Ysay 65:25 - An Bibel Kernewek 20234 (Kernewek Kemmyn)

²⁵ Bleydh hag oen a beur war-barth, ha lew avel ojyon a dheber kala', mes doust a vydh boes rag sarf. Ny wrons dregynn na distrui yn oll ow menydh sans, yn-medh an Arloedh.

Ysay 65:25 ပူးပေါင်းရင်းမြစ်များ

Job 5:23

Rag ty a' fydh kevambos gans meyn an gwel, ha bestes an gwel a vydh yn kres genes.

Ysay 2:4

Ev a vydh breusydh ynter an kenedhlow, ha mayner rag lies pobel. I a wysk aga kledhedhyow yn soghyow, ha'ga guwow yn higow-skethra. Ny dhrehav kenedhel kledha erbynn kenedhel, ha ny dhyskons gwerrya namoy.

Ysay 35:9

Ny vydh lew ena, ha ny yskynn best gwyls warnedhi ow preydha; ny vydhons kevys ena, mes an re dhasprenys a gerdh ena.

Ysay 56:7

my a wra aga dri dhe'm menydh sans, ha'ga lowenhe y'm chi a bysadow. Aga offrynnow leskys ha'ga sakrifisow a vydh kemmeradow war ow alter, rag ow chi a vydh gelwys chi a bysadow rag oll an poblow.

Ysay 65:11

Mes hwi neb a forsak an Arloedh, hag ankevi ow menydh sans, ha pareusi moes rag Fortun ha lenwel bollow a win kemmyskys rag Tenkys;

Ysay 66:20

I a dhre oll agas breder dhiworth oll an kenedhlow avel offrynn dhe'n Arloedh, war vergh, hag yn charettow, hag yn gravathow, ha war vulyon, ha war gowrvergh, dhe'm menydh sans, Yerusalem, yn-medh an Arloedh, kepar dell dhre mebyon Ysrael offrynn yn lester glan dhe ji an Arloedh.

Ezekiel 43:11

Ha mar perthons meth drefenn pup-tra a wrussons, diskwedh dhedha furv an tempel, y aray, y fordhow mes ha'y entransow – oll y laghys, oll y ordenansow, ha'y desin kowal. Skrif hemma a-rag aga dewlagas, may hwitthons ha siwya an desin kowal hag oll y ordenansow, ha'ga gul.

Daniel 11:45

Ev a worr tyldow y balys ynter an moryow, ha menydh sans an splannder. Mes ev a dheu dh'y dhiwedh, heb denvyth orth y weres.

Mika 4:3

Hag ev a vydh breusydh yntra meur a boblow, ha mayn yntra kenedhlow krev a-bell. I a wysk aga kledhedhyow yn soghyow, ha'ga guwow yn higow-skethra. Ny dhrehav kenedhel kledha erbynn kenedhel, ha ny dhyskons gwerrya na moy.

Mika 7:17

i a lap an doust kepar ha sarf, kepar ha pedrevanes an dor: i a dheu ow kwynnel a'ga skovvaow, a dheu a-rag a'n Arloedh gans krena, hag own a's tevydh ahanas.

Zekaria 8:3

Yndellma y lever An Arloedh: My re dhehwelis dhe Sion ha my a vydh trigys yn mysk Yerusalem. Ena Yerusalem a vydh henwys ‘Sita an gwir’, ha menydh Arloedh an luyow ‘An menydh sans.’

Oberow 9:1

Mes Sowl, hwath owth anella godrosow ha denladh erbynn dyskyblon an Arloedh, eth dhe'n arghoferyas,

Romanyon 16:20

Ena an Duw a gres a vrew Satnas yn-dann agas treys hware. Gras agan Arloedh Yesu Krist re bo genowgh.

2 Peder 3:13

Mes ni a wra gortos nev nowydh ha nor nowydh war-lergh y ambos, may trig ewnder ynna.

Diskwedhyans 14:1

Ha my a welas, hag otta, an Oen ow sevel war an menydh Sion, ha ganso kans peswar ha dew-ugens mil, gans y hanow ev ha hanow y Das skrifys war aga thal.