Ysay 65:22 - An Bibel Kernewek 20234 (Kernewek Kemmyn)

²² Ny dhrehevons, hag arall a drig ena, ny blansons, hag arall a dheber. Rag dydhyow ow fobel a vydh avel dydhyow gwydhenn, ha'm re dhewisys a wel ober aga diwla ow toen frut termyn hir.

Ysay 65:22 ပူးပေါင်းရင်းမြစ်များ

Jenesis 5:27

Dydhyow oll Methusela a veu naw kans blydhen naw ha tri-ugens; hag ev a verwis.

Jenesis 5:5

Dydhyow oll bewnans Adam a veu naw kans blydhen ha deg warn ugens; hag ev a verwis.

Salmow 21:4

Ev a wovynnas bewnans orthis, ha ty a'n ros dhodho, dydhyow hir bys vykken ha bynnari.

Salmow 91:16

Bewnans hir a rov dhodho, ha diskwedhes dhodho ow selwyans.

Ysay 62:8

An Arloedh re dos ren y vregh dhyghow ha re vregh y nerth: Ny rov dha reun arta avel boes rag dha eskerens, ha ny yv mebyon estren dha win nowydh a lavursys ragdho;

Ysay 62:9

mes an re a'n mys a'n deber, ha gormel an Arloedh; ha'n re a'n kuntell a'n yv yn klosyow ow sentri.

Ysay 65:15

Hwi a as agas hanow avel molleth dhe'm re dhewisys; ha'n Arloedh Duw a'th ladh; mes ev a elow y servysi gans ken hanow.

Ysay 65:9

My a dhre has yn-mes a Yakob, hag yn-mes a Yuda nebonan dhe erita ow menydhyow, hag ow re dhewisys a's erit, ha'm servysi a drig ena.

Ysay 66:22

Rag kepar dell vydh an nevow nowydh ha'n norvys nowydh, a wrav aga kreatya, ow sevel a-ragov, yn-medh an Arloedh, yndellma y sev agas has ha'gas hanow.

Levitikus 26:16

hemma a wrav dhywgh: my a worr euth tromm warnowgh, kleves gwastya, fevyr a dhiswra an lagasow hag a wra dhe'n enev omwetha. Hwi a has agas has yn euver, rag agas eskerens a wra y dhybri.