth evy, yth esa y'm brys dhe dhrehevel chi a bowes rag argh kevambos an Arloedh ha rag skavell-droes agan Duw, ha my re wrug darbarow dh'y dhrehevel.

2 Kroniklys 2:5

An chi a vynnav y dhrehevel a vydh bras, rag agan Duw yw brassa ages oll duwow erell.

2 Kroniklys 6:18

‘Mes a yll Duw triga yn hwir gans mab-den war an dor? Ny yll nev, na'n ughella nev hogen, dha synsi, pygemmys le an chi ma re dhrehevis!

Salmow 11:4

Yma an Arloedh yn y dempel sans, yma se an Arloedh y'n nevow; y dhewlagas a vir, kreghyn y dhewlagas a brev mebyon den.

Salmow 132:7

‘Gwren ni mos bys yn y drigvaow ev, hag omblegya a-dherag y skavell-droes.’

Salmow 99:9

Ughelhewgh an Arloedh agan Duw, ha gordhyewgh ev war y venydh sans; rag sans yw an Arloedh agan Duw.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 60:13

Glori Lebanon a dheu dhis, an meryw, an elow, ha'n kypres war-barth, dhe dekhe tyller ow sentri; ha my a lorifi tyller ow threys.

Yeremia 23:24

A yll gour omgudha yn tylleryow kudhys ma na'n gwelav? yn-medh an Arloedh. A ny wrav lenwel nev ha nor? yn-medh an Arloedh.

Malaki 1:11

Rag meur yw ow hanow yn mysk an kenedhlow, dhiworth an howldrevel ha bys an howlsedhes, hag yn pub le yma ynkys offrynnys dhe'm hanow, hag offrynn pur, rag meur yw ow hanow yn mysk an kenedhlow, yn-medh Arloedh an luyow.

Matthew 12:6

Mes my a lever dhywgh bos omma neppyth yw brassa ages an tempel.

Matthew 24:2

Hag ev a worthybis ha leverel dhedha, ‘A ny welowgh hwi oll hemma? Yn hwir y lavarav dhywgh, ny vydh gesys omma men war ven na vydh terrys dhe'n dor.’

Oberow 17:24

An Duw neb a formyas an bys ha pup-tra ynno, neb yw Arloedh nev ha nor, ny drig yn templow gwrys gans diwla den,