Ysay 65:19 - An Bibel Kernewek 20234 (Kernewek Kemmyn)

¹⁹ My a lowenha yn Yerusalem ha bos heudhik y'm pobel; ny vydh klewys son oelva ynni, na son kri rag gweres na fella.

Ysay 65:19 ပူးပေါင်းရင်းမြစ်များ

Salmow 144:14

Re bo agan oghen krev rag ober, ha na vo aswaow na divroa, ha na vo kri a gynvann yn agan stretys.

An Gan a Ganow 3:11

Ewgh yn-mes ha mirewgh, a vyrghes Sion, orth myghtern Solomon gans an gurun may hwrug y vamm y guruna gensi yn dydh y dhemmedhyans, ha'n jydh mayth o lowen y golonn.

Ysay 25:8

Ev a gollenk ankow bys vykken. An Arloedh Duw a sygh an dagrow dhiworth pub fas; ha kemmeres mewl y bobel dhe-ves a-dhiwar oll an norvys, rag an Arloedh re gewsis.

Ysay 30:19

Ytho an bobel yn Sion, trigys yn Yerusalem, ny oel namoy. Ev a gemmer truedh ahanas orth son dha gri; kettell y'n klew, ev a'th worthyp.

Ysay 35:10

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy, ha tristyns ha hanasa a fi dhe'n fo.

Ysay 51:11

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy; tristyns ha hanasa a fi dhe'n fo.

Ysay 51:3

Rag an Arloedh a vynn konfortya Sion, ev a vynn konfortya oll hy magoryow, ha gul hy gwylvos avel Eden, hy difeyth avel lowarth an Arloedh. Joy ha lowender a vydh kevys ynni, grasyans ha lev kana.

Ysay 60:20

Ny sedh dha howl byth moy, na ny leha dha loer; ha diwedha a wra dydhyow dha gynvann; an Arloedh a vydh dhis golow bys vykken, ha dydhyow dha gynvann a dheu dhe dhiwedh.

Yeremia 31:12

Ytho i a dheu ha kana yn ughel war ughelder Sion, ha splanna drefenn dader an Arloedh, drefenn an greun, ha'n gwin ha'n oyl, ha re yowynk an flokk, ha'n gre; aga bewnans a vydh avel lowarth dowrhes, ha ny vydhons digolonnek namoy.

Yeremia 32:41

My a lowenha ow kul da dhedha, ha my a's plans y'n tir ma yn sur, gans oll ow holonn ha gans oll ow enev.

Ezekiel 36:15

Ny asav dhis klewes skorn an poblow namoy, na perthi keredh an kenedhlow namoy; ny wredh dhe'n genedhel trebuchya namoy, yn-medh an Arloedh Duw.

Sefania 3:15

An Arloedh a gemmeras dhe-ves dha vreusow, ev re fesyas dha eskar: yma myghtern Ysrael, an Arloedh, a-berth ynnos: ny' fydh own a dhroktra namoy.

Sefania 3:17

An Arloedh, dha Dhuw a-berth ynnos, galloesek yw, ev a saw; fest heudhik yw warnas gans lowena; ev a vydh tawesek yn y gerensa, ev a lowenha warnas gans kana,

Zekaria 2:10

Kan ha lowenha, A Vyrgh Sion, rag awotta, yth esov vy ow tos, ha my a wra triga y'th fysk, yn-medh an Arloedh.

Luk 15:3

Ytho ev a gewsis dhedha an barabolenn ma, ow leverel,

Luk 15:5

Ha pan y's kyv, ev a's gorr war y dhiwskoedh gans lowena,

Diskwedhyans 21:4

Hag ev a sygh pub dagrenn dhiworth aga dewlagas, ha ny vydh ankow namoy, na ny vydh keudh, nag oela, nag anken namoy, rag bos an kynsa taklow tremenys.’

Diskwedhyans 7:17

Rag an Oen usi yn kres an tron a wra aga maga ha'ga hembronk bys yn fentynyow dowrow bewnans, ha Duw a wra sygha pub dagrenn a'ga dewlagas.’