Ysay 65:6 - An Bibel Kernewek 20234 (Kernewek Kemmyn)

⁶ Ottava skrifys a-ragov: Ny dawav, mes devri my a attal; my a attal yn aga askra

Ysay 65:6 ပူးပေါင်းရင်းမြစ်များ

Salmow 107:17

Re anedha o klav drefenn aga threuspass, ha drefenn aga hammweyth yth ens i pystigys.

Salmow 109:14

Bedhes kovadh kammweyth y dasow a-dherag an Arloedh, ha na vedhes pegh y vamm defendys dhe-ves.

Salmow 50:21

An taklow ma re wrussys, ha tewel a wrugavy; ty a brederis my dhe vos avelos jy. Mes my a'th keredh, ha dri kuhudhans er dha bynn.

Salmow 50:3

Agan Duw a dheu, heb tewel, tan a dheber a-dheragdho, hag annawel veur a vydh a-dro dhodho.

Salmow 56:8

Ty re verkyas ow gwandrans; gorr ow dagrow y'th votell. A nyns yns i skrifys y'th lyver?

Salmow 79:12

Daskorr seythplek dhe askra agan kentrevogyon rag an skorn ma'th skornsons jy, A Arloedh.

Eksodus 17:14

Ha'n Arloedh a leveris dhe Moyses, ‘Skrif hemma yn lyver avel kovadh, ha'y dhasleverel yn diwskovarn Yoshua may tileav yn tien kov Amalek a-dhann nev.’

Ysay 26:21

Rag awotta an Arloedh ow tos yn-mes a'y le dhe gessydhya annedhysi an norvys rag aga anewnder. An dor a dhiskudh an krow skoellys warnodho; ha ny gudh y re ledhys byth moy.

Ysay 3:11

Go-ev an tebelwas, drog a'n jevydh; drefenn war-lergh ober y dhiwleuv y fydh gwrys dhodho ev.

Ysay 42:14

Hirneth my re dewis, my re omwithas stag hag omdempra; lemmyn my a gyn avel benyn ow tineythi, my a arm ha dyena.

Ysay 59:18

Herwydh aga gwriansow, yndella ev a attal; sorr dh'y erbynnoryon, attal dh'y eskerens; ev a re attal dhe'n ynysow.

Ysay 64:12

Yn despit dhe'n taklow ma, a omfronnydh, A Arloedh? A dewydh, ha'gan arwaska dres eghenn?

Ysay 66:6

Son tervans dhiworth an sita, son dhiworth an tempel! Son an Arloedh owth attyli gober dh'y eskerens!

Yeremia 16:18

Hag yn kynsa my a attal rag aga hammhynseth ha'ga fegh yn tewblek; drefenn i dhe dhefola ow thir gans korfow aga idolys, ha lenwel ow eretons gans aga thaklow kasadow.

Ezekiel 11:21

Mes an re may kerdh aga holonn war-lergh aga thaklow vil ha'ga thaklow kasadow, my a dhre aga fordh war aga fenn, yn-medh an Arloedh Duw.

Ezekiel 22:31

Ytho my a dhiveris ow sorrvann warnedha; my re's konsumyas gans tan ow honnar; my re attylis aga fordh war aga fenn aga honan, yn-medh an Arloedh Duw.

Ezekiel 9:10

Ytho ow lagas ny gemmer truedh, ha ny gemmerav piteth, mes my a dhre aga fordh war aga fenn.’

Yoel 3:4

Pandra esowgh hwi dhymm, A Tyr ha Sidon, hag oll ranndiryow Filistia? Esowgh hwi owth attyli dhymm? Mars esowgh hwi owth attyli dhymm, yn skav ha toeth men my a dreyl agas pemont arta war agas pennow agas honan.

Malaki 3:16

Ena an re a berthi own a'n Arloedh a geskewsi an eyl gans y gila, ha'n Arloedh a woslowas ha klewes. Lyver kovadh a veu skrifys a-ragdho a-dro dhe'n re a berthi own a Arloedh ha prederi a'y Hanow.

Luk 6:38

Rewgh, hag y fydh res dhywgh. Musur da, gweskys yn-nans, shakys war-barth, gorlenwys, a worrons yn agas askra; rag gans an musur may fusurowgh y fydh musurys arta dhywgh.’

Dewteronomi 32:34

A nyns yw hemma gwithys genev, selys y'm gwithvaow?

Diskwedhyans 20:12

Ha my a welas an re varow, bras ha byghan, ow sevel a-dherag an tron; ha rolyow-skrifa a veu igerys; ha ken rol a veu igerys, yw an lyver a vewnans: ha'n re varow a veu breusys der an pyth o skrifys y'n rolyow, war-lergh aga gwriansow.