Ysay 65:5 - An Bibel Kernewek 20234 (Kernewek Kemmyn)

⁵ Yn-medhons, ‘Avod, na dheus nes dhymm, rag yth ov vy re sans ragos.’ An re ma yw mog y'm dewfrik, tan ow leski oll an jydh.

Ysay 65:5 ပူးပေါင်းရင်းမြစ်များ

Lavarow Koth 10:26

Avel aysel dhe'n dyns ha mog dhe'n dewlagas, yndella yw an den diek dhe'n re a'n dannvon.

Lavarow Koth 16:5

Pub huni gans kolonn woethus yw tra gasadow dhe'n Arloedh; bydh sur na vydh heb kessydhyans.

Lavarow Koth 30:12

Yma re yw pur yn aga dewlagas aga honan, mes nyns yns i glanhes a'ga fodredhes.

Matthew 9:11

Ha'n Fariseow pan y'n gwelsons a leveris dh'y dhyskyblon, ‘Prag y teber agas Mester gans tolloryon ha peghadoryon?’

Luk 15:2

Mes an Fariseow ha'n skribys a grodhvola, ow leverel, ‘An den ma a wolkomm peghadoryon hag a dheber gansa.’

Luk 5:30

Ha'n Fariseow ha'ga skribys a grodhvola war y dhyskyblon ow leverel, ‘Prag y tebrowgh hag eva gans tolloryon ha peghadoryon?’

Luk 7:39

Ytho pan y'n gwelas an Farise neb a'n galwsa, ev a gewsis dhodho y honan ow leverel, ‘Mar pe hemma profoes, ev a wodhvia piw ha py par benyn yw hi neb a wra y dochya, rag peghadores yw hi.’

Dewteronomi 29:20

an Arloedh ny vynn gava dhodho; ena sorr an Arloedh ha'y avi a dhyllo mog erbynn an gour na, hag oll an volleth yw skrifys y'n lyver ma a wrowedh warnodho, ha'n Arloedh a dhefend y hanow a-dhann nev.

Jamys 4:6

Mes brassa gras y re ev; rakhenna y lever, ‘Duw a sev erbynn tus woethus, mes dhe dus uvel ev a re ras.’

1 Peder 5:5

Y'n keth vaner, hwi, a dus yowynk, bedhewgh gostydh dhe'n henavogyon, ha pubonan gwiskewgh uvelder an eyl dh'y gila, rag ‘Duw a sett orth tus woethus, mes dhe dus uvel, y re ev gras.’

Lyther Yud 1:19

An re ma yth yw, neb a wra folsyow, tus a'n bys ma heb bos dhedha an Spyrys.